1 Samuel 1:22 - Sharanahua: Diospan Tsain

²² Ascafiacai nan ahuin Anacai a fu canima. Yoiquin isca huani, —Manshtan, un natian mi fu cayoicaima. Nan nocon facu shoma unuaitian un mi fu cashquin nocon Ifo Diosi un noco facu inanfin a fu ipanacaquin, —ishon yoini.

1 Samuel 1:22 ပူးပေါင်းရင်းမြစ်များ

Salmos 27:4

Un niyoashu uhuun Ifoan pushu muran un ipai a oinpacushquin. Nanfin fasi sharacoinquin. Un shafatifi uhuun Ifo oinpai ahuun pushu muranshon oinquin ahuunoa shinanfafainshquin. Nan fusti un uhuun Ifo yocain ua ashonon.

Lucas 2:22

Moisés Israelifo yononi isca huaquin, —Maton ahuin facu caianshu cuarenta oshatan Dios fu tsainti pushu muran iquiyotiromaran, —ishon ato yononi. Ascacun María futan José aton facu man cuarenta oshatan Jerusalén ano iyonifo. Dios fu tsainti pushu muranshon apa Dios inanshcaquin. Ascano Dios fu tsainti pushu muran iquicashon yoinifo isca huaquin, —Upa Diosin nocon facu non mia ihuushona mia inainyoshquin mia yonoshopacushanon, —ishon yoinifo.

1 Samuel 1:11

Nan cufiaintian Anapan nocon Ifo Diosi yoini isca huaquin, —Ifo Diosin, min ahuamamishti huatiro. Unfin min oinmatiquin. Un omitsiscai cuscan ua shinanhuun. Ua furonanfacu inanpun. Mian furonanfacu inainton un chipo mia inanshquin mina inon. Nan niyoatian uhuun facu min oinmati ishquin. Ascacun nanfin mina ishquiquin ahuun foocai tustupacunacamaran, —ishon Anapan nocon Ifo Diosi cufinni.

1 Samuel 1:28

Ascano un natian nocon Ifo Diosin uhuun facu inain niyoatian ahuun oinmati inonran, —ishon yoini. Nan nicatan Elí Upa Diosi cufini.

1 Samuel 13:13

Nannori yoiaiton nicaquin Samuel Saúl cumani, —¡Ohuashta! Min fasi amaquiri chaca shinan. Mia nocon Ifo Diosi yonoa cuscacai min huama. Nan mia yonoa cuscan min huaino nocon Ifo Diosin mia non min facufo non min funafori Israelifoan aton niaifo imapacucuana.

1 Samuel 2:11

Ascan cufintan Elcana yafi Ana aton pushu Ramá mai ano nasonifo. Ascan Samuel Elí nan Israelifohuunoa aton Ifo Diosi cufinmisi fu nituaino apa yafi ahua fu nasonima. Shafatifi ichananti pushu muran nocon Ifo Diosi yonopaiyai cuscan Samuel huashomisi.

1 Samuel 2:18

Ascan Samuelcai Elí facufo cuscarama. Nocon Ifo Diosin Samuel amapaiyai cuscan huani. Ascatan Israelifohuunoa nocon Ifo Diosi cufinmisifoan sahuumisi cuscaran nanscaracoinri Samuel sahuumani. Sahuuti ahuun anu lino sahuuni.

1 Samuel 28:2

—Shara. Non mato fu cai. Ascan min tapitiro non mia shara huashoain cuscan, —huaiton. Ascaiton Aquís cumani, —¡Aicho! Ascan min uhuun cushumisi ipatiroran, —ishon yoini.

1 Samuel 3:1

Ascano nantianri nan furonanfacu Samuel Elí yononi cuscan huashoni. Nanscahuahuunshon Samuel nocon Ifo Diosi ashomisi. Nantiancai nocon Ifo Diosin ahuun tsain tsoan tapiyonima. Fusti rasiton ahuun tsain nicanifo. Aton namapanhuunshon Diosin ato tapimapaiyai cuscan fusti rasi tapinifo.