Yohana 8:48 - Maləmce Məfele mala Ɓakuli: Kurcau Məbəshe

⁴⁸ Sǝ aɓwana-mǝgule mala amǝ Yahudi ɗi Yesu ama, “Cau mǝnana sǝm na ama a nda ɓwa Samariya sǝ kukwar na a rǝo ka mǝsǝcau na re?”

Yohana 8:48 ပူးပေါင်းရင်းမြစ်များ

Matiu 10:25

Mǝ'eaulǝkigir ka ɓǝ̀ alte ɓǝ̀ kum do kǝla malǝm male, sǝ muna-ɓala ka ɓǝ̀ alte ɓǝ̀ kum do kǝla mǝtala-ɓala male. Ɓǝ̀ mǝtala-ɓala ka à tunǝi ama Murǝm mala akukwar ka, acili amǝɓala ka lullǝu mana à nǝ̀ tunǝia nǝi ka nǝ̀ ɓike nǝ̀ kutibanì!

Matiu 10:5

Yia mǝnia lum-nong-ɓari ka Yesu tasǝia sǝ nea wia ama: Wu kǝa ká aban aɓwana mǝnana amǝ Yahudi na raka ɗang. Wu kǝa kar a ɓe kǝ la mala amǝ Samariya ɗang.

Matiu 11:18

Yohana yiu, liki kǝgir ɗang, sǝ nuki kǝgir gbal ɗang. À yì bangŋa ama, “Ndanǝ kukwar a rǝì.”

Matiu 12:24

Sǝ amǝ Farisi ka lang à ok mǝnia yì cau ka à bangŋa ama, pa ɓa ɗang, nǝ rǝcandǝa mala Baalzabul Murǝm mala akukwar sǝ kǝ pusǝki akukwar.

Matiu 12:31

Ace mani ka ǝn nggǝ na wun ama, ko ya cauɓikea andǝ na caukyauwikiban mǝnana aɓwana ne amur Ɓakuli ka à nǝ̀ twalbani, sǝ ɓwa mǝnana na cau kyauwikiban amur Bangŋo mala Ɓakuli ka, à pà nǝ̀ twali wi banì ɗang.

Matiu 15:7

Wun amǝ'kunɓarina! Ɓangna mala Ishaya amur wun ngga nda a njari, mǝnana bangŋa ama:

Yohana 1:19

Aɓwana-mǝgule mala amǝ Yahudi mǝnana a Urǝshalima ka à túr apǝris andǝ amǝ'lawi ɓǝa kya ɗi Yohana ama, yì ka, nda yana le?

Yohana 10:20

Aɓea aɓwana pas aɓalǝia à bangŋa ama, “Yì ka, ndanǝ kukwar a rǝì! Pà aɓa ɗenyicau male ɗang! Ace man sǝ wu kǝ kwaki kir wun a rǝì?”

Yohana 13:13

Wu kǝ tunǝam ama Malǝm, sǝ Mǝtalabangŋo. Sǝ wu ɓwarki ɗang, anggo sǝ ǝn pa.

Yohana 4:9

Sǝ mɓwame pǝlǝa ne Yesu ama, “A nda ɓwa Yahudi, sǝ mǝ nda ɓwa Samariya. Lang sǝ a nǝ zǝm murnuna a buam yi mǝnana kǝgir kǝ kpapi amǝ Yahudi andǝ amǝ Samariya raka?”

Yohana 7:20

Ɓwabunda mǝnana ram ngga ne wi ama, “We ka, kukwar na a rǝo. Yana alkiyito ama nǝ̀ wal-luio?”

Yohana 8:22

Pǝlǝa aɓwana-mǝgule mala amǝ Yahudi ɗiban ama, “Nggearǝì ka nda ban earce nǝ̀ wal ɓamuri le? Mana tsǝa sǝ na ama, pà sǝm nǝ̀ gandǝ ká aban mǝnana nǝ̀ ká kam ngga ɗang?”

Yohana 8:52

Pǝlǝa aɓwana-mǝgule mala amǝ Yahudi ne wi ama, “Ado sǝ sǝm sǝlǝa aɓa mǝsǝcau ama, a ndanǝ kukwar a rǝo! Nggearǝ Ibǝrayim ngga wǔ, sǝ amǝ'ɓangna mala Ɓakuli wú, pǝlǝa a nǝ yia na sǝm ama, ‘Ɓǝ̀ ɓwa kpata cau mem ka pà nǝ̀ wu ɗang.’

Amǝ Roma 15:3

Ko nggearǝ Kǝrǝsti ka dukdo pwasǝbum ɓamuri ɗang. Kǝla mǝnana Malǝmce bang ngga, “Asangban mala aɓwana mǝnana à sangŋo ka, We Ɓakuli, à sulǝna a muram.”

Amǝ Ibǝru 13:13

Ace mani ka, ɓǝ̀ sǝm puro abani anzǝm agumli, ace mǝnana ɓǝ̀ sǝm kya twal mǝno yì gir kǝsǝkya mǝnana yiu amuri ka.

Jemis 2:19

A ear ama Ɓakuli na mwashat; a pangŋa pepe. Sǝ ko nggearǝ akukwar gbal ka à earǝna nǝ mǝnia, sǝ rǝia kǝ ɓǝla ace ɓangciu.