Evereoegi 11:3 - Iriniane Tasorintsi

³ Antari akematsaigakerira Tasorintsi irorotari agotantaigakarira pairani okyasanokyara iriro vetsikagetakero magatiro kipatsi, inkite ontiri magatiro timantagetarorira. Teranika tatoita timumagevetachane okyara, kantankicha iniimatakera oga okenake otimagetanake magatiro.

Evereoegi 11:3 ပူးပေါင်းရင်းမြစ်များ

Joan 1:3

Irirotari vetsikagetakero magatiro tatarika oita timagetatsirira. Tera ontimumate pashini terira iriro vetsikerone, aikiro game inti game atimumaigi aroegi.

Iritigankaneegi Jeso 14:15

—¿Antari gara pikañoiga maika? Naroegiri ariotyo nokañoigakempi viroegi, matsigenkatari nonaigake. Onti nopokashiigake nonkenkitsaigakempira pokaiganakeriniri pipegaigavetarira pitasorintsite kogapage irirokyaniri pinkematsaiganake Tasorintsisanorira vetsikagetakerorira inkite, kipatsi, omaraani nia intiri maganiro timantagetarorira.

Iritigankaneegi Jeso 17:24

Irirotari vetsikakerorira kipatsi ontiri magatiro timantagetarorira. Irirori intitari shintagetarorira inkite ontiri kipatsi. Tera intimantemparo pankotsi yovetsikaigirira matsigenka.

Iromakunirira 4:17

Ariotari okantakeri Itsirinkakagantakerira Tasorintsi okanti: “Nompegakagakempi yashikiiganakeririra tovaini matsigenkaegi.” Intitari kantankitsi Tasorintsi ineakerira Averan ikematsatakerira. Irirori intitari ganiaigiririra kamageigavetacharira, aikiro itimakagagetiro posantepage tekyarira ontimumagete.

1 Timoteo 4:5

irorotari kametitagakerine Iriniane Tasorintsi ontiri aikiro aniaigakerira Tasorintsi ankantaigakerira ashineventaigakari ipaigakairira.

Evereoegi 1:2

Kantankicha maika inti itigankake Itomi irogotagaigakaera tyara ikanta, irirotari iniake pairani ikantakerira: “Notomi, viro vetsikagetakerone magatiro pashintagetakemparora.”

2 Perero 3:5

Teranika inkogaige isureigakemparora yogivarigakerora Tasorintsi pairani omarane inkani apamankanakerora magatiro kipatsi ipogereaigakara maganiro timantaigakarorira iokajaigakara. Ogari kipatsi irirotyo vetsikakero okyara itentagantakarora inkite ikantakera ontimakera kipatsi ontiri inkite impo ario okañotaka. Ogari kipatsi onti opogeshitakotakaro omaraani nia.

Yogikoneatimogetunkanirira Joan 4:11

“Notinkami Tasorintsi, pairo pikametivageti, noshineventantaigakempirira. Pikoveenkavageti, aikiro pairo pagaveavageti, nopinkatsatantaigakempirira. Virotari vetsikagetakerorira magatiro timagetatsirira, virotari kogankitsi povetsikagetakerora.”