1 Samuel 10:19 - Sharanahua: Diospan Tsain

¹⁹ Diosin fasi mato shara huamisi man omitsiscaino nan man ahuara chaca futsa finoainton nanscarafohuunoa Diosin mato numani. Diosin mato sharahuapaifiaiton man potapaifain niaifo futsa man catonpai. Ascashon man yoiquin isca huai, “Natian non niaifo futsa funanon noco nanton yononon,” ishon man yoia. Natian nocon Ifo Diosi ahuun ointaifi ichanancahuun. Nan manifoti uqui fucahuun, —ishon Samuel ato yoini.

1 Samuel 10:19 ပူးပေါင်းရင်းမြစ်များ

Números 11:20

Nocon Ifo Diosin mato cushufiano man ahuunoa shinanchacamisi. Ascashu ahuun ointaifi man uaica. Uaiyanan man yoia, ‘¿Ahuuscaimun non Egipcio mai anoashu nuno oaquin?’ ishon man yoia. Natian man oshu fusti nan shafatifi man nami pii nan man namihuun shucasmanaitian. Ahuun inoncai man afanan nan nami oinpaishquimaran,” —ishon nocon Ifo Diosin Moisés yoini.

Josué 24:1

Ascano Josué ato yoini nantifi Israeli manifoti Siquem ano ato ichanan huani. Aton niaifo patasharinoafori ichanan huani Diosi ointaifi funifo.

1 Samuel 10:20

Ascano Samuel Israelifo nan manifoti cunani aqui funonfo. Nocoaifoan Upa Diosin Benjamín ahuun caifofo catonni.

1 Samuel 12:12

Ascafia man man oian Amonitafoan aton niaifo Nahas ahuun ranushumuafoya nocoqui fuafo noco rutushcaquin. Nanscaino man fasi ratucoian. Ascano uqui man fua. Nocon Ifo Diosin maton niaifofian ua man yoia isca huaquin, “Non niaifo futsan yopai. Nanton noco yonotiroran,” ishon man yoia.

1 Samuel 14:23

Israelifoan Filisteofo ato ichoni Bet-avén ocuma futsa. Ascano nan shafata nocon Ifo Diosin Israelifo numani.

1 Samuel 3:21

Nan Silo pushu rasi ano Diospan ichananti pushu muran nocon Ifo Diosin Samuelqui nocopaoni ahuun tsain tapimashquin. Ascano nocon Ifo Diosin Samuel tapimani cuscan ahuun caifo Israelifori tapimapaoni.

1 Samuel 4:1

Nantian Filisteofo fu Israelifo rutunannifo. Ascano Israelifoan aton ranushumuafo Eben-ezer ano iyonifo. Ascano nan Filisteofoan aton ranushumuafori Afec mai ano iyonifo.

1 Samuel 8:19

Nan ato tapimapaisharafiaitocai ahuun tsain nicapainifoma. —¡Nanscanon! Norifi futsafoan aton niaifo cuscaran non fuchipai noco yononon.

1 Samuel 8:5

Aqui nococatan yoinifo isca huaquin, —Min natian anifoshta. Min noco shara huapaoni cuscacai min facu rafucai ascarama. Nan rafutacai nocon Ifo Diosi tanafoma. Ascacun nan caifo futsafoan aton niaifo cuscaran catonhuun noco yononon, —icashu Samuelqui chaninifo.