Joan 13:27 - Iriniane Tasorintsi

²⁷ Impo irorotyo yogakarora ogatyo ikenake itinkamitanakari Satanashi. Yogari Jeso ikantiri: —Tatarika povetsikake katimateronityo.

Joan 13:27 ပူးပေါင်းရင်းမြစ်များ

Mateo 12:45

Ovashi iatake yagakitira pashini 7 kamagarini pairorira yogagavageigaka. Impo itimaguigapaakeri yoga itimaguvetarira okyara ovashi irirori oga ikenake pairotyo yogagavagetanaka. Ario pinkañoigake viroegi apaiventavageigakarira kañovagetagantsi ariompatyo pogagavageiganakempari, tera pinkematsaigenika.”

Mateo 4:10

Iniitanaatyo Jeso aikiro ikantiri: —Virori Satanashi, piataenityo parikoti, otsirinkakotunkanitari okanti: ‘Gara pipegumati pashini pitinkami. Panirosanotyo Tasorintsi pinkematsatasanotake.’

Marokoshi 6:25

Irorori ogenanekyatyo okiitanaatyo aikiro inakera Erorishi okantiri: —Onti nokogake pintogitorenkakagantakerira Joan Giviatantatsirira oyagakenkanira igito peratoku pimpakotakenarora.

Irokashi 22:3

Impogini yogari Satanashi ipokashimatapaakerityo itinkamitapaakarira paniro irogamere Jeso paitacharira Jorashi Ishikariote.

Joan 13:2

Yogari kamagarini mataka iniasurentakeri Jorashi, itomi Sumo Ishikariote, ikantakerira imparantakemparira Jeso iragakagantakerira. Kantankicha Jeso yogotake onti iponiaka Tasorintsiku impogini impiganae iriroku, irirotari tigankakeri ikantakerira iragaveavagetakerora magatiro. Nerotyo isekatavageigakara mesaku katsiketyo ikaviritanaka isapokanakaro imanchaki enokutirira yaganake osetantaganirira yavuatakaro itsakiku.

Joan 13:28

Kantankicha yogari itovaireegi irogamereegi Jeso tentaigakaririra isekataigakara teratyo irogoige tyara okanta ikantakerira maika.

Joan 6:70

Ikantaigiri Jeso: —¿Matsi tera naro kogakagaigempine maganiro viroegi 12 pimpegaigakempara nogamereegi? Kantankicha aiño paniro inti shintakari kamagarini.

Iritigankaneegi Jeso 5:3

Kantankicha Perero ikantavakeri: —Ananiashi, ¿tyara okantakara pikematsatakerira Satanashi pikogantavetakarira pamatavinatakerimera Isure Tasorintsi pagagarantantavaarira koriki ipunaitakempirira pigipatsite?