1 Corintios 6:4 - Sharanahua: Diospan Tsain

⁴ Ascacufin man fochishmanantanain cuscan mafiranan arosharacahuun. Ascacun ratoran futsafo catoncahuun a mato futan icoinra huama aquima. Nan mato futan icoinra huaa acahuun mato arosharashonon. Nan ahua yamafiacun man catontiro mato arosharashonon.

1 Corintios 6:4 ပူးပေါင်းရင်းမြစ်များ

1 Corintios 5:12

Nan icoinra huamafo non ato yonotiroma aton chaca shatunonfo. Ascarafocai Diospan yorama. Diosifin ato onaintimashquiquin. Ascafiaino Diosin noco yonoa nan icoinra huafo futsan chaca huacun non ato yoitiro aton chaca shatunonfo. Ascashon nan nocofunun mato muranshon chaca huamisicun yoicahuun afanan matofu ichananonma ahuun chaca shatucoiaintian matofu afanan ichanantiro.

1 Corintios 6:3

Man tapiamamun non Dios futan yoishquin ahuun oinmati afu nai muran icafomain chaca huafo iyamarai shara huafoquin. Non asca huainofin nuno mai anoafo fasi mimacai yoiquin finatiro ratofomain chacafo yafi sharafoquin. Nanscacufin non fochishmanantananshon nofin ranan non arotiroquin.

1 Corintios 6:5

¡Ohuashta! Un mato rafimapai man afanan ascanonma. ¿Manmun ratoran futsacai shinansharatiromamun a fochishmanantanainfo cuscan arosharashononfo?