Joan 19:4 - Iriniane Tasorintsi

⁴ Impo ikontetanai Pirato ikantaigiri jorioegi: —Atsi gaige kavako. Nogikontetaeri kameti pogoigakera naro noneakeri tera tatoita irovetsikumate kameti inkisakenkanira.

Joan 19:4 ပူးပေါင်းရင်းမြစ်များ

Mateo 27:19

Aiñokyara ipiriniti Pirato anta ikanomaantapinitira okantakagantakeri itsinanetsite okanti: “Gara pimavageta viro, tyampa ankantakeri yoga terira tatakona irovetsikumate. Nokisanigisevagetaketari inkaara posantegisematakatyo nogisanire. Irirorakari gimanatakena.”

Mateo 27:24

Impo yogari Pirato ineavakera atanatsi ikaemavaitaiganakera tyampa inkantaigavakeri, ovashi ikaemakagantake nia inkivakotakempara kameti ineaigakeriniri maganiro impo ikanti: —Irogakenkanirika maika tera naro kañotachane. Virompaegityo, viroegitari kañoigankicha.

Mateo 27:4

ikantaigavetapaakari: —Narori onti novetsikake terira onkametite nagakagantakeritari terira tatakona irovetsikumate, maika irogakenkani. Kantankicha iriroegi ikantaigavakeri: —¿Ario tyara nonkantaige naroegi? Virompatyo, virotari kañotankicha okyara.

Mateo 27:54

Yogari itinkamiegi soraroegi intiegiri itentashiigakarira ipampogiaigakerira Jeso ineaigavakera ontininkanakara, aikiro pashinipage oposantetanakara itsarogavageiganaketyo kara ikantaigi: —¡Arisanoniroro inti Itomi Tasorintsi!

Irokashi 23:4

Ikantutaigaarityo Pirato maganiro itinkamiegi saseroroteegi intiegiri maganiro matsigenkaegi ikantaigiri: —Yogari yoga naro noneakeri tera tatoita irovetsikumate kameti inkisakenkanira.

Irokashi 23:41

Aroegi antsipereaigetatyo avetsikaigaketari terira onkametite ikañotantaigakairira maika, kantankicha irirori tera tatoita irovetsikumate, onti yatsipereakagunkani kogapage.

Irokashi 23:47

Yogari itinkamiegi soraroegi iromanoegi ineavakerora okañogetakara maika ikanti: —¡Pairo yavisaenkavageti Tasorintsi! Arisanoniroro tera tatoita irovetsikumate irirori onti ikentakotunkani kogapage.

Joan 18:33

Impo ikianai Pirato ikaemairi Jeso ikantiri: —¿Arisano viro Igoveenkariegite jorioegi?

Joan 18:38

Ikantiri Pirato: —¿Tatatyo oitara arisanorira? Impogini iroro ikantakerira maika ikontetanai aikiro iniaigairira jorioegi ikantaigiri: —Naro noneakeri tera tatoita irovetsikumate kameti inkisakenkanira.

Joan 19:6

Iroro ineaigavakerira itinkamiegi saseroroteegi intiegiri soraroegi sentaigirorira ivanko Tasorintsi ikaemavaimatanaketyo: —¡Kentakoteri! ¡Kentakoteri! Ikantaigiri Pirato: —Iroroventi maiganakerityo pinkentakoigakerira viroegi, narori noneakeritari tera tatoita irovetsikumate kameti inkisakenkanira.

2 Korintokunirira 5:21

Yogari Kirishito teratyo inkañovagevetempa, kantankicha ikisakerityo Tasorintsi, onti ikisavitakeri akañovageigakara aroegi ikañotagavagetakari irironirika kañovagetankicha kameti inkamaventaigakaera ompote ankematsaigakeririka ineaigakaeniri Tasorintsi kañomataka tenirikatyo ankañovagetumaigempa.

Evereoegi 7:26

Irorotari agotantaigakarira Jeso inti Asaseroroteegine akogakoigakarira. Intitari pairorira ikametivageti tera inkañovagetumatempa, teranika irovetsikumate terira onkametite. Aikiro tera inkonoivageigempari kañovageigacharira inkañoigakemparira iriroegi, impo ikaemairi Tasorintsi itentanaarira enoku itimira.

1 Perero 1:19

onti yogavisaakotantaigakempi iriraa Kirishito voatanankitsirira ikamaventaigakempira ikañotakarira ovisha kametitasanotatsirira terira tyara inkantumatempa.

1 Perero 2:22

Irirori tera inkañovagetumatempa, aikiro teratyo iramatavitantumate.

1 Perero 3:18

Yatsipereaventaigakaitari Kirishito ikamaventaigakaira osaankakenkaniniri akañovageigara omagisantakenkanira, patirosanotyo ikamaventaigakai mataka magatiro. Irirori ikametivageti teratyo inkañovagetumatempa, kantankicha ikamaventaigakai aroegi kañovageigacharira kameti irishineigakaeniri Tasorintsi. Antari yogavetunkanira ikamasanotake, kantankicha ogari isure teratyo onkame, nerotyo yaniantanaarira.

1 Joan 3:5

Maika agoigake irorotari ipokashituti Jesokirishito isaankagetakerora akañovageigara. Irirori tera inkañovagetumatempanika.