Iritigankaneegi Jeso 13:16 - Iriniane Tasorintsi

¹⁶ Ikavirimatanakatyo Pavoro yogaenokavakotanakerora irako kameti inkemisantaigakeriniri ikantaigiri: —Kemisantaigavakena viroegi notovaireegi iseraereegi, aikiro maganiro viroegi pinkatsaigiririra Tasorintsi.

Iritigankaneegi Jeso 13:16 ပူးပေါင်းရင်းမြစ်များ

Mateo 11:15

Pikemaigakenarika maika atsi suretasanoigemparotyo nokantaigakempirira.

Irokashi 1:22

Impogini ikontevetanaa tera iragaveae iriniaera. Ineaigavakerira iriroegi ikantaigi: —¿Tatarikatyo ineake tsompogi? Irirori teratyo iriniae, onti yakokovagetake.

Irokashi 1:50

Ikantakani itsarogakagaigakari maganiro shineventaigaririra.

Irokashi 23:40

Kantankicha ikisutarityo irapitene ikantiri: —¿Matsi tera pimpinkeri Tasorintsi? ¡Pineavetakatyo ikentakoitakempira itentagantaitakempirira, atanatsi pikañotakara maika!

Iritigankaneegi Jeso 10:2

Irirori inti pinkatsatiririra Tasorintsi itentaigarira iitanepage ipiriniventaigirora ikogagetirira. Ikavintsaavageigakeri kogakovageigankicharira, aikiro omirinka iniiri Tasorintsi.

Iritigankaneegi Jeso 10:35

ishineventasanoigakaritari maganiro matsigenkaegi tyanirika pinkatsatakeri, aikiro inegintevagetaka.

Iritigankaneegi Jeso 12:17

Irirori yogaenokanake irako kameti inkemisantaigakeriniri. Impogini ikamantaigakeri tyara ikantairi yogikontetairira Tasorintsi. Aikiro ikantaigiri: —Pinkamantaigakerira Santiago intiegiri maganiro atovaireegi apigematsaegine. Ovashi iatake parikoti.

Iritigankaneegi Jeso 13:26

“Viroegi pikonogagarantaigaka inti yashikiiganakempi Averan, aikiro pikonogagarantaigaka tera iriro yashikiigempine kantankicha aiño pipinkatsaigiri Tasorintsi. Maika nokogake nonkamantaigakempira yogari Tasorintsi ipaigakai Iriniane kameti ankematsaigakeriniri maganiro aroegi irogavisaakoigakaera.

Iritigankaneegi Jeso 13:46

Kantankicha yogari Pavoro intiri Verenave tera intsarogumaige ariompatyo iniaiganakeriri ikantaigi: —Viketyoniroro nopokashiigavetaka nogotagaigakempirora Iriniane Tasorintsi, vintiegitari jorioegi, kantankicha tera pishineventaigavakemparo, terorokari pinkogaige pinkantakanira pintimaigake, nerotyo maika inti noatashiigake nonkenkitsatimoigakerira terira iriroegi jorioegi.

Iritigankaneegi Jeso 19:33

Impo yogaegiri jorioegi ineaigutarityo Arijantero ario inake irirori kara ovashi yagaiganakeri yogaigakerira niganki kameti irironiri niankitsine. Impo irirori yogaenokavakovetanaka kameti inkemisantaigakeniri maganiro iriniaigakerimera.

Iritigankaneegi Jeso 2:14

Yaratinkamatanaketyo Perero itentaiganakarira maganiro iritigankaneegi Jeso inianakera imaraenkarikatyo kara ikanti: “Atsi kemisantaigavakena nonkamantaigakempira maganiro viroegi Joreakunirira intiegiri timaigatsirira aka Jerosarenku.

Iritigankaneegi Jeso 2:22

“Maikari maika, viroegi iseraereegi, kemisantasanoigena nonkamantaigakempira. Inti nonkamantakotake Jeso Nasarekunirira. Yagaveakagagetakeri Tasorintsi yovetsikagetakerora terira oneimagetenkani, pogoigaketari yogikoneatimoigakempirora iragaveane.

Iritigankaneegi Jeso 21:40

Yogari itinkami soraroegi ikantiri: —Nani. Impo yaratinkanake Pavoro yatagutapiniigira soraroegi yogaenokanake irako inkemisantaigakeniri maganiro. Impo ineaigakerira ikemisantaiganakera iniaiganakeri evereoku ikanti:

Iritigankaneegi Jeso 22:22

Antari ikyara kenkitsatanankitsi Pavoro ikemisantaigavetakaniroro maganiro, kantankicha irorotyo ikemaigakerira ikañotakerora maika ikaemaigamatanaketyo: —¡Kante inkamakera! ¡Tera nonkoge intimaera!

Iritigankaneegi Jeso 3:12

Ineaigavakerira Perero ikanti: “Viroegi iseraereegi, ¿tyara okantakara pogaiganakera kavako? Pipampogiaiganakenara kañomataka nantieginirikatyo kametiri, kañomataka tsikyatanirikatyo noganuitakeri yoka.

Yogikoneatimogetunkanirira Joan 2:11

¡Tyanirika kemakerone ikantaigakeririra Isure Tasorintsi kematsaigatsirira inkematsatakerityo! Tyanirika shintsitashitakeronerira magatiro pokashitakerinerira gara yatsipereavageti impogini intagakempara morekariku.

Yogikoneatimogetunkanirira Joan 2:17

¡Tyanirika kemakerone ikantaigakeririra Isure Tasorintsi kematsaigatsirira inkematsatakerityo! Tyanirika shintsitashitakeronerira terira onkametite nompakeri irogakemparora manaa omanunkanirira. Aikiro nompakeri saamunkarekiri mapu ontsirinkakotantakenkanirira okyarira ivairo terira ogotumatenkani, intagani gotakerone yoga shintakemparonerira.

Yogikoneatimogetunkanirira Joan 2:29

¡Tyanirika kemakerone ikantaigakeririra Isure Tasorintsi kematsaigatsirira inkematsatakerityo!

Yogikoneatimogetunkanirira Joan 2:7

¡Tyanirika kemakerone ikantaigakeririra Isure Tasorintsi kematsaigatsirira inkematsatakerityo! Tyanirika shintsitashitakerone magatiro pokashitakerinerira nompakeri irogakemparora oi inchato ganiantatsirira timatsirira enoku okametigitetira itimira Tasorintsi.