1 Juan 5:8 - Sharanahua: Diospan Tsain

⁸ Jesús unu muran iquimanitian yoifain naitian ahuun imi foni cuscan tapimafain Diospan Yoshin Sharari noco yoimisi. Nannori fosi yoiquin rafu non fusti huani.

1 Juan 5:8 ပူးပေါင်းရင်းမြစ်များ

Mateo 28:19

Ascacun manifoti anoafo yoifoanfafaitacahuun ua icoinra huafain ua tanasharanonfo. Uhuun Upa Diosin ahuun anuhuunshon yafi uhuun anuhuunshon non Diospan Yoshin Sharahuunshonri yorafo unu muran iquimashcaquin.

Marcos 14:56

Yora ichapafoan, —Jesús chaca huaran, —ishon yoifiacaquin nannorisi shinannifoma. Paracaquin.

Juan 15:26

Matori noicasmafiaifoan uhuun Upa Diosin arishon ahuun Yoshin Shara matoqui nichishquin. Nanton maton ointi unimamatiro isharashcaquin. Afin iconmisiquin. Uhuunoa mato yoishquin.

Juan 19:34

Ascaiton man naa oinquin ranushumuaton ahuun ashin pishi chachiaino imi focain unu foni.

Hechos 15:15

Nannorifosi Diosin tsain inon pacoai yoimisifoan yoinifo. Isca huaquin cununi,

Romanos 8:16

Nocon nomuranshon Diospan Yoshin Sharapan noco yoi isca huaquin, —Min Upa Diosin facucoinran, —ishon noco yoi.

2 Corintios 1:22

Ratoran futsan aton mafohuun aton anu nutatirofo nanfo ahuunacun futsan tapinon. Nanscarifi aqui Upa Diosin ahuun Yoshin Shara noco ya rafumacun nanhuunshon yora futsafoan noco ointirofo non ahuun yorafocun. Nanmain nocon Ifocun. Noco yoiyotiani cuscan ahuun Yoshin Shara noco ya rafumaquin tau huani. Ascacufin non tapitiroquin ahuara futsa noco yoiyotiani cuscan iconcoin noco inanshquin.

Hebreos 13:12

Nanscarifiai Jesús Jerusalén pasoatonoashu noco omitsiscashocai ahuun imi focai ahuun yorafohuunoashu nani nocon chaca noco soashoshquin non a cuscara shara inon.

Hebreos 6:4

Tsoan Diospan tsain shara Jesucristohuunoa tapiyoni Furun Jesús aqui nichini ahuun ifo icaino ahuun nomuran mumisi. Ascashori Diospan Yoshin Shara fu rafucain ahuun tsain shara noco cunushoni iconcoin oinquin ahuun nomuran muumisi. Ascatan Jesús oaitian ahuun curushhuunshon ahuamamishti tsoan oinyomisima cuscara man aashquiairi man ahuun nomuran muumisi. Ascan nantifi ahuara sharafo ahuun nomuran mufiamisishaquin Jesús cachiquiri huacoinshon nocon Ifo Jesús afanan masta cafisca huai. Ascashon futsafoan Jesushuunoa shinanchacatirofo. Ascaran yorafoancai afanan shinan futsatiroma aton chaca shatushon Jesús ifoashquin.

1 Pedro 3:21

Noé unu faitahuaino shashohuan muran iquiashucai asanima. Faitahuan nocofianocai Noé yafi ahuun yorafo shashohuan murannoashu asanifoma. Nanscarifiai futsan noco unu muran iquimanaino funishon non yorafo ismai Cristo Jesús noco funimani non afu ipanon. Nan unu muran non iquiainocai non yorafo ismaima noco caya non nashimana afanan choshta inonma. Ascatamarocon non ato ismai nocon chaca soashocun Cristofin noco funimaniquin noco numashqui. Ascan non afanan shinanchacatamarocon non Jesushuunshon shinansharanon Dios fu ipashquin.

1 Juan 5:9

Ascan yorafoan noco ahuara yoiaiton icoinra huatan Upa Diosin noco yoiai cuscan mima huaquin non icoinra huacointiro. Acai yora cuscarama. Aafin Dioscoinquin. Ascan ahuun Furunhuunoa noco yoiaiton non icoinra huacointiro.