Joan 16:16 - Iriniane Tasorintsi

¹⁶ “Maika gara samani notentaigaimpi, kantankicha impogini shintsityo pineaigaena.”

Joan 16:16 ပူးပေါင်းရင်းမြစ်များ

Marokoshi 16:19

Impo yagatanakera iniaiganairira irogamereegi yogaenokanairi Tasorintsi iatanai enoku ipirinitapai inampinaku irakosanoriraku.

Joan 12:35

Yogari Jeso ikantaigiri: —Maikari maika aiñokya pikutagitetakoigi, kantankicha gara samani okañota maika. Irorotari nonkantantaigakempirira kametitake panuivageigakera maika aityokyara okutagiteti ganiri okomutagaigimpi pavatsaari. Antari panuitera pavatsaariku gara pogoti tyara piatake.

Joan 13:33

Notomiegi, maika gara samani notentaigaimpi. Impogini pinkogaigavetaena, kantankicha gara pagaveaigi piaigera tyarika noatae naro. Ariotari nokantaigakeriri itinkamipage jorioegi iriroegi aikiro.

Joan 16:10

Irogotagaigakeri tyara inkantaigakempa kameti ineaigakenkaniniri kañomataka tenirikatyo inkañovagetumaigempa, noataetari Apaku, viroegi gara pineaigaana.

Joan 16:22

Ario pikañoigaka viroegi maika pikenkisureaigavetakatyo kantankicha naro nompigashiigaempi ovashi pishinevageiganakempa, garatyo itimumati pashini gaveankitsinerira inkenkisureakagaigaempira.

Joan 16:28

Arioniroro noponiaka Apaku nopokakera aka kipatsiku, kantankicha maika ariokya nomponianaempa aka kipatsiku noataera anta iriroku.”

Joan 16:5

“Maikari maika noatae inakera tigankakenarira, kantankicha viroegi tera pinkantumaigena: ‘¿Tyara piate?’

Joan 17:13

“Maika nompokae viroku, kantankicha maika aiñokyanara aka nokantakempi magatiro oka kameti irishinevageigakempaniri iriroegi inkañoigakenara naro noshinevagetakara.

Joan 17:5

Maikari maika nompokaera kara viroku nokogake pinkoveenkatagasanotaenara pinkañotagasanotaenara notentimpira okyara tekyaenkara ontimumate kipatsi.

Joan 7:33

Kantankicha Jeso ariompatyo iniavagetanakeri ikanti: —Gara samani notimimoigimpi aka. Shintsi nompiganae inakera tigankakenarira.

Evereoegi 12:2

Irirompatyo asuretakotasanoigakempa Jeso kematsatagaigakairira aikiro gavisaakoigakairira. Irirori ineavetakarotyo onti pairorira avisavagetake opashiventagaganira onkamantakenkanira koroshiku kantankicha teratyo inkante: “Gara nokami koroshiku”, yogotaketari irishinetasanovagetaempara impogini. Maika aiño ipirinitake inampinaku Tasorintsi irakosanoriraku itentakari ikoveenkaigakera.