1 Corintios 5:7 - Sharanahua: Diospan Tsain

⁷ Ascaiton mato anoshon nan nocofunun chaca huai potacahuun. Ascanofin afanan Jesusqui nasotiroquin tanasharacoinshquin. Cristo Upan Diosin ahuun chashoan cahuashara cuscara noco nashoni non afanan chaca huanonma a cuscara shara non inon.

1 Corintios 5:7 ပူးပေါင်းရင်းမြစ်များ

Éxodo 12:15

Ascano nan fusititian siete dia oshatan misi farashati maisi piishcani. Nantiancai maton pushu muran misi faranshati man huatiroma. Nan ratoran futsan na siete dia oshatan misi farashatiya piiaiton man potatiro. Afanan mato fu inonma.

Mateo 13:33

Ascan Jesús ahuara futsa ato yoini Diosin nantifi yora iquinai cuscan tapinonfo. Afanan ato yoiqui isca huani, —Diosinmain ahuun yorafo ahuusca huatiroquin un mato tapimai. Diosin ahuun yorafo nantifi ato iquifain ato yonotiro. Ainfoan farashati ichapamashta harinaya osishon camisconano farashinitiro. Nanscarifiai Diospan yorafoan nan icoinra huamafo muranshon nantifi ato shara huatiro, —ishon ato yoini.

Marcos 14:12

Ascano shinantani Israelifoan aton fuusititian nocoaino misi farashati maisi pimisifotian. Nantianri chashoanun facu piinifo. Nan chashoan facu faritifi rutupaonifo Diosin aton shunifo cushuni shinanonfo. Ascano Jesús fu rafumisifo aqui fucashon yocanifo, —Ifon, Diosin nai oinmati nan afu imisiton nocon shunifoan aton facu iyoafofosi finonmani aton rutuquima. Non faritifi ichananmisi anori shinanshquin. Afanan natian non atiroquin. ¿Ascan rato pushu muran non mia itishara huashoimun nannoshon mi futan chashoanun facu piishquin? —ishon yocaifoan.

Juan 1:29

Ascatan iyoconaino Juanpan Jesús aqui oaiton oinni. Ascanshon yorafo yoini isca huaquin, —¡Oincapon! Nan Diospan Chashoan Cahuashara cuscaracoin oi. Nanton nantifi yorafo nan icoinra huafotisi aton chaca soashonpacunaca.

Juan 1:36

Niafoanno Jesús ato finonfainaiton Juanpan oinquin ato yoini, —¡Oincapon! Nan Diospan Facu Chashoan Facu cuscara, —ishon ato yoini.

Romanos 3:25

Ahua chacacai Upa Dios fu itiroma. Ascan Furun nichini nococairocon onaintimatama Furun onaintimani nocohuunoashu nashon nocon chaca soashonon. Ascan ahuun imi foyanan noco nashoni non icoinra huaiton Upa Diosin noco onaintimaima. Ascan Furunmun noco nashoantaima iyopaonifoanri chaca huapaonifo cuscan. Tapiyonifo chipo Furun atohuunoashuri nashquiai. Ascano icoinra huafoan aton chaca iconquin Furunhuunshon soashotiro afori afu ipanonfo.

1 Corintios 10:17

Misi fusti torupacushon nantifiton pimisifo cuscan. Nanscarifiai Cristo fustifiano nantifi icoinra huaafo non ahuun yora fusti cuscara ishquin.

Efesios 4:22

Ascano mato yosimisi isca huaquin, —Marifi man man chaca huapaoni. Chaca fustisi man fuchipaipaoni. Nan chacafoan mato parafafaini. Afanan afo fuchipaiyamacahuun. Afo potacoincahuun, —ishon mato yosimisi.

Apocalipsis 5:12

Fasi oi ashcafinin fanaincani iscafo, “Diospan facu Jesús chashoan cahuashara cuscara sharashtacoin man rutunifo. Ascafia natian nantifi manifoti ato iquifain nantifi nai murannoafoti yafi mai anoafori ahuuna iquin. Naantofin nantifi tapicoianquin ahuun curushhuunshon ahuamamishti huatiro. Ascacun nantifiton min sharacoinran mia huapanonfo. Mirus fustifin min nocon Ifo iquicain. Ascacun ¡Aicho! Min nocon Ifo ishara fustipacunacaran,” icashu fanaincani.