1 Samuel 1:15 - Sharanahua: Diospan Tsain

¹⁵ Ascaiton Anapan cumani, —Niaifo, uncai pauinma. Unfin fasi shinancoinquin. Nan un shinain cuscan un nocon Ifo Diosi yoia.

1 Samuel 1:15 ပူးပေါင်းရင်းမြစ်များ

Salmos 42:4

Non iyopaoni cuscan afohuunoa un shinain uhuun nomuran un fasi isincoin. Ipaonifo yora ichapa Diosi pushu ano un ato iyopaoni. Caashu nantifi non unimai. Oi ashcafinin non fanainpaoni. —¡Aicho, uhuun Ifo Diosin! Min noco shara huamisiran, —icashu non unimayanan non fanainni.

Salmos 62:8

Uhuun yorafoan, nocon Ifo Diosi nantishotapiquin icoinra huafafaincahuun. Nocon Ifoan nocon cushumisi. Ascan maton nomuran man shinain cuscan nocon Ifon nantifi yoicahuun.

Salmos 62:9

Niaifocoinfo non yora ahuamafo nocon Ifo Diosin ato oin nanscara rafu. Nan rafu ahuun ointaifin ahuama. Balanzanun ato tanan huai cafisca huai aton ihuucai ayama.

1 Samuel 1:16

Uhuunoa shinanchacayamahuu. Uncaiyainfo chacama. Uhuun nomuran un fasi omitsiscai cuscan un nunoshon nocon Ifo Diosi cufin oaran, —ishon yoini.

1 Samuel 7:6

Ascano Samuelqui fucashon unu fishon maiqui ocanifo nan chaca huafo cuscan shatufain nan nocon Ifo Diosi fusti tanapaiyaifo cuscan ismanifo. Nan shafatari piqui tununifo nocon Ifo Diosi cufinyanan yoiquin isca huanifo, —Upa Diosin, min nocon Ifo non mia chaca huamisiran, —ishon cufinnifo. Nantian Mizpa mai ano Samuel Israelifo aton niaifo ini.