1 Samuel 10:5 - Sharanahua: Diospan Tsain

⁵ Nan min ato anoashu cai min nan Diosi ahuun mai Gabaa ano min nocoshquin. Nanno Filisteofoan aton ranushumuafoan cushumisi ano. Min nocoaiton Diosin tsain yoimisifo nantian miqui nocoshcaniquin. Machi mamaquinoashu aton manutifo manuyanan fotoshcani. Nan manutifo ahuu anufo futsan salterio manufain panderofo manufain shaintifo manufain arpafo nan guitarra cuscaran manucani. Diospan tsain yoifocani.

1 Samuel 10:5 ပူးပေါင်းရင်းမြစ်များ

1 Corintios 14:1

Ascan Diosin noco noiai cuscan huafairi futsafohuun noifafaincahuun. Nancairocon fuchipaicahuun ascashcaquin. Ascashon Diosin Yoshin Sharapan futsa futsa huaquin mato yonopaiyai cuscan nanfori fuchipaicahuun. Diospan Yoshin Sharahuunshon nan Diosin yoia cuscan fasi fuchipaicahuun icoinra huaa futsafo yoishcaquin.

1 Samuel 10:10

Ascano Saúl yafi ahuun oinmati Gabaa mai ano nocoquin oianfo Diospan tsain yoimisifo atoqui funifo. Nantian Diospan Yoshin Sharapan Saúl iquinain cuscan nantian arifi Diosin tsain yoini.

1 Samuel 10:4

Nan rafu non fustifain mia yoisharafain mia misi rafu inainton nan misi fihuun.

1 Samuel 13:2

Nan niaifoatian Saul, tres mil ahuun caifofo Israeli ahuun ranushumuafo catonni. Ascashon ranushumua futsafo aton pushu ano nichini. Nan tres mil a fu nituaino mil ahuun facu Jonatánya nichini Gabaa pushu rasi Benjamín mai ano fotanonfo. Nanno chaimashta mai machifo ahuun anu Betel. Nan dos mil ranushumuafo nituafo Saúl fu pushu rasi ahuun anu Micmas ano fonifo.

1 Samuel 13:3

Ascano nantian Jonatán nan mil ranushumuafo futan Filisteofo Gabaa anoafo ato rutui fonifo. Ascano atirifi ato rutuaifoanno atirifi Filisteofo Gabaa mai anoashu ichonifo. Ascano samamashtacoin Filisteofoan nicanifo nan Israelifoan ato rutui foafo. Ascashon nantian Saúl manuti ahuun anu trompeta manumani nantifi ahuun caifofo nan Hebreofoan aton ranushumuafo yoimani Gilgal ano aqui funonfo.

1 Samuel 9:12

—Ai. Nanno. Nan fai cayacafin tapiaton foriscatacahuun. Nocon pushu rasi cusumunri natian nanno. Man ramashta nocoa ahuun yorafo futan machimamaquishon nocon Ifo Diosi ina rutushon inantani. Natian foriscatacahuun machi mamaqui cataima man aqui nocotiro. Atoqui nocoataima nuno icafoan piyotirofoma. Nantofin iquisi Upa Diosi cufinyotiroquin ina rutuataima. Ascano nan cunafoan a futan pitirofo. Ascacun cariscatahuun natian man fuchitiroran, —ishon shomayafoan yoini.