Irokashi 8:21 - Iriniane Tasorintsi

²¹ Kantankicha irirori ikanti: —Yogari kemisantaigakerorira Iriniane Tasorintsi aikiro itsatagaigakero, iriroegi pinkante nopegaigake ina intiri aikiro igeegi.

Irokashi 8:21 ပူးပေါင်းရင်းမြစ်များ

Mateo 17:5

Tekyaenkara iragatumate iniakera apamankakoigapaakeri menkori, impo ikemaigiri inianake Tasorintsi arionika apatosegakara ikanti: “Yokari yoka inti Notomi, notasanovagetarityo kara noshineventakarityo. Maika atsi kemisantasanoigeri viroegi.”

Mateo 25:40

Kantankicha irirori inkantaigeri: ‘Arisanotyo nonkantaigakempi antari pitsarogakagumaigakarira paniro yoga kematsatanarira terira impaitumatempa, kañomataka nantinirikatyo pitsarogakagaigaka.’

Mateo 25:45

Irirori inkantaigeri: ‘Arisanotyo nonkantaigakempi, terika pintsarogakagaigempari yogaegi ikantaganirira tera impaitumaigempa, kañomataka nantinirikatyo pikisaigake tera pintsarogakagumaigena.’

Mateo 28:10

Irirori ikantaigiro: —Gara pitsarogaigi. Piaige pinkamantaigakerira nogamereegi iriaigakera Garireaku. Antari anta ario ineaigapaakena.

Irokashi 8:15

Kantankicha ogari parigigetankitsirira okametipatsatakera kipatsi inti nokantakoigake suretakoigarorira kametiripage. Iriroegi ikemisantaigakero Iriniane Tasorintsi ikematsatasanoigakero impo ariompatyo ikematsatasanoiganakerori.

Irokashi 8:20

Impo ikamantunkani Jeso ikantagani: —Pokake piniro intiegiri pirentiegi aiño inaigake kara sotsi ikogaigake ineaigakempira.

Joan 13:17

Maika pogoigakerorika oka nokantaigakempirira, impo pimaiganakempa viroegi aikiro, ario pinkante pishinevageigakempatyo.

Joan 20:17

Kantankicha Jeso ikantiro: —Pakuaena, gatatanika noatai enoku Apaku, kantankicha maika piate pinkamantaigakerira nogamereegi pinkante: ‘Ikantake: Noatae enoku inakera Apa, aikiro inti Piriegi viroegi. Irirotari Tasorintsisanorira nokematsatasanotirira naro, impo ario pikañoiga viroegi aikiro pikematsatasanoigiri.’

2 Korintokunirira 5:16

Nerotyo maika naroegi tera iroro noshineventaviigempari napigematsaegine ariorika yagaveavageigavetaka ontirika tera. Ontityo noshineventaviigakari ikematsatasanoigakerira Atinkami. Ariotyo nokañotagaigavetakari irirori pairani onti noneaigavetakari tera inkoveenkatumate, nerotyo nokantantaigakaririra teratyo iriro tigankerine Tasorintsi, kantankicha maika tenige nonkañoigaero maika, nogoigaketari irirotyo tigankakeri, nerotyo noshineventantavageigakaririra.

2 Korintokunirira 6:18

ovashi nompegaigakempi notomiegi aikiro noshintoegi nosentavageigakempira. Ariotari ikantakeri maika Pitinkami pairorira yagaveavageti.”

Santiago 1:22

Gara pikemisantaigiro kogapage onti pinkematsaigakero tyarika okantake ario pinkañoigakempa. Antari intagatirika pinkemisantaigakero kogapage vikiiro matavinaigaachane.

1 Joan 2:29

Pogotasanoigaketari Jesokirishito tera inkañovagetumatempa, iroroventi pogoigaketyo aikiro maganiro negintetasanovageigacharira inti itomiegi Tasorintsi.

3 Joan 1:11

Maika napigematsatene, gara pikañoigari vetsikaigatsirira terira onkametite. Inti pinkañoigakempa negintevageigacharira. Yogari negintevagetacharira inti shintari Tasorintsi, kantankicha yogari vetsikagisevagetirorira terira onkametite tera irogotumate tyara ikanta Tasorintsi.