Joan 15:14 - Iriniane Tasorintsi

¹⁴ Antari pintsatagaigakerorika nokantaigakempirira vintiegi noamigoegite.

Joan 15:14 ပူးပေါင်းရင်းမြစ်များ

Mateo 12:50

Imirinkatari tsatagagetirorira ikogagetirira Apa timatsirira enoku irirotyo nopegake ige ontiri incho ontiri aikiro ina.

Irokashi 12:4

“Maika nonkantaigakempi viroegi noamigoegite, gara pipinkaigiri kogaigankitsinerira irogamagaigakempira. Iriroegi irogamagaigakempirika intagatitari kamankitsine pivatsa, kantankicha garatyo yagaveimaigi irogamagaigakerora pisure.

Joan 13:17

Maika pogoigakerorika oka nokantaigakempirira, impo pimaiganakempa viroegi aikiro, ario pinkante pishinevageigakempatyo.

Joan 14:15

“Pitasanoigakenarika viroegi atsi tsatagaigerotyo nokantaigakempirira.

Joan 14:21

Yogari gotakerorira nokogagetirira naro impo itsatagakero iriro tasanotakena. Yogari Apa intasanotakempari tasanotanarira. Ario nonkañotakempa naro nontasanotakempari, aikiro nontentasanotakempari kameti irogotasanotakenaniri.”

Joan 14:28

Maika pikemaigakena nokantakera noatake, kantankicha nompigashiigaempi. Arisanomera pintasanoigakena pishineiganakempamerorokari pikemaigakenara nokantakera noatae enoku Apaku, pairotari yavisakena.

Joan 2:5

Kantankicha irorori okantaigiri paatantaigankitsirira vino: —Pintsatagasanoigakerora tatarika inkantaigakempi.

Santiago 2:23

Otsatagunkani Itsirinkakagantakerira Tasorintsi okanti: “Yogari Averan ikematsatakeri Tasorintsi, nerotyo ineantakaririra kañomataka tenirikatyo inkañovagetumatempa.” Impo ovashi ikantunkani iamigote Tasorintsi.

1 Joan 5:3

Atasanoigarira Tasorintsi ankematsatasanoigakerityo, ogarika onkomutakempa antsatagaigakerora ikantaigakairira.