1 Samuel 10:7 - Sharanahua: Diospan Tsain

⁷ Nan un mia yoia cuscan min aino nocon Ifo Diosi mi fu ishquin. Nan min ahuara shara huapaiyai cuscan nocon Ifo Diosin mi fu rafuiquin.

1 Samuel 10:7 ပူးပေါင်းရင်းမြစ်များ

Génesis 21:20

Ascan nan facu Ismael tsoa istaipama Parán anoashu pushconi. Diosin a fu ica. Pushcoaino piacati fasi tapicoinni. Muquicoinni.

Éxodo 4:8

Ascano afanan nocon Ifo Diosin Moisés yoini isca huaquin, —Min tsoan atiroma cusca tau huaquin ato ismaiton mia icoinra huayamaifoan min afananri tsoan atiroma cusca ato ismatiro. Min ato nanscara ismaino mia icoinra huatiroforaca.

Mateo 1:23

Nanfoan cunuquin isca huani, “Nicapon. Ainfo funuoma tsoa afu iyamafiamisi facu nanushquin. Caianno furonanfacu iishquin. Ahuun anufin Emanuel (Onicoinnin tsainman Diosin nofu icaran) ishquiquin,” ishon Dioshuunshon inon pacoai yoimisi cununi.

Mateo 28:20

Ascashon nantifi un mato yonoa cuscan huafain yorafori yosicahuun icoinra huafain ua nicasharanonfo. Unfin matofu iquicai. Ascashu nan un afanan oaitian un mato furi ipanacaran, —ishon noco Jesús yoini. Nanti.

Lucas 2:12

Ascacun un mato yoi ahuuscashomain man fuchitiroquin. Nan facu ahuun rashutinin rashucai inafoan pimisifo muran racacun man fuchitiroquin, —ishon Diosin nai oinmatinin ato yoini.

Juan 6:14

Ascan Jesús ahuun tsainmansi shiman rafu non mucu fustiti misi nantifi cinco mil nocofunufo piimaiton oincashon yoinifo, —Iconcoin Jesús Diosin ahuun tsain yoimisi. Nanton Upa Diosin noco yoiyotiani cuscan nancoin nocoqui nichiaran, —icashu yoinannifo.

Hebreos 13:5

Pui noiyamacahuun. Man aya cuscan fustia unimacahuun. Upa Diosin yoini isca huaquin, “Uncai matomaqui ipayamacai uricai mato potanacamaran,” ishon yoini. Ascacun nan tapiashu non fasi unimacointiro.

Josué 1:5

Min niyoaitiancai tsoan mia nitu huatiroma. Un Moisés fu imisi cuscan un mi fu ipanaca. Uncai mia potapacunacama. Nan mian yopaitian un mi fu iishquin.

Josué 1:9

Un mia yonoa cuscan uhuun curushhuunshon un mia amapaiyai cuscan huafafainhuun. Min raquira caino un mi fu cai. Ascacun shinanquin isca huahuu, “Uhuun Ifo Diosin ua yonoa cuscan un atiroran,” ishon shinanhuun. Futsafoqui musuyamahuun. Ascafiacun shinanquin isca huayamahuu, “Uhuun Ifo Diosin ua yonoa cuscacai un atiromaran,” ishon nannori shinanyamahuu, —ishon nocon Ifo Diosin Josué yoini.

1 Samuel 2:34

Ascano min facu Ofni yafi Finees nan shafa fustiton nan rafu nai. Ascaiton min tapitiro un natian mia yoia cuscan nantifi iconcoin.

1 Samuel 20:13

Ascan un nicai mia uhuun upa chaca huaiton un mia tapimayamaino min ichocun nocon Ifo Diosin ua fasi asca huapainon. Nocon Ifo upa fu ipaoni cuscan natianri mi fu ica.

1 Samuel 3:19

Nan Samuel yosiatian nocon Ifo Diosin a fu ipaoni. Nocon Ifo Diosin Samuel inonpacoai yoini cuscan nanscaracoin finonni.