Yohana 9:34 - Maləmce Məfele mala Ɓakuli: Kurcau Məbəshe

³⁴ Pǝlǝa à ne wi ama, “We mǝnana gbal à ɓǝlo aɓa cauɓikea, sǝ à gulo aɓa cauɓikea ka, a kǝ ɓariki ama, a wu nǝ kania sǝm gir?” Kara à pǝri puri ɓa ndakpapi.

Yohana 9:34 ပူးပေါင်းရင်းမြစ်များ

Luka 11:45

Ɓe ɓwa aɓalǝ amǝ'sǝlǝgir Nggurcau mala Musa eari wi ama, “Malǝm, ɓǝ̀ a bangŋa ana ka, a sangŋa sǝm gbal!”

Luka 14:11

Acemǝnana koya ɓwa na mana twal ɓamuri ka, à nǝ̀ nyesǝi ɓà, sǝ ɓwa mǝnana nongsǝ ɓamuri ka, à nǝ̀ gusǝlǝi.

Luka 18:17

Ən nggǝ na wun mǝsǝcau ama koyana sǝ pà nǝ̀ ak Domurǝm mala Ɓakuli kǝla muna mǝkyauwe raka, pà nǝ̀ gandǝ kuti kam ɗang.”

Luka 6:22

Wu ndanǝ tsǝkbu mala Ɓakuli, wun mana ɓwapǝndǝa kǝ ɓinǝ mǝsǝ wun, à kǝ tar wun kǝla amǝɓane, à kǝ sanggi wun, à kǝ tunǝa wun ɓealɓikea, ata cau mem ngga!

Yohana 6:37

Ɓwa mǝnana kat Tárram pam ngga nǝ̀ yiu abanam, sǝ ɓwa mǝnana kat yiu abanam ngga pà mǝ nǝ ɓínǝì ɗang.

Yohana 8:41

Wu nda rǝ pak gir mǝnana nggearǝ tár wun pakkiyi ka.” Amǝ Yahudi ne wi ama, “Ɓakuli nda kǝ Tár sǝm, sǝm ndaka muna tà-jam ɗang.”

Yohana 9:2

Alaggana male ɗi ama, “Malǝm, cauɓikea mala yana tsǝa sǝ à ɓǝl ɓwa mǝnia ka nte? Cauɓikea male na le, ko mala angge na andǝ tarrí?”

Yohana 9:22

Atarrí andǝ ngge ka à na mǝnia yì cau ka anggo acemǝnana à kǝ ɓanggi aɓwana-mǝgule mala amǝ Yahudi. Amǝnia yì aɓwana-mǝgule ka à bangŋǝna a dǝmbǝa ama, ɓwa mǝnana earnǝ Yesu ama nda Kǝrǝsti Mǝ'amsǝban ngga, à nǝ̀ pǝri pà nǝ̀ nggǝ yiu aɓa ndakpapi ɗǝm ɗang.

Yohana 9:35

Lang Yesu ok ce gir mǝnana à pakki ɓwabure ka, kya kum ɓwabure sǝ ɗi ama, “A earǝna nǝ Muna mala Ɓwa le?”

Yohana 9:40

Aɓea amǝ Farisi mana aban came tù abanì ka, ok cau mǝnana Yesu na ka, pǝlǝa à ɗi ama, “A nda ban na ama, sǝm nda ka nte le?”

1 Amǝ Korinti 5:13

Ɓakuli nǝ̀ pakki aɓwana mǝnana amǝ ɓanza na ka ɓashi. Sǝ kǝla mǝnana Malǝmce bang ngga, “Dumǝna púp wu pǝr ɓwa mǝnana mǝ ɓealɓikea na ka, ɓǝ̀ puri ɓalǝ wun.”

Amǝ Galati 2:15

Mim sǝnǝ we, à ɓǝl sǝm ngga, sǝm nda ka amǝ Isǝrayila, sǝm nggǝ ɓǝsǝki nggurcau mala Musa kǝla aɓwana mǝnana amǝ Isǝrayila na raka, yia amǝ pakki acauɓikea ka ɗang.

Amǝ Afisu 2:3

Sǝm kat ka, anggo sǝ sǝm duk ɗiɗyal aɓalǝia aban kpata asuno mala nggurǝu andǝ aɗenyicau mala ɓamurǝ sǝm, mǝ earce cauɓike. Sǝ mǝnia yì ɓealǝu ma'sǝm ngga tsǝa sǝm nda aɓata bumlulla mala Ɓakuli kǝla mǝnana ɓwapǝndǝa kat pak ka.

1 Bitǝrus 5:5

Sǝ wun alo-ɓwa gbal ka, wu kǝ nongsǝ mur wun aɓata aɓwana-mǝgule. Wun kat ka, wu do nǝ nyesǝmuru a rǝarǝ wun, acemǝnana Malǝmce na ama: “Ɓakuli kǝ mgbali amǝ'gusǝlǝ-muru, sǝ kǝ lǝmndǝì amǝ nyesǝ muru ɓwamuru.”

3 Yohana 1:10

Ɓǝ̀ ǝn yina ka, mǝ nǝ yia loasǝ acau mala agir mǝnana kǝ pea ka: acau kiɗiki ɓwa mǝnana kǝ nea amur sǝm sǝ tǝria pà kàm raka. Nggearǝ mǝno ka, kārǝí ɗang, yì nǝ ɓamuri ka kǝ ɓinǝ ak amǝ'eamrǝarǝu. Sǝ aɓwana mǝnana à eare à nǝ̀ ea ka, kǝ pǝrkia, sǝ ɓǝa ɓine à ea ka, kara nǝ̀ pusǝia, ɓǝa puri ɓa ikǝlisiya.

3 Yohana 1:9

Ən gilǝì ikǝlisiya ɓe cautera, sǝ mǝ'earce gulo man yì Diyotǝrifis ka, fali nǝ sǝm ɗang.

Sǝna 13:17

Ɓwa mǝnana kat panǝ mǝnia yì nyoulǝa raka à eari wi ɓǝ̀ kúr kǝgir ko ɓǝ̀ mak kǝgir ɗang. Mǝnia yì nyoulǝa ka, lullǝu mala nyamɓikea na, ko lámbà mala lullǝi na.