1 Corintios 5:8 - Sharanahua: Diospan Tsain

⁸ Ascashon non chaca huapaoni cuscacai afanan non shinantama Cristo ahuun ointi cuscara shara non iishquin. Ahuun tsain shara non shinanon. Futsaqui afanan shinanchacayamafain tsoa afanan parayamafain tsain iconcoin fusti non yoinon.

1 Corintios 5:8 ပူးပေါင်းရင်းမြစ်များ

Salmos 32:2

Tsoan nocon Ifon chaca huashon ahuun chaca yoiaiton soashotiro. Ascan Diosicain afanan ahuun chacahuunoa shinanpacunacama. Nan ahuara chaca fomantamarocon ahuun nomuran icon fustisi shinain. Nanscara yorafin Diosin unimamaiquin.

Salmos 42:4

Non iyopaoni cuscan afohuunoa un shinain uhuun nomuran un fasi isincoin. Ipaonifo yora ichapa Diosi pushu ano un ato iyopaoni. Caashu nantifi non unimai. Oi ashcafinin non fanainpaoni. —¡Aicho, uhuun Ifo Diosin! Min noco shara huamisiran, —icashu non unimayanan non fanainni.

Éxodo 12:15

Ascano nan fusititian siete dia oshatan misi farashati maisi piishcani. Nantiancai maton pushu muran misi faranshati man huatiroma. Nan ratoran futsan na siete dia oshatan misi farashatiya piiaiton man potatiro. Afanan mato fu inonma.

Éxodo 12:19

Ascano nan siete dia oshatan misi farashati maton pushu muran huayamacahuun. Ratora futsan nantian misi farashatiya piainocai afanan maton yora itiroma. Ascatan maton caifoma iyamarai maton caifoan misi farashati piashucai afanan mato caifo Israelifo fu itiroma. Ascano mato anoa nan yora potacahuun.

Éxodo 12:8

Ascano nan yamutan nantifi chashoanun facu ahuun nami tsoishon piifain nan fana futsa focashcoinri pifain misi faranshati maisiri picahuun.

Éxodo 13:6

Nan siete dia oshatan misi farashati maisi fusti picahuun. Ascano siete dia finoanno fusicahuun nocon Ifohuunoa shinansharashcaquin.

Éxodo 13:7

Ascano nan siete dia oshatan misi farashati maisi man piaitian ahuara tushu futsari farashatiya piyamacahuun. Nan man icano nan siete dia oshatan nan farashati maton pushu muran man huatiroma. Nocon mai anoricai man huatiroma. Siete dia oshatacai non farashati oinpaima.

Mateo 16:12

Ascashon Jesús noco yoiai cuscan nicaquin non tapini tushucoinhuunoa yoitama naan Fariseofo futan Saduceofoan noco amaquiri tapimapaiyai cuscan Jesús noco yoini.

Mateo 16:6

Non ascaiton onanshon Jesús noco yoini, —Oinfain. Fariseofo futan Saduceofoan aton misi farashati cuscara fiyamacahuun, —ishon noco yoiaiton.

Marcos 8:15

—Oinfain Fariseofo yafi niaifo Herodes aton misi faranshati piyamacahuun, —Jesús ato huani.

Lucas 12:1

Ascaino yorahuanrasi aqui fucani yurui furanifo. Ascaifoan Jesús afu rafuafo yoiqui isca huani, —Oinfain. Fariseofoan, “Sharaforan,” mato huamapaicani. Sharafomafinquin. Sharafo shafain man ica sharafoyamafiacun. Nanfo fuparamitsamisifo. Ascacun ato cuscara iyamacahuun.

Juan 1:47

Natanael aqui nocoaiton Jesús ahuunoa yoini, —Naafin Israelicoinquin. Diospan yora ipaicoin. Nantofin iconcoin shinanfafaimisiquin. Paracai huamisimaran, —ishon Jesús ahuunoa yoini.

1 Corintios 5:1

Mun nicamisi mafi ranan man fasi chaca huaa tanancun. Apa ahuin ahua futsafia afu icacaini. Nanscara chacafocai nan icoinra huamafoan tsoa ascamisima.

1 Corintios 5:6

Timafin man iscamisi, —Non shararan, —man ifiamisi mancai na nocofunun chaca huamisi mato murannoa man potataima. ¿Man tapiamamun fustiton maton muranshon chaca huaiton man shatumayamaino nanhuunoashu nantifi man chacai futsutiro?

2 Corintios 1:12

Man non tapia manifoti iconcoin yoimisishaquin nocon nomuran non unimacoinni. Non mato murannoashu isharacoinmisi. Non Dioshuunoashu a cuscara sharacoin non imisi. Noncai mato paramisima. Icon fusti non mato yoimisi. Icoinra huamafoan shinanmisi cuscacai non mato ismamisima. Upa Diosin noco shinanmashara cuscan huafain non mato oinmana.

2 Corintios 2:17

Futsafoan Diospan tsain yoiahuunshon puisi fipaicani. Ascan noncai ato cuscarama. Man non tapia non ahuun tsain yoiaiton Upa Diosin noco shafacafi oincoin. Nantofin afincoin noco nichiniquin. Ascan non ahuun tsain yoiquicai non tsoa fuparamisima. Non ato icon fustisi yoimisi.

2 Corintios 8:8

Uficai un mato yonoima man ahuuomafo pui inanon. ¿Un tapipai futsafoan ato fasi inanpaiyai cuscan marifi man ato inanpaimun? ¿Tsain fustiton ato inainran ishon man yoiyamaraquin atohuun noicoinquin man ato inanpaimun?

Efesios 6:24

Man nocon Ifon Jesucristo nantishon tapiquin man ahuun noi unupacuyamaino Upa Diosin nantifi matohuun ramapai. Unquian Pablo un mato cunushoni. Nanscari inon. Nanti. Pablo

Josué 24:14

Nocon Ifo Diosin noco yoia cuscan man man nican. Ascacun Diosihuunoa shinansharafain a nicasharacahuun noco yonoai cuscan non huanon. Unu Eufrates fari iquiaiquirinoa yafi Egipcio ano nocon shunifoan dioscoinma cufinnifo. Manrifi asca huayamacahuun. Nan rami huafo potacahuun. Nocon Ifo Diosi fusti cufinfain mato yoiai cuscan fusti huacahuun.

1 Pedro 4:2

Anori shinanquicai man afanan chaca shinainma Upa Diosin mato amapaiyai cuscan fustisi man huapaitiro.