1 Samuel 1:5 - Sharanahua: Diospan Tsain

⁵ Nan ahuin futsa Ana Diosin yononi cuscan toosma. Elcana fasi ahuun noicoinquin nami paratama inanni.

1 Samuel 1:5 ပူးပေါင်းရင်းမြစ်များ

Génesis 11:30

Nan Saraicai facu nanutiroma toosma ini.

Génesis 16:1

Abram Canaán mai ano nocoi taunitian man mucu rafuti fari finoan ini. Nantian Sarai yafi Abram facuoma inifo. Ascacun Saraipan ahuun oinmati funu Abramqui iyoni ahuun ahuin futsa inon. Nan ahuun oinmatinin ahuun caifo Egipciofo ini. Ahuun anu Agar. Ascashon Saraipan funu Abram yoiqui isca huani, —Nocon Ifon Dios ua facu inanma. Ascacun uhuun oinmati fu min itiro. Ahuun facufo uhuunacoin cuscara inon, —ishon Saraipan funu yoini. Nannori yoiaiton nicaquin ahuin cumani, —Ai. Mian yoia cuscan shararan, —huani.

Génesis 30:1

Ascan Raquel facu nanuyamacai iyoaqui sinacoinni. Ascashon funu yoini, —Ua facu nanumahuun. Mian facu nanumayamaino un naicai, —ishon funu yoini.

Génesis 30:2

Ascaino Jacob sinainacahuan ahuin yoini, —Ucai Diosimafinquin. Diosifin afin acaquin, —huaiton.

Génesis 43:34

Ascano José acamaquishon piti futsa anoshon ahuun yorafo pimani. Ato inan cuscan huatama paratamacoin ahuun ushto Benjamín pimani. José ahuun yorafo futan pifain ayafain yoinonansharatan unimanifo.

Génesis 45:22

Ahuun ochifo sahuutifori ato inanni. José ahuun ushto Benjamín nan ato inan cuscan finonmacaifain paratamacoin inanni. Tres cientos torofo chicoin inanfain sahuutifo mucu fustiti inanni.