Irokashi 2:32 - Iriniane Tasorintsi

³² Irirori irogikoneatimoigakeri terira iriroegi iseraereegi tyara inkantaigakempa irogavisaakoigakenkanira, aikiro iriro irishineventaviigakenkani iseraereegi pashintaigakarira pairani kigonkero maika.”

Irokashi 2:32 ပူးပေါင်းရင်းမြစ်များ

Mateo 4:16

Yogaegiri timaigatsirira kara yapavatsaakoigavetaka, kantankicha maika atake ikoneagitetakoiganake; panikya impogereaigakempa, kantankicha maika onti ipokashiigakeri Gavisaakotantatsirira irogavisaakoigakerira.”

Irokashi 2:10

Kantankicha irirori ikantaigiri: “Gara pitsarogaigi. Onti nopokashitake nonkamantaigakempira pishinevageigakempaniri viroegi intiegiri aikiro maganiro pitovaireegi.

Iritigankaneegi Jeso 26:23

Iriroegi ikantaigaketari yogari Ikogakagakerira Tasorintsi impegakempara Igoveenkariegite iseraereegi iratsipereavagetakera impogini inkamavetakempa iranianae. Iketyo ivatanaatsine iranianaera kameti irogoigakeniri maganiro itovaireegi intiegiri pashinirira inaigake onti ipokashitake irogavisaakoigakerira maganiro kematsaigakerinerira imagisantaerora ikañovageigara.”

Iritigankaneegi Jeso 28:28

Maika nokogake nonkamantasanoigakempira irirokya inkenkitsatimoigakenkani terira iriroegi jorioegi inkamantaigakenkanira tyara ikanta Tasorintsi yogavisaakotantira. Iriroegi inkemisantasanoigaketyo.

1 Korintokunirira 1:31

Ariotari okantakeri Itsirinkakagantakerira Tasorintsi okanti: “Garatyo tyani ventakovagetumatacha, intityo irishineventakempa Atinkami.”

Yogikoneatimogetunkanirira Joan 21:23

Yogari poreatsiri tera inkogakovagetaenkani imporeakotantaera. Ario ikañotaka kashiri tera inkogakotaenkani inkutasevagetaera, intitari koneagitetagagetairo Tasorintsi intiri Ovisha.