1 Samuel 1:21 - Sharanahua: Diospan Tsain

²¹ Ascano chipo Elcana ahuun yorafoya afanan Silo ano cani nocon Ifo Diosi ina inanfain a yoia cuscan huaashquin.

1 Samuel 1:21 ပူးပေါင်းရင်းမြစ်များ

Génesis 18:19

Un Abraham catonni ahuun facufo yafi ahuun funafori ua tanasharashu cayacafi shara shinanonfo. Ascaifoanno un Abraham yoiyotiani cuscan un ashotiroran, —ishon nocon Ifo Diosin yoini.

Josué 24:15

Ascan man nocon Ifo Diosi tanapaiyamaquin catoncahuun tsoan oinmatimain man ipaicain. Unu Eufrates fari iquiaiquirinoa maton shunifoan dioscoinfoma aton oinmati ipaonifo. Ascano nan Amorreofoan aton dioscoinfoma man aton oinmati ipairaca. Nantian Amorreofo mai ano man ica. Ascacun catoncahuun rato diosmain matona itiroquin mato yoia cuscan man anon. Ascafia un non uhuun yorafoan non nocon Ifo Diosi fustiton noco yonoa cuscan non huairan, —ishon Josué Israelifo yoini.

1 Samuel 1:3

Nan faritifi Elcana pushu rasi ahuun anu Silo ano capaoni. Nannoshon nocon Ifo Diosin ahuamamishti huatiro cuscan cufinfain ahuara Diosi inain cuscan. Nanno Silo ano Elí furun rafu Ofni yafi Finees aton caifohuunoa nocon Ifo Diosi cufinmisifo ini. Elí arifi ahuun caifo Israelifohuunoa nocon Ifo Diosi cufimisi ini.

1 Samuel 2:19

Ascano faritifi Ana ahuun funu fu ichananti pushu ano focashon ina rutushon ismanifo aton chaca shatupaiyaifo cuscan nocon Ifo Diosi tanansharashcaquin. Cataima Anapan ahuun facu Samuel sahuuti icushushoni inanshquin.