Yohana 9:22 - Maləmce Məfele mala Ɓakuli: Kurcau Məbəshe

²² Atarrí andǝ ngge ka à na mǝnia yì cau ka anggo acemǝnana à kǝ ɓanggi aɓwana-mǝgule mala amǝ Yahudi. Amǝnia yì aɓwana-mǝgule ka à bangŋǝna a dǝmbǝa ama, ɓwa mǝnana earnǝ Yesu ama nda Kǝrǝsti Mǝ'amsǝban ngga, à nǝ̀ pǝri pà nǝ̀ nggǝ yiu aɓa ndakpapi ɗǝm ɗang.

Yohana 9:22 ပူးပေါင်းရင်းမြစ်များ

Luka 6:22

Wu ndanǝ tsǝkbu mala Ɓakuli, wun mana ɓwapǝndǝa kǝ ɓinǝ mǝsǝ wun, à kǝ tar wun kǝla amǝɓane, à kǝ sanggi wun, à kǝ tunǝa wun ɓealɓikea, ata cau mem ngga!

Yohana 1:19

Aɓwana-mǝgule mala amǝ Yahudi mǝnana a Urǝshalima ka à túr apǝris andǝ amǝ'lawi ɓǝa kya ɗi Yohana ama, yì ka, nda yana le?

Yohana 16:2

À nǝ̀ pǝr wun arǝ yiu aɓalǝ andakpapi, sǝ pwari na kǝ yiu ka, mana ɓwa mǝnana wal-lú wun ngga nǝ̀ twali ama nda ban pakki Ɓakuli turo.

Yohana 19:38

Nǝ nzǝmo ka, Yisǝfu, ɓwa Arimatiya zǝmbǝi Bilatus ama, nǝ̀ twal lú Yesu. (Yì Yisǝfu ka mǝkpata Yesu na aɓa sǝmbǝrǝa, acemǝnana kǝ ɓanggi aɓwana-mǝgule mala amǝ Yahudi.) Bilatus pǝlǝa eari wi ɓǝ̀ twali. Nda sǝ Yisǝfu wario kya twal lú Yesu um nǝi ka.

Yohana 20:19

Nǝ pwarikpǝra a mǝno yì pwari a nzǝm pwari Sabbat ka, alaggana mala Yesu na a tarǝia aɓa kurǝm. À girki akunkurǝm acemǝnana à kǝ ɓanggi aɓwana-mǝgule mala amǝ Yahudi. Ɓalǝia ama nǝ̀ kasǝ ka, kara à sǝn Yesu purna, camǝna aɓalǝia, sǝ nea wia ama, “Ɓǝ̀ rǝ wun pwalo.”

Yohana 7:13

Sǝ kǝɓwa puro na cau bwāng amuri ɗang, acemǝnana à kǝ ɓanggi aɓwana-mǝgule mala amǝ Yahudi.

Yohana 9:18

Aɓwana-mǝgule mala amǝ Yahudi ka, à ear ama mǝnia yì ɓwa ka nte na ɗiɗyal sǝ ado ka kǝ sǝnban ɗang. Pǝlǝa a turban ɓǝa tunǝ tarrí andǝ ngge.

Yohana 9:21

Sǝ cau mala sǝnban male andǝ ɓwa mǝnana mǝnmbi wi amǝsǝì ka, sǝm sǝlǝ ce ɗang. Wu ɗi, karǝna ɓwa, nǝ̀ gandǝ na kuni.”

Yohana 9:34

Pǝlǝa à ne wi ama, “We mǝnana gbal à ɓǝlo aɓa cauɓikea, sǝ à gulo aɓa cauɓikea ka, a kǝ ɓariki ama, a wu nǝ kania sǝm gir?” Kara à pǝri puri ɓa ndakpapi.

Yohana 9:35

Lang Yesu ok ce gir mǝnana à pakki ɓwabure ka, kya kum ɓwabure sǝ ɗi ama, “A earǝna nǝ Muna mala Ɓwa le?”

Amǝ Mishan 4:18

Pǝlǝa à tunǝia, sǝ à nea wia ama, ɓǝa kǝa na ama à nǝ̀ nyare à nǝ̀ na cau, ko à nǝ̀ kanigir nǝ lullǝ Yesu ɗǝm ɗang.

Amǝ Mishan 5:13

Acili aɓwana ka, ɓangciu pakkia wia, à gandǝ kutio aɓalǝ amǝkpata Yesu ɗang, sǝ aɓwana kat ka à twal amǝkpata Yesu nǝ gulo kǝrkǝr.

Amǝ Mishan 5:40

sǝ a tunǝ amǝ'mishan ɓǝa kutio abania, sǝ à nunkiria, à kwea. Pǝlǝa à nea wia ama, ɓǝa kǝa na ama à nǝ̀ ɓǝsǝlǝ na cau nǝ lullǝ Yesu ɗǝm ɗang. Pǝlǝa à nyia ɓǝa o anggo.

Sǝna 21:8

Sǝ mǝnia ka nda gir mǝnana nǝ̀ kum aɓwana mǝnana amǝ'ɓangciu na, andǝ amǝ pakki agir monzǝo, andǝ amǝ ɗwanyi earnǝ mim, andǝ amǝ pakki agirɓana, andǝ amǝ walki alú, andǝ amǝ do kiɗikì mala nongginǝ-rǝarǝu na ka. Yia kat andǝ amǝ peri aban ankúl andǝ alú, andǝ aɓwana kat mǝnana amǝ na'nyir na ka, à nǝ̀ ramtea aɓa garang mala bǝsa mǝnana kǝ li nǝ atali ear-bǝsa ka. Mǝnia ka, nda ɓaria lú.