Yohana 9:5 - Maləmce Məfele mala Ɓakuli: Kurcau Məbəshe

⁵ Ado mǝnana mǝ nda a ɓanza ka, mǝ nda tǎlaban mala ɓanza.”

Yohana 9:5 ပူးပေါင်းရင်းမြစ်များ

Matiu 4:16

Aɓwana mǝnana à do a pǝndǝa ka, à sǝna tǎlaban mǝgule. Yì aɓwana mǝnana à do a yinggǝli lú ka, tǎlaban sulǝna a bania.”

Matiu 5:14

Wu ndaka tǎlaban mala ɓanza. Nggeala mǝnana à ɓe amur tali ka pà nǝ̀ sǝmbǝrǝ ɗang.

Luka 2:32

Tǎlaban na ace mǝn mǝsǝ aɓwana mala acili anzali, sǝ aban aɓwana mo amǝ Isǝrayila ka gulo na.”

Yohana 12:46

Ən yiu kǝla tǎlaban ace pa tǎlaban aɓa pǝndǝa mala ɓanza man, ace mǝnana ɓwa mana kat pà ɓamuri abanam ngga, ɓǝ̀ kǝa ueo aɓa pǝndǝa ɗang.

Yohana 8:12

Yesu nyar ɗǝm banggi aɓwana ama, “Mǝ nda tǎlaban mala ɓanza! Ɓwa mǝnana kat kpatam ngga, pà nǝ̀ gya a pǝndǝa ɗang, nǝ̀ kum tǎlaban mala yilǝmu.”

Amǝ Mishan 13:47

Acemǝnana mǝnia ka nda nzongcau mǝnana Mǝtalabangŋo tsǝka sǝm ama: “Ən tsǝngŋǝna wun, wu ndaka tǎlaban aban aɓwana a ɓanza, acemǝnana ɓǝ̀ ɓanza kat kum amsǝban.”

Amǝ Mishan 26:18

ace mǝnana wu mǝnbia wia mǝsǝia, ɓǝa puri ɓa pǝndǝa, ɓǝa yiu aɓa tǎlaban ngga. Mǝ ndarǝ túrǒ abania ace mǝnana ɓǝa pǝlǝa ɓǝa puri ɓata parban mala Shetan, sǝ ɓǝa yiu aban Ɓakuli. Anggo ka à nǝ̀ twalia wia ban acauɓikea malea, sǝ nǝ́ paɓamuru malea abanam ngga, à nǝ̀ kum ban-do aɓalǝ aɓwana mǝnana Ɓakuli tàrria ɓǝa duk amale ka.”

Amǝ Mishan 26:23

À bangŋa ama Kǝrǝsti, yì ɓwa mǝnana Ɓakuli turi ka, nǝ̀ nu tanni sǝ nda ɓwa mǝnana nǝ̀ tita loapi ɓembe nǝ yilǝmu ka, nǝ̀ hamnǝ cau mǝnana nǝ̀ pa tǎlaban mala amsǝban aban amǝ Yahudi andǝ aɓwana arǝ acilia anzali.

Amǝ Afisu 5:14

Acemǝnana tǎlaban ngga kǝ pusǝ koya gir ka a banfana. Nda gir nî sǝ à na ma, “Loapi ntulo, we mǝ'nong-ntulo, loapi ɓembe, sǝ Kǝrǝsti nǝ̀ po tǎlaban.”

Sǝna 21:23

Sǝ yì nggeala ka, pà nǝ̀ na ce pwari ko zongŋo ɓǝa tǎ amuri ɗang, acemǝnana tǎ mala ɓoarɓwa mala Ɓakuli ka, kǝ pa tǎlaban a ɓalǝi, sǝ Mǝgam ngga nda tǎlaban male.