1 Samuel 10:1 - Sharanahua: Diospan Tsain

¹ Ascano Samuel shuni motica fiitan Saúl ahuun mapoqui ocafain tamo tsoani. Ascashon Samuel Saúl yoini isca huaquin, —Natian nocon Ifo Diosin mia catoan min yora Israelifoan noco niaifo min inon.

1 Samuel 10:1 ပူးပေါင်းရင်းမြစ်များ

2 Samuel 1:14

—¿Ahuuscai ratutama nan nocon Ifo Diosin catoan niaifo inon min rutua? —ishon David yoini.

2 Samuel 5:2

Saúl noco niaifo iyopaonifiashon min nocon ranushumuafo iyoni noco numanon. Nocon Ifo Diosin mia yoini isca huaquin, “Min uhuun yora Israelifo cushushquin aton niaifo min iishquiain,” mia yoiniran, —ishon Israelifoan David yoinifo.

Hechos 13:21

Ascatan nocon shunifoan Samuel yoinifo, “Caifo futsa niaifo cuscara noco inanhuun,” huanifo. Ascano Diosin Cispan ahuun facu Saulo catonni aton niaifo inon. Aafin cuarenta fari Israelifoan aton niaifo ipaoniquin. Saulofin Benjamín ahuun funa iniquin.

1 Tesalonicenses 5:26

Nantifi yoinonansharacahuun.

Hebreos 2:10

Upa Diosin nantifi onihuani ahuunoashu nantifi ica. Ascashon yorafori onihuani ahuun facufo icain afu ipanonfo. Ascacun Furun Jesús nichini nocohuunoashu omitsiscano non afu ipanon. Furun fusti nocohuunoashu omitsiscatiro noco chaca soashoshquin. Nan iconcoin Upa Diosin yononi Furunmun noco omitsiscashoano noco Ifo sharacoin inon. Ascashon Apa Dios icari noco iyoano non afu ipanon.

Apocalipsis 5:8

Fishon nan rafu non rafuri Diosin onihuani yafi nan veinte cuatro icoinra huafo cushumisifoan fuoshopacufoan manuti guitarra cuscarafo yafi tutsofo nanfoan tsomafo. Nan tutsofo oro faca facaitsa. Nanfo muran fiin otano ahuun coin tipoi ininsharayacoin. Nanscarifiai Diospan yorafoan a cufiaiton Upa Dios nan icarishon ato nicamisi.

1 Samuel 12:3

Unfin natian nuno noco Ifoan Diosi ointaifi non nocon niaifoan nan nocon Ifo Diosin catoan ahuun ointaifin un nia. Ua yoicahuun. ¿Unmain tsoan moi onunfain tsoan burro onunfain un tsoan paramisiquin? ¿Ascashomain un yorafo omitsiscamamisiquin? ¿Ascatari tsoan ua pui inanmun un mato fomanmisiquin ratoran futsa chaca huashquin? Un ratoran futsa chaca huamainquin ua yoicahuun un nanfo shara huanon, —ishon Samuel nannori ahuun caifo Israelifo yocani.

1 Samuel 13:14

Ascashucai min non min facufo Israelifo aton niaifo ipatiroma. Aafin shinain cuscan nocon Ifo Diosin nocofunu futsa nan shinain cuscaran catoinquin Israelifoan niaifo inon. Nocon Ifo Diosin mia yonoa cuscacai min aama. Ascan natiafin nocon Ifo Diosin nocofunu futsa catoinquin. Nan ahuun tsain tanapai nanfin Diosin catoin nocon caifoan niaifo inon, —ishon Samuel yoini.

1 Samuel 15:1

Asca huacatan shafa futsa Samuel Saúl yoini isca huaquin, —Nocon Ifo Diosin ua yonoa cuscan un nocon caifo Israelifo tapimani nocon Ifo Diosin mia catoan min nocon niaifo inon. Ascacun ua nicahuu, nocon Ifo Diosin mia yoiai cuscan natian un mia yoinon.

1 Samuel 15:17

Ascaiton Samuel yoini isca huaquin, —Un ahuamaran ishon min shinanpaoni. Ascafia min natian nocon caifo Israelifo manifoti min nocon niaifo. Nocon Ifo Diosin nocon caifo ismayamua mia catoan min nocon niaifo inon.

1 Samuel 16:1

Ascan nocon Ifo Diosin Samuel yoini isca huaquin, —Mun yoia Saulcai afanan Israeli niaifo itiroma. Ascan afanan ahuunoa shinanyamahuun. Min moi masho muran shuni manuhuun. Asca huatan Belén pushu rasi ano catahuun. Nanno a nocofunu Isaí icano catahuun. Ahuun furun futsa un catoan Israeli niaifo inon, —ishon Diosin yoini.

1 Samuel 16:13

Nicatan Samuel moi masho murannoa shuni fitan ochifoan ointaifi chipocuton ahuun anu David ahuun mapofuchi shuni ocaino samamashta Diospan Yoshin Shara Davidqui nocoriscatan ahuun curush inanni. Shafatifi Diospan Yoshin Shara David fu rafuni ahuun curush shara inanni. Asca huatan Samuel afanan ahuun pushu Ramá ano nasoni.

1 Samuel 2:10

Tsoan nocon Ifo Diosi noicasmaquin aqui chaca huaiton Diosin ato omitsiscamacoin. Diosin nan icanoshon ahuun tsain curush turuica nicatsa ato shatumashquin. Nocon Ifo Diosin nantifi manifoti anoafo ato yoipacushquin isharamisifo iyamarai chaca huamisifo. Nan Diosin catoan fusti ato niaifocoin iishquin. Diosin ahuun curush nan niaifo inain. “Nanfin mato niaifocoin. Uhuunshon mato iquiniran,” ishon nocon Ifo Diosi nan niaifohuunoa nantifi yorafo yoishquiran, —ishon Anapan cufini.

1 Samuel 24:6

Ascan David a fu rafuafo yoini isca huaquin, —Nocon Ifo Diosin man tapia un Saúl ahuun sahuuti shatuama shara icuana. Nocon Ifo Diosin Saúl catonni. Afin uhuun niaifoquin.

1 Samuel 26:11

Nocon Ifo Diosin Saúl catonni. Nocon Ifo Diosin ua shinanmasharaino uncai Saúl rutunacama. Ascafia ahuun ashi yafi ahuun botica unu ayati non fiiain canon. Non aya ichonon, —ishon David yoini.

1 Samuel 26:9

Ascaiton David cumani isca huaquin, —¡Ma! Rutuyamahuu. Nocon Ifo Diosin Saúl nocon niaifo inon catonniquin. Non rutuashu non chaca itiro.

1 Samuel 8:19

Nan ato tapimapaisharafiaitocai ahuun tsain nicapainifoma. —¡Nanscanon! Norifi futsafoan aton niaifo cuscaran non fuchipai noco yononon.

1 Samuel 8:9

Ascacun ato nicahuun nan apaiyaifo cuscan huahuu. Ascafia ato yoihuun niaifo futsa nan ato asca huatiro cuscaran inon, —ishon nocon Ifo Diosin Samuel yoini.

1 Samuel 9:16

—Na funamari nan nocofunu Benjamínfo mai anoshon un miqui nichi. Ahuun mapoqui shuni ocahuun naanfin mato niaifo iishquiquin. Nan uhuun yora Israelifoan ua cufiainfo cuscan mun nica. Nan ua cufiainfo cuscan nicain un fasi atohuun ramapaicoin. Mani futsan nan Benjamín aton muran nan nocofunuhuunshon nantifi uhuun yorafo Israelifo un numashquin Filisteofoan ato ahuusca huanonma, —ishon nocon Ifo Diosin Samuel yoini.

1 Samuel 9:27

Ascashu focani pushu rasi finon cuatan Samuel Saúl yoini isca huaquin, —Min oinmati yoihuun rufofo canon. Min u fu nituyotiro nocon Ifo Diosin ua yoia cuscan un mia tapimanon, —ishon Samuel Saúl yoini. Ascano nan Samuel yoia cuscan Saúl ahuun oinmati rufofo nichini.