Yohana 9:24 - Maləmce Məfele mala Ɓakuli: Kurcau Məbəshe

²⁴ Aɓwana-mǝgule nyar ɓaria à tunǝ ɓwa mǝno nte na ɗiɗyal ka, sǝ à ne wi ama, “Pe Ɓakuli gulo, na sǝm mǝsǝcau! Sǝm sǝlǝna ama ɓwabura mǝnana mǝnmbo amǝsǝo ka mǝ'cauɓikea na.”

Yohana 9:24 ပူးပေါင်းရင်းမြစ်များ

Markus 15:27

À gballì a tarǝia andǝ amǝ'ɓǝmbǝriban ɓari, man a bui mǝli sǝ man a bui mǝnggare.

Luka 15:2

Sǝ amǝ Farisi andǝ amalǝm Nggurcau mala Musa ka à kǝ nggwani ama, “Mǝnia yì ɓwa ka kǝ do ata amǝ'cauɓikea, kǝ lili andǝia.”

Luka 19:7

Ɓwapǝndǝa mǝnana kat sǝn mǝnia ka, tita nggwani ama, “Ɓwabura man ngga kya sulǝna a ɓala mala mǝ'cauɓikea!”

Luka 7:39

Ɓwa Farisi mǝnana tunǝ Yesu arǝ girlina ka sǝn mǝnia ka. Pǝlǝa na nǝ ɓabumi ama, “Ɓǝ̀ ɓwa man ngga mǝɓangna mala Ɓakuli na ka, ɓǝ́ surǝna rǝ ɓwa mǝnana jekiyi rǝì ka, sǝ koya ulang mɓwama na man, acemǝnana mǝ'cauɓikea na.”

Yohana 14:30

Pà mǝ nǝ samsǝ ban cau mǝnana mǝ nǝ na wun ngga ɗǝm ɗang, acemǝnana murǝm mala ɓanza man ndya kǝ yiu ka, sǝ pànǝ rǝcandǝa a muram ɗang.

Yohana 16:2

À nǝ̀ pǝr wun arǝ yiu aɓalǝ andakpapi, sǝ pwari na kǝ yiu ka, mana ɓwa mǝnana wal-lú wun ngga nǝ̀ twali ama nda ban pakki Ɓakuli turo.

Yohana 18:30

Pǝlǝa à eare ama, “Ɓǝ̀ ɓwa mǝnia ka, mǝ'ɓealɓikea na raka, ɓǝ́ pa sǝm nǝ̀ yiu nǝi abano ɗang.”

Yohana 19:6

Lang agbani pǝris andǝ amǝyal Ndàmǝgule nǝ̀ sǝni ka, à loasǝ gia a kuli à na ama, “Gballì a nggun-gangndi! Gballì a nggun-gangndi!” Bilatus na ama, “Wu twali la, wu kya gballì a nggun-gangndi nǝ ɓamur rǝ wun! Acemǝnana mim ngga ǝn kumi nǝ ɓe kǝ cauɓikea ɗang.”

Yohana 5:23

ace mǝnana ɓǝ̀ aɓwana kat pam gulo kǝla mǝnana à pe Tárram Ɓakuli ka. Ɓwa mǝnana kat pam gulo raka, pà aban pê Tárram mǝnana tasǝam ngga gulo ɗang.

Yohana 8:46

Yana ata wun nǝ̀ lǝmndǝ bui arǝ kǝ cauɓikea mǝnana ǝn pe ka? Sǝ ɓǝ̀ mǝsǝcau na ǝn nggǝ bang ngga, mana tsǝa sǝ wu ginǝ earnǝ mim?

Yohana 8:49

Pǝlǝa Yesu nea wia ama, “Ən panǝ kukwar a rǝam ɗang. Ən nggǝ pe Tárram gulo sǝ wu kǝ nyesǝam ɓà.

Yohana 9:16

Aɓea amǝ Farisi na ama, “Mǝnia yì ɓwa yì Yesu ka, pur nǝ ban Ɓakuli ɗang, acemǝnana gusǝlǝ Sabbat ɗang.” Sǝ aɓea ɓwana ɗiban ama, “Lang sǝ mǝ'cauɓikea nǝ pak a'ulang amǝnia yì agir-ndǝlǝki ka le?” Kara aɗenyicau malea ginggia rǝia ɗàngɗáng.

Yohana 9:25

Ɓwabure earia wia ama, “Ən sǝlǝ ɗang ko mǝ'cauɓikea na, ko mǝ'cauɓikea na ɗang. Gir mǝnana ǝn sǝlǝ ka nda mǝnana ama, ɗiɗyal ka mǝ nda nte, sǝ ado ka ǝn nggǝ sǝnban.”

Amǝ Roma 8:3

Gir mǝnana Nggurcau mala Musa gandǝ pe raka, ata cau mala gatti mala nggurǝ ɓwapǝndǝa mǝ'cauɓike ka, Ɓakuli yi pe. Yi tasǝ Muni ɓǝ̀ yiu aɓa nggūrǝu mǝnana nda kǝla nggurǝ sǝm aɓwapǝndǝa mǝ'cauɓike ka, ɓǝ̀ yi pa ɓamuri kǝla gir'nkila ace twal cauɓikea. Aɓa pe mǝnia anggo ka Ɓakuli yinǝ kasǝ-ɓashi amur cauɓikea, kiɗiki rǝcandǝa male aɓa mǝno yì nggūrǝu mala ɓwapǝndǝa ka.

2 Amǝ Korinti 5:21

Ɓakuli tsǝk Kǝrǝsti, mǝnana panǝ cauɓikea raka, pǝlǝ cauɓikea ace sǝm, ace mǝnana a ɓalǝi ka, sǝm nǝ̀ pǝlǝ amǝ'cauɓoarna aban Ɓakuli.

Sǝna 11:13

Aɓa kǝ bu-pwari mǝno ka, nggea dǝurǝo mala nzali mǝkǝrkǝr nì kumban, mǝnana kiɗiki banì mwashat aɓa gauwe lum mala nggeala, sǝ wal ɓwapǝndǝa á-tongno-nong-ɓari ka. Cili ɓwapǝndǝa ka, ɓangciu pakkia wia kǝrkǝr sǝ à ɓwangsǝ gulo mala Ɓakuli mǝnana a kuli ka.