Yohana 8:54 - Maləmce Məfele mala Ɓakuli: Kurcau Məbəshe

⁵⁴ Yesu earia wia ama, “Ɓǝ̀ ǝn pe ɓamuram gulo ka, gulê pà a kun kǝgir ɗang. Sǝ Tárram mǝnana wu twali ama nda Ɓakuli ma'wun ngga, nda mǝnana pākiyam gulo ka.

Yohana 8:54 ပူးပေါင်းရင်းမြစ်များ

Yohana 17:1

Anzǝm mǝnana Yesu malǝna naki acau mǝnia ka, pǝlǝa loasǝ mǝsǝì a kuli, sǝ pak hiwi ama: Dâ, adyan ngga bu-pwarî yina. Gusǝlǝ Munio ace mǝnana ɓǝ̀ Munio po gulo mo ka.

Yohana 17:5

Sǝ ado ka, Dâ, nyesǝam gulo a ɓadǝmbǝo, gulo mǝnana mǝ ndanǝi sǝnǝ we ɗiɗyal sǝ a yi pusǝ ɓanza ka.

Yohana 2:11

Gir'ndǝlǝki mǝnia Yesu pe a Kana, a nzali Galili ka, nda mǝdǝmbe mala agir-ndali male mǝnana lǝmndǝ gulo male ka. Sǝ alaggana male sǝni à pa ɓamuria abani.

Yohana 5:41

Ɓwangsǝban mala ɓwapǝndǝa na ǝn alkite ka ɗang.

Yohana 7:18

Ɓwa mǝnana kǝ na cau aɓa ɓamuri ka, gulo mala ɓamuri na alkiyite ka, sǝ ɓwa mǝnana kǝ pak gir ace gulo mala ɓwa mǝnana turi ka, ɓwa mǝ'mǝsǝcau nì na, ɓe kǝgir nyir pa a ɓalǝi ɗang.

Yohana 7:39

Yesu naban na cau amur kǝ Bangŋo mǝnana aɓwana mana à pà ɓamuria abani ka, à nǝ̀ ngga kum ngga. Sǝ a pwari mǝno gbal anggo ka à malaká pà Bangŋo ni ɗang, acemǝnana Yesu malaká loapi ɓembe kutia aɓa gulo male peatu raka.

Yohana 8:41

Wu nda rǝ pak gir mǝnana nggearǝ tár wun pakkiyi ka.” Amǝ Yahudi ne wi ama, “Ɓakuli nda kǝ Tár sǝm, sǝm ndaka muna tà-jam ɗang.”

Yohana 8:50

Ən pa aban alita ɓamuram gulo ɗang. Tárram na kǝ alamta gulo ka, sǝ yì nda ɓwa mǝnana pakkiyi ɓashi mǝ'mǝsǝcau nì ka.

Amǝ Mishan 3:13

Ɓakuli mala Ibǝrayim, andǝ Ishaku andǝ Yakupu, Ɓakuli mala aká sǝm, nda pe guro male yì Yesu gulo nǝ mǝnia yì gir ka. Sǝ wun ngga wu nǝ̀ twali sǝ wu pea aɓwana ɓǝa wali. Wu ɓinǝkì a ɓadǝm Bilatus, anzǝm mǝnana yì ka, earǝna ama nǝ̀ panzǝi ɓǝ̀ o ka.

2 Amǝ Korinti 10:18

Acemǝnana ɓwa mana ɓwangsǝ ɓamuri ka nda à nǝ̀ earnǝi ka ɗang, she ɓwa mǝnana Mǝtalabangŋo ɓwangsǝi ka.

1 Bitǝrus 1:12

Ɓakuli lǝmndǝi amǝnia yì amǝ'ɓangna male ka ama acau mǝno banggiyi nǝ kunia ka, à pà ace ɓamuria ɗang, à nda ace wun. Sǝ adyan ngga, mǝnia yì Cau Mǝɓoarne ka, à hamǝna nǝi a banfana aban wun. Aɓwana mǝnana à hamnǝi ka, à hamnǝi aɓa rǝcandǝa mala Bangŋo Mǝfele mǝnana Ɓakuli tasǝi nǝ kuli ka. Nggearǝ amǝturonjar mala Ɓakuli ka, à tsǝk mǝsǝia à nǝ̀ sǝni lang sǝ amǝnia yì agir ka, à nǝ̀ pa.

1 Bitǝrus 1:21

Nǝ́ bani yì Kǝrǝsti, sǝ wu pa ɓamur wun aban Ɓakuli, mǝnana loasǝi a ɓembe, sǝ pe wi nggea gulo ka; ace mani ka paɓamuru ma'wun, andǝ tsǝkɓalǝu ma'wun ngga, à kwakina amur Ɓakuli.

2 Bitǝrus 1:17

Sǝm nda kam à kǝ banì mǝnana Ɓakuli Tarrû pe wi ɓoarɓwa andǝ gulo, pǝlǝa gi Ɓakuli pur nǝ ɓa mǝno yì tâ mǝgule mala ɓoarɓwa ka, yiu abani ama, “Mǝnia ka, nda Munem mǝnana ǝn nggǝ earce ka, kǝ pwasǝ bumam kǝrkǝr.”