1 Juan 5:16 - Sharanahua: Diospan Tsain

¹⁶ Ascan tsoan Jesús icoinra huafiashon chaca huaiton oinquin non Upa cufishotiro chaca shatunon. Ascan Upa Diosin ato numatiro nipanonfo ato imasharatiro. Ascafia futsafoan ipaitsi Jesús ifoancoinna ointsa iyofiashon chipo potacoian. Chaca shinanfafainquin Dios cachiquiri huacoinnafo. Ascarafocai tsoashtan numatiroma nipanon. Naashu omitsispacunacafo muran focani. —Ahuunoa Upa cufishocahuun, —ishoncai un mato anori yoima.

1 Juan 5:16 ပူးပေါင်းရင်းမြစ်များ

Génesis 20:17

Abimelec Sara ahuun pushu muran ihuuni ahuin huapaiquin nantiari nocon Ifo Diosin yononi cuscan rato ainfoancai Abimelec pushu anoshon facu atiroma iyoni. Ascano Abraham Diosi cufini niaifo caiyanon. Ainfofohuunoari cufini afanan facu nanunonfo.

Génesis 20:7

Abraham uhuun tsain yoimisi. Ascacun ahuun ahuin afanan aqui nichihuun. Afanan aqui nocoshon Abraham ua mihuunoa cufinquin min nanonma. Ascafia ahuun ahuin aqui nasoyamaino min tapisharatiro min non nantifi min yorafo samamashta nairan, —ishon Diosin Abimelec yoini.

Éxodo 34:9

Ascashon Moisés yoini isca huaquin, —Uhuun Ifon, min uqui unimacoinmainquin no fu capun. Nan uhuun caifoan mia nicacasmafain aton chaca shatucasmafain non mia nicacasmafia noco rauhuafain non mia chaca hua cuscari noco rau huapun. Min yoracoinfo noco imapun, —ishon Moisés nocon Ifo Diosi nannori yoini.

Números 12:13

Nannori Aarón yoiaiton nicaquin Moisés nocon Ifo cufinni isca huaquin, —Uhuun Diosin, uhuun chipi caya huapun, —ishon nannori ahuun chipi cufinshoni.

Lucas 12:10

Tsoan ua chaca huafin Upa Diosin rau huashotiroquin. Asca tsoan Diospan Yoshin Sharaqui tsain chaca huacai rauhuanacama. Aton chaca atohuun nuupacunaca.

Juan 17:9

Un mia ato cufishofafaini. Uncai a icoinra huafoma ato cufishonima. Nan mian inannifosihuunshon un mia cufifafaini. Un mia ato cufishofafaini nanfomain minafocufin.

2 Timoteo 4:14

Asca Alejandro nan ahuun cuno yonomisiton ua fasi chaca huaa cuscan Diosin nan onaintimashqui.

1 Juan 5:17

Upa Diosin noco amapaiyai cuscan ayamashu chacacoin itiro. Nan chacafo huaifoan non Upa cufishotiro aton chaca shatunonfo Upa Dios fu ipashquin.

1 Samuel 12:19

Ascashon Samuel yoiqui isca huanifo, —Nonfin nocon Ifo Diosi chaca huamisiquin. Nonfin chaca huaquin finacoinmisiquin. “Noco niaifo futsa catonshonhuun,” ishon non yoia. Natian nocon Ifo Diosi noco cufinshohuun. Min noco cufinshoyamaino non nai futsutiroquin, —ishon Israelifoan ratucoincaquin nannori Samuel yoinifo.

1 Samuel 2:25

Futsan futsa chaca huaiton Diosin afanan shinanmasharatiro futsa rau huanon. Ascafia futsan nocon Ifo Diosi chaca huaiton tsoa futsacai nocon Ifo Diosi yoitiroma chaca hua cuscan rau huanon, —ishon Elí ahuun facu rafu yoini. Ascafiainocai apan ato yoini cuscan nicapaicanima. Elí ahuun facufo yoiataima nocon Ifo Diosin shinanyoni ato namashquin.