1 Samuel 1:11 - Sharanahua: Diospan Tsain

¹¹ Nan cufiaintian Anapan nocon Ifo Diosi yoini isca huaquin, —Ifo Diosin, min ahuamamishti huatiro. Unfin min oinmatiquin. Un omitsiscai cuscan ua shinanhuun. Ua furonanfacu inanpun. Mian furonanfacu inainton un chipo mia inanshquin mina inon. Nan niyoatian uhuun facu min oinmati ishquin. Ascacun nanfin mina ishquiquin ahuun foocai tustupacunacamaran, —ishon Anapan nocon Ifo Diosi cufinni.

1 Samuel 1:11 ပူးပေါင်းရင်းမြစ်များ

Génesis 28:20

Nannoshon Jacob yoiquin isca huani, —Diosin u fu cacain ua cushusharafain ua tushu inanfain ua sahuumafain ua nasomasharafain ua cushuquin asca huaino uhuun Ifo icain uhuun Diosin itiroquin.

Génesis 29:32

Leapan facu nanua furonanfacu cainni. Ascashon Lea yoiquin isca huani, —Nocon Ifoan oinni un fasi un shinanpaiyaiton. Ascacun Dioshuunshon uhuun funun ua facu nanumani. Ascacuraca natia uhuun funun ua noishquin. Uhuun facu anuquin Rubénran, —ishon anuni.

Génesis 30:22

Ascafiacai Diosin Raquelhuun ointi aquimanima. Raquel cufian cuscan Diosin nica. Ascacun Dioshuunshon funun facu nanumani.

Génesis 8:1

Ascano Noé yafi nantifi yoinafo a fu ahuun shashohuan muran icafo Diosin atohuunoa shinanni. Ascashon Diosin unu fumancayan fuu fumani. Nan fuuhuanun unu nasha huaquin tau huani.

Éxodo 4:31

Nan oincashon icoinracoin huanifo. Ahuun ushto Moisés Dioshuunshon yoini cusca Aarón ahuun caifo nan Israelifo tapimani. —Nocon Ifo Diosin mato fasi shinain. Man omitsiscai cusca nantifi man oian Diosin matohuun ramapairan, —ishon Aarón ato yoini. Ascaiton nicacashon nantian Diosi cufinnifo. Yoiquin isca huanifo, —Upa Diosin, minfin nocon Ifo sharaquin, —huanifo. Ascashon nantifiton ratoconun mai chachishon Diosihuunoa yoisharanifo.

1 Samuel 1:10

Ascano Ana nocon Ifo Diosi cufiaintian ahuun nomuran fasi uaicoinni.

1 Samuel 1:12

Anapan ahuun nomuranshon cufiainton Elí ahuun ashfa oinni.

1 Samuel 1:19

Ascan iyoconaino nocon Ifo Diosi cufinnifo. Cufinqui unutan Elcana ahuun yorafoya aton pushu Ramá ano nasonifo. Nocotan Elcana Ana fu oshani. Ascano man facu nanua ini. Taui furonanfacu cainni. Ascashon Anapan yoini isca huaquin, —Un nocon Ifo Diosi cufian cuscan ua furonanfacu inan. Ascacun ahuun anu Samuel iishquinran, —ishon yoini.

1 Samuel 1:22

Ascafiacai nan ahuin Anacai a fu canima. Yoiquin isca huani, —Manshtan, un natian mi fu cayoicaima. Nan nocon facu shoma unuaitian un mi fu cashquin nocon Ifo Diosi un noco facu inanfin a fu ipanacaquin, —ishon yoini.

1 Samuel 1:28

Ascano un natian nocon Ifo Diosin uhuun facu inain niyoatian ahuun oinmati inonran, —ishon yoini. Nan nicatan Elí Upa Diosi cufini.

1 Samuel 2:20

Ascatan Elí Anapan funu Elcana yoisharani isca huaquin, —Min ahuin Anapan Diosi cufini facuyashquin. Ascan ahuun facu cainyaitian Ana nocon Ifo Diosi facu inanni. Ascatan min ahuin Ana nocon Ifohuunshon mia facu ichapa inanpainonran, —ishon Elí yoini. Ascatan Elcana yafi Ana aton pushu ano nasonifo. Apa yafi ahua nasoaifono Samuel Elí fu nituni.