1 Corintios 1:11 - Sharanahua: Diospan Tsain

¹¹ Uhuun yoramishtichin Cloé ahuun yorafo uqui fucashon ua tapimanafo man fochishmanantananfafainaiton.

1 Corintios 1:11 ပူးပေါင်းရင်းမြစ်များ

Génesis 27:42

Rututi huaiton nicashon, Rebeca yoimani Jacob aqui onon. Nococun yoini isca huaquin, —Cocashtan, min ochi ahuuna min fiacun mia rutupai. Nannori shinainno afanan min ochi ahuun nomuran unima.

Génesis 37:2

Jacob ahuun yorafohuunoa natian cunui. José ahuun fari diecisiete fariashon ahuun ochifo futan apan chashoanfo cushunifo. Ahuun ochifo ato uhua rafu Bilha yafi Zilpa. Aton apa ahuin rafu ini. Ahuun ochifo chaca hua cuscan José apaqui chanini.

1 Corintios 1:10

Uhuun yoramishtichin un mato yoisharapai. Nocon Ifo Jesucriston ua yonoaino un mato yoi nannorifosi man shinanon. Shinan futsacaquima Jesucristo mato shinanmapaiyai cuscan nannorifosi shinancahuun.

1 Corintios 1:12

Atirifoan yoiafo, —Nonfin Pablon tanamisifoquin non shinain cuscafin cayacaficoinquin. Futsafoancai cayacafi shinancanimaran, —ishon man yoia. Futsafoan yoiafori, —Nonfin Apolos tanamisifoquin, —ishon yoiaifono. Futsafoanri, —Nonfin Pedro tanamisifoquin, —ishon yoiaifonori. Futsafoanri, —Nonfin Cristo tanamisifoquin, —ishon man yoifafaini.

1 Corintios 11:18

Futsafo mato anoashu uqui fucashon ua yoiafo nan man ichanainticai man futsa chaima man tsaopaitiroma. Man ichananshon nocon Ifo Jesús mato nashoni shinanpaifiain mafi ranan man noinancasmatanain. Ascacufin un matohuunoa nicai cuscan un shinan atirifiracafin iconquin.

2 Corintios 12:20

Ascacun un matoqui nocoshon oinpai man chaca shatushon Jesús tanasharanon. Un matoqui nocoshon oian man chaca shatuyamacun uhuun nomuran un omitsiscatiro. Un matoqui chipo nocoaitian manraca fochishmanantanancai futsa finonmapai aqui sinacai samamashta sinacucahuanmisifo icai asca huaquiraca, —Norus fusti tapishara. Tsoa futsafoancai non tapishara cuscan tapiafomaran, —icain. Nannori yoitiacanashu chaca huatanancain yoiti huatanancain cacapaimisi icain man nannorisi shinanquima. Man nansca huainofin un ratuicain. Man asca huaquin chaca shatuyamashu man ua oinpaiyai cuscacai un ascatiroma. Man uqui unimaquin ua oinpaifiaquin man chaca huaino un matoqui unimatamarocon un fasi mato shinain omitsiscatiro. Man nanscaiton un mato oinmanaquin.

Gálatas 5:15

Man nantifia noinanyamashu chaca huamisi man iquin. Ascan oinfain. Yoiti huamitsayamacahuun. Chaca huaa tananyamacahuun. Man ascainocai afanan ichananpaitirofoma. Ascashon Jesús cachiquiri huatirofo. Chaca huatanashu man funocointiro omitsiscashquin.

Gálatas 5:20

Diosicoinma, —Nan uhuun Diosiran, —ishon yoifain shointi fusti tapifain noincasmamitsacain yoiti huaquisi futsafo pashcaquin futsafain futsafo finonmapaimisi icain ipaitama sinacucahuamisi icai afi apaiyai cuscan fusti shinanmisi icain tsain chipumisi icain tsoa futsacain noco cuscaramaran ishon yoifain futsafo noisharayamafain.

Gálatas 5:26

Ascatan non Diospan Yoshin Shara fu rafuashucai non cacapaimisi iyamacain oinmupaimisi iyamacain non itiroma. Man ascaquin futsafo man shinanchacamatiro. Ascara man chacafo shinainno man finononanpaitiro. Ascarafin chacacoinquin.

Filipenses 2:14

Ascacun Diosin mato amapaiyai cuscan fusti huacahuun. Nantifi man acai cuscan huaquin tsain chipufain fochishmanantananyamacahuun.

Tito 3:9

Futsafo tsain mutsama yoitiacanashu fochishmanantananmisifo. Ascatan aton shunifohuunoashuri fochishmanantananfain Moisés yononi cuscahuunoashuri fochishmamantananmisifo. Ascacanashu ipaitsi yoinancani. Tsoan anori futsa yoiqui shinansharamatiroma. Afo fu iyamahuu.