Yohana 8:52 - Maləmce Məfele mala Ɓakuli: Kurcau Məbəshe

⁵² Pǝlǝa aɓwana-mǝgule mala amǝ Yahudi ne wi ama, “Ado sǝ sǝm sǝlǝa aɓa mǝsǝcau ama, a ndanǝ kukwar a rǝo! Nggearǝ Ibǝrayim ngga wǔ, sǝ amǝ'ɓangna mala Ɓakuli wú, pǝlǝa a nǝ yia na sǝm ama, ‘Ɓǝ̀ ɓwa kpata cau mem ka pà nǝ̀ wu ɗang.’

Yohana 8:52 ပူးပေါင်းရင်းမြစ်များ

Matiu 11:18

Yohana yiu, liki kǝgir ɗang, sǝ nuki kǝgir gbal ɗang. À yì bangŋa ama, “Ndanǝ kukwar a rǝì.”

Yohana 1:19

Aɓwana-mǝgule mala amǝ Yahudi mǝnana a Urǝshalima ka à túr apǝris andǝ amǝ'lawi ɓǝa kya ɗi Yohana ama, yì ka, nda yana le?

Yohana 14:23

Yesu eari wi ama: Ɓwa mǝnana kat earcem ngga, nǝ̀ kpata kanigir mem, Tárram nǝ̀ earce, sǝ mim sǝnǝ Tárram ka, sǝm nǝ̀ yiu abani sǝm nǝ̀ do ate.

Yohana 15:20

Wu ɗenyi nǝ cau mǝnana ǝn bangga wun nǝma, “Kǝ guro pà kàm gulo kuti mǝtala-ɓala male ɗang.” Ɓǝa pam tanni ka, à nǝ̀ pa wun tanni gbal. Sǝ ɓǝ̀ pǝlǝa ama à kpanata kanigir mem ngga, à nǝ̀ kpata kanigir ma'wun gbal.

Yohana 17:6

Ən lǝmndǝni aɓwana mǝnana a pam mia a ɓanza ka rǝo. Yia ka amo na. A nǝ̀ pam mia, sǝ à kpanata cau mo.

Yohana 7:20

Ɓwabunda mǝnana ram ngga ne wi ama, “We ka, kukwar na a rǝo. Yana alkiyito ama nǝ̀ wal-luio?”

Yohana 8:22

Pǝlǝa aɓwana-mǝgule mala amǝ Yahudi ɗiban ama, “Nggearǝì ka nda ban earce nǝ̀ wal ɓamuri le? Mana tsǝa sǝ na ama, pà sǝm nǝ̀ gandǝ ká aban mǝnana nǝ̀ ká kam ngga ɗang?”

Yohana 8:48

Sǝ aɓwana-mǝgule mala amǝ Yahudi ɗi Yesu ama, “Cau mǝnana sǝm na ama a nda ɓwa Samariya sǝ kukwar na a rǝo ka mǝsǝcau na re?”

Yohana 8:51

Mǝ nda ban bangga wun mǝsǝcau, ɓwa mǝnana kǝ kpata cau mem ngga pà nǝ̀ wu ɗang.”

Yohana 8:55

Wun ngga wu surǝì ɗang, sǝ mim ngga ǝn surǝì. Ɓǝ̀ ǝn na ama ǝn surǝì raka, mǝ nda mǝ'nyir kǝla wun. Sǝ mim ngga ǝn surǝì, sǝ ǝn nggǝ kpata cau male.

Yohana 9:24

Aɓwana-mǝgule nyar ɓaria à tunǝ ɓwa mǝno nte na ɗiɗyal ka, sǝ à ne wi ama, “Pe Ɓakuli gulo, na sǝm mǝsǝcau! Sǝm sǝlǝna ama ɓwabura mǝnana mǝnmbo amǝsǝo ka mǝ'cauɓikea na.”

Amǝ Ibǝru 11:13

Amǝnia yì aɓwana kat ka, à wu aɓa paɓamuru malea, yale à kum agir mǝnana Ɓakuli na ama nǝ̀ pea wia ka ɗang. À sǝnia nǝ sǝna kuko, sǝ à gingsǝ yiu malea. À bangŋi bwāng ama à nda ka abǝri andǝ amǝgya-kutio aɓa ɓanza.

Amǝ Ibǝru 2:9

Gir mǝnana sǝm sǝni ka nda Yesu mǝnana à cì gatti amǝturonjar bǝti, ace mǝnana nǝ ɓwamuru mala Ɓakuli ka, ɓǝ̀ wú ace ko yan ngga. Sǝ adyan ngga, sǝm sǝni ka à pǝtina muri nǝ ɓoarɓwa andǝ gulo, acemǝnana nu tanni wu ace aɓwana ka.