Yohana 8:53 - Maləmce Məfele mala Ɓakuli: Kurcau Məbəshe

⁵³ A kuti kà-sǝm Ibǝrayim le? Yì ka, wǔ, sǝ amǝ'ɓangna mala Ɓakuli gbal ka à wǔ. Sǝ we ka a kǝ sǝni kǝla a nda yana?”

Yohana 8:53 ပူးပေါင်းရင်းမြစ်များ

Matiu 12:6

Ən nggǝ na wun ama, ɓwa mǝnana kuti Ndàmǝgule mala Ɓakuli nǝ gulo ka nda kani.

Matiu 3:9

Sǝ wu kǝa sǝni kǝla ɗenyicau ma'wun mǝnana ama Ibǝrayim ngga kà wun na ka, nǝ̀ amsǝ wun ɗang. Ən nggǝ bangga wun, Ɓakuli nǝ̀ gandǝ loasǝ atali mǝnia à nǝ̀ pǝlǝì Ibǝrayim amǝkau.

Yohana 10:33

Pǝlǝa à eari wi ama, “Pà ace kǝ agir mǝɓoarne mǝnana à pea, sǝ sǝm earce ama sǝm nǝ̀ ɓukkio ka ɗang. Nda ace cau ɓǝsǝki Ɓakuli mǝnana a na ka. We ka, a nda ɓwamǝpǝnde sǝ a kǝ twal ɓamuro a nda Ɓakuli!”

Yohana 12:34

Ɓwabunda pǝlǝa ne Yesu ama, “Sǝm ok aɓa Nggurcau mala Musa ama, Kǝrǝsti ka nǝ̀ dum nǝ yilǝmu mǝnana málá male pà kàm raka. Sǝ lang sǝ a na ama, ‘Dumǝna púp, à nǝ̀ loasǝ Muna mala Ɓwa amur nggun-gangndi?’ Yana ɓwe nda man yì ‘Muna mala Ɓwa’ ka?”

Yohana 19:7

Pǝlǝa aɓwana-mǝgule mala amǝ Yahudi eari wi ama, “Aɓa nggurcau ma'sǝm ngga, ɓoaro ɓǝ̀ wú, acemǝnana twal ɓamuri ama yì ka, Muna mala Ɓakuli na!”

Yohana 4:12

A kuti kà sǝm Yakupu mǝnana pà sǝm mǝnia yì tūli, mǝnana yì nǝ nggearǝì, andǝ amuni, andǝ agirkusǝu malea à nu mur kam ngga le?”

Yohana 5:18

Ace mani ka, aɓwana-mǝgule mala amǝ Yahudi ɓariki kǝrkǝr ama à nǝ̀ wal-lú Yesu, acemǝnana yàl nzongcau mala Sabbat nǝmurǝì ɗang, tunǝ Ɓakuli ama Tarrí. Anggo ka ndaban karǝ ɓamuri arǝ Ɓakuli.

Yohana 8:58

Yesu earia wia ama, “Mǝ nggǝ bangga wun mǝsǝcau, kaniama à nǝ̀ ɓǝl Ibǝrayim ngga, ‘Mǝ ndakam.’”

Amǝ Roma 9:5

A Ibǝrayim, andǝ Yakupu, andǝ Ishaku ka à ndaka keà mǝnana nǝ bania sǝ tau ɓǝlban aɓa nggūrǝu mala Kǝrǝsti pur ka. Ɓwangsǝban mǝnana málá male pà kàm raka ɓǝa pè Ɓakuli mǝnana nda amur aɓwana kat ka! Amin.