Piremon 1:19 - Iriniane Tasorintsi

¹⁹ Tera pashini tsirinkerone, tsikyatatyo notsirinkakero naro nonkantakempira naro punataatsine, kantankicha garatyo nokantimpi kañotari gamera nanti ario pinkematsatake.

Piremon 1:19 ပူးပေါင်းရင်းမြစ်များ

Iromakunirira 16:22

Ario nokañotaka naro nosureigakempi. Nanti papigematsaegine nopaita Tereshio. Narotari tsirinkavakeneririra Pavoro ikantakerira aka sankevantiku.

1 Korintokunirira 4:15

Intimageigavetakempatyo 10,000 gotagaigakempinerira pinkematsatasanoigakerira Kirishito kantankicha garatyo itovaigi tomintaigakempinerira, panirotari nokantakara naro notomintaigimpira, narotari kematsatagaigakempi okyasanokyara nokenkitsatakotakerira Kirishito nokamantaigakempira tyara ikanta yogavisaakotantira.

2 Korintokunirira 10:1

Yogari Kirishito inti pairorira yatsipereakovageta, aikiro tera inkisantumate. Irorotyo nokogake naro nonkañotakemparira nonera kara viroegiku. Irorotari nonkantantaigakempirira maika noatakerika noneaigakitempira tera nonkoge noneaigapaakempira vetsikaigamatakevi terira onkametite kameti ganiri nokisaigimpi nontentagantaigakempirira yogaegi niashinaigakenarira ikantaigakera tera iroro nompirinivente ikogagetirira Tasorintsi, onti nopiriniventi nokogagetirira naro. Aiñoegitari kisaigakenarira ikantaigakempi: “Yogari Pavoro inakera viroegiku ipinkaigakempi. Antari inakera parikoti ario pinkante akaenkiniroro isuraritanake itsirinkaigakempira.”

2 Korintokunirira 3:2

Maganirotari yogotasanoigake pikematsaigakera pikemaigakenara nokenkitsatimoigakempira ovashi pikantatigaiganaka, aikiro yogoigake noshineventaigakempityo kara notasanovageigakempitari.

2 Korintokunirira 9:4

Nompokaketari noneaigakitempira ariorika nontentagarantaigakeri Maseroniakunirira. Antari nompokaigavetempa noneaigapaakempi tera pintsatagaigero nokantaigakeririra ontityo nompashiventavagetanakempa, ariotyo pinkañoigake viroegi pimpashiventaiganakempatyo. Impo nonkantake kogapagetyo nokantake itsatagaigakero magatiro.

Garashiakunirira 5:2

Narori nanti Pavoro, maika kemisantasanoigena viroegi. Pogaratsaitagantaigakerorika pichonkirimeshinate ontirorokari pikematsaigakeri Kirishito kogapage.

Garashiakunirira 6:11

Maika nanti Pavoro tsirinkaigakempi, irorotyo pineantaigavaemparo notsirinkira naro omarapagerikatyo nogiro.

1 Timoteo 1:2

Timoteo, virori vinti notomisanorira, nantitari kematsatagakempi. Noniaventakempi inkavintsaavageigakempira Apa Tasorintsi intiri Atinkami Jesokirishito intsarogakagaigakempira intimakagaigakempira kameti ganiri tatoita povankinaventumataa.

Tito 1:4

Tito, virori vinti notomisanorira, nantitari kematsatagakempi. Vinti napigematsatene, pitentagakenatari akematsaigakerira Jesokirishito. Noniaventakempi inkavintsaavageigakempira Apa Tasorintsi intiri Jesokirishito Gavisaakoigakairira intimakagaigakempira kameti ganiri tatoita povankinaventumataa.

Piremon 1:18

Tyarika ikantakempi, ontirika ipegakotakempi narompa pinkogantaempa.