1 Pedro 5:7 - Sharanahua: Diospan Tsain

⁷ Ascashon matohuunoa shinanfafaini mato cushusharashquin. Ascan man ahuarafo shinanchaca cuscan Upa Diosin yoicahuun maton nomuran unimamanon.

1 Pedro 5:7 ပူးပေါင်းရင်းမြစ်များ

Salmos 34:15

Tsoan nocon Ifoan yonoa cuscan huamisifo ato cushusharamisi nan cufiainfo cuscan ato ashoshquin.

Salmos 37:5

Nocon Ifo Diosi yoicahuun isca huaquin, —Uhuun Ifon, min ua amapaiyai cuscan ua tapimahuu, —ishon yoicahuun. Nocon Ifo Diosi icoinra huacahuun. Man ascaitofin mato shara huashoshquiquin.

Salmos 40:17

Uhuun Ifon, uncai ahuama. Un mia fasi yopai. Ua shinanpun. Min ua ashosharafain min ua numamisi. Upa Diosin ua manamaquima. Oriscahuun ua numashquin.

Mateo 6:27

Ascacun shinanchacayamacahuun. Non shinanchacatocai shafa fusti noco nimayotiroma.

Mateo 6:28

Ascashon shinanquiri isca huayamacahuun, “¡Ohuashta! Raniamun un sahuuti fii nan sahuushqui,” ishon shinanyamacahuun. ¡Shinancapon! Charofocai yonoyamafain sahuuti icushumisifoma.

Mateo 6:31

Ascacun shinanquin isca huayamacahuun, “¡Ohuashta! Unmun ahua piquin uhuun tushuyamaino. ¿Unmun ahua ayaicai? Unricai ahua sahuuimaran,” ishon shinanchacayamacahuun.

Marcos 4:38

Ascaino Jesús shasho tsispacamaquinoashu oshano afu rafumisifoan moinnifo. —Nocon tapimamisiton moihuu. ¿Min noco shinainmamun? Man non asai futsuicai, —ishon moinnifo.

Lucas 12:22

Ascaino Jesús afu rafumisifo yoiquin isca huani, —Afanan un mato yoisharanon. Ua nicasharacahuun. Isca huaqui shinanyamacahuun, “Non ahua pimara,” ishon shinanchacayamacahuun. Ahuaricai non sahuuimaran iyamacahuun.

Lucas 12:26

Asca shinanchacahuunshoncai ahuaton noco nimayotiroma. Asca ahuara futsari shinanchacahuunshon noco imatiroma. Asca ahua shinanchacayamacahuun.

Filipenses 4:6

Ascano shinanchacayamacahuun. Ascatamarocon ahuara ahuuscarafiaino Upa Dios cuficahuun. Man yopai cuscari a yoicahuun. Man cufiaino Upa Dios yoicahuun isca huaquin, —¡Aicho! Upa, min ua nicasharamisi un yopai cuscan min tapishon min ua ashosharamisiran, —ishon cuficahuun.