Iritigankaneegi Jeso 2:43 - Iriniane Tasorintsi

⁴³ Maganiro neaigakeririra iritigankaneegi Jeso yovetsikageigakera posante terira oneimagetenkani yogavageiganaketyo kavako.

Iritigankaneegi Jeso 2:43 ပူးပေါင်းရင်းမြစ်များ

Marokoshi 16:17

Yogari kematsatakenanerira onti ineantakenkani ironeagageigakemparira kamagarinipage timaguigakeririra matsigenka, iraventashitakemparira novairo, aikiro iriniantaiganakemparora pashinipage niagantsipage terira irogoigavetemparo.

Irokashi 7:16

Irorotyo ineaigakera maganiro yoganiairira itsarogavageiganaketyo kara, aikiro ishineventaiganakari Tasorintsi ikantaigi: —Itigankimoigakai Tasorintsi kamantantatsirira gaveavagetatsirira. Tera imagisantaigajae ikavintsaavageigakai, antiegitari irashiegi.

Irokashi 8:37

Impo maganiro timaigatsirira Jerasaku ipinkaiganakerityo Jeso ikantantaigakaririra: —Nokogaigavetaka piataera parikoti. Ovashi yomatetanaa pitotsiku iriataera.

Joan 14:12

Maika nonkamantasanoigakempi tyanirika kematsatakenane inkañotakena naro irovetsikagetakera posante kañorira novetsikagetirira, aikiro irovetsikagetaketyo pashini pairo avisagetakero novetsikagetakerira naro, noataetari Apaku.

Iritigankaneegi Jeso 2:22

“Maikari maika, viroegi iseraereegi, kemisantasanoigena nonkamantaigakempira. Inti nonkamantakotake Jeso Nasarekunirira. Yagaveakagagetakeri Tasorintsi yovetsikagetakerora terira oneimagetenkani, pogoigaketari yogikoneatimoigakempirora iragaveane.

Iritigankaneegi Jeso 4:33

Yogari Tasorintsi ikavintsaavageiganakeri, aikiro yagaveakagavageiganakeri iritigankaneegi Jeso, nerotyo yagaveasanotantaiganakarira atanatsira ikamantakoiganakeri yanianaira.

Iritigankaneegi Jeso 5:5

Iroro ikemavakerira ogatyo ikenake ituanake ikamanake. Maganiro kemakoigakeririra itsarogavageiganaketyo kara.

Iritigankaneegi Jeso 9:34

Ikantiri Perero: —Eneashi, maika irovegaempi Jesokirishito. Tinaanae pigikanaero pishita. Irorotyo ikantakerira itinaamatanaatyo.

Iritigankaneegi Jeso 9:40

Yogari Perero yogikonteigakeri maganiro itigeroanaka iniakerira Tasorintsi. Impogini ikamagutanakero Tavita ikantiro: —¡Tavita, tinaanae! Oga okenake okireaatanai oneitarityo Perero otinaanaka opirinitanake.