Yohana 8:42 - Maləmce Məfele mala Ɓakuli: Kurcau Məbəshe

⁴² Sǝ Yesu nea wia ama: Ɓǝ̀ tar wun nda Ɓakuli ka, wu nǝ̀ earcem, acemǝnana ǝn pur aban Ɓakuli, sǝ ado ka mǝ ndakani. Ən yipi ɓamuram ɗang, Ɓakuli nǝ̀ turam.

Yohana 8:42 ပူးပေါင်းရင်းမြစ်များ

Yohana 1:14

Mǝnia yì Cau ka yi duk ɓwamǝpǝnde, sǝ yi duk zuku aɓalǝ sǝm. Sǝm sǝna gulo male, gulo mala kǝ̀ Muna mwashat ɓǝrɓǝr, mana pur nǝban Tarrí Ɓakuli ka, lumsǝo nǝ ɓwamuru andǝ mǝsǝcau.

Yohana 12:49

Agir mǝnana kat ǝn nggǝ kania ka, à pà aɓa rǝcandǝa mem ɗang, Tárram mǝnana tasǝam ngga, nǝ̀ pam nzongcau arǝ mana ɓǝn na sǝ lang sǝ mǝ nǝ ne.

Yohana 13:3

Yesu sǝlǝna ama Ɓakuli Tarrû pani wi rǝcandǝa amur agir kat, sǝ sǝlǝna gbal ama pur nǝban Ɓakuli, sǝ ndo nǝ̀ nyare nǝ̀ o abani ka.

Yohana 14:10

A ear mbo ama mǝ nda aɓa Tárram, sǝ Tárram ngga nda a ɓalǝam? Acau mǝnana ǝn nggǝ na wun ngga à pur nǝ banam ɗang, Tárram mǝnana dukiyi a ɓalǝam ngga nǝ̀ pakkiyi turo male nǝ mim.

Yohana 16:30

Adyan ngga sǝm sǝlǝna ama we ka a surǝ agir kat, ɓwa pà nǝ̀ na ama nǝ̀ ɗio kǝ cau ɗang. Ace mǝno ka sǝm earǝna ama we ka a pur nǝban Ɓakuli.”

Yohana 17:25

We Dâ Mǝ'cauɓoarna! Ɓanza surǝo ɗang, sǝ mim ngga ǝn surǝo, sǝ amǝnia yì alaggana mem ngga, à sǝlǝna ama a nǝ turam.

Yohana 17:8

Ən pania wia cau mǝnana a pam ngga, sǝ yia gbal ka à angŋǝni; à sǝlǝna ama mǝsǝcau na ǝn pur abano, sǝ à earǝna ama a nǝ̀ turam.

Yohana 3:17

Ɓakuli tasǝ Muni ɓǝ̀ yì ɓashì ɓanza ɗang, tasǝì ɓǝ̀ yì amsǝ ɓanza.

Yohana 5:23

ace mǝnana ɓǝ̀ aɓwana kat pam gulo kǝla mǝnana à pe Tárram Ɓakuli ka. Ɓwa mǝnana kat pam gulo raka, pà aban pê Tárram mǝnana tasǝam ngga gulo ɗang.

Yohana 5:43

Ən yiu aɓa lullǝ Tárram, sǝ wun ngga wu em ɗang, sǝ ɓǝ̀ ɓeɓwa yiu aɓa rǝcandǝa male ka wu nǝ̀ earnǝi, wu nǝ̀ é.

Yohana 8:14

Sǝ Yesu nea wia ama: Ko ɓǝ̀ ǝn nakun ɓamuram ngga, cau mem ngga à nǝ̀ earnǝi, acemǝnana ǝn surǝna rǝ ban mǝnana ǝn pur kam ngga, sǝ ǝn surǝna rǝ ban mǝnana mǝ nǝ ká kam ngga. Sǝ wun ngga, wu surǝ ban mǝnana ǝn pur kam, andǝ ban mǝnana mǝ nǝ ká kam ngga ɗang.

1 Amǝ Korinti 16:22

Ɓǝ̀ kǝɓwa kǝ earce Mǝtalabangŋo raka, ɓǝ̀ suban sulǝo amur ɓwe! Marana tha - Mǝtala sǝm, yiu!

Amǝ Galati 4:4

Sǝa ma, lang pwari ni yi karǝna ka, Ɓakuli tur Muni, mǝnana mɓwama nǝ̀ ɓǝli, a ɓata nggurcau mala Musa ka.

1 Yohana 4:14

Ɗǝm ngga, sǝm sǝnǝna Muna mala Ɓakuli nǝ mǝsǝ sǝm, sǝ ado ka sǝm ndarǝ banggi aɓwana ama, Ɓakuli Tár sǝm tur Muni ɓǝ̀ yi duk Mǝ'amsǝ ɓanza.

1 Yohana 5:20

Ɗǝm ngga sǝm sǝlǝna ama Muna mala Ɓakuli yina, yi pana sǝm sǝlǝe, ace mǝnana ɓǝ̀ sǝm surǝ Ɓakuli mǝ'mǝsǝcau nì. Sǝ sǝm ngga sǝm nda aɓa dotarǝu sǝnǝia, yì ɓwa mǝnana nda Ɓakuli mǝ'mǝsǝcau nì ka, andǝ Muni Yesu Kǝrǝsti. Yì Yesu ka, nda kǝ Ɓakuli mǝ'mǝsǝcau nì, sǝ nda yilǝmu mǝnana málá male pà kàm raka.

Sǝna 22:1

Ɗǝm ngga mǝturonjar lǝmndǝam nggeasala mala mùr pa yilǝmu. Mur nî kwar gǝraɗau kǝla kǝrstal. Kǝ ɓun aban bunomurǝm mala Ɓakuli andǝ mala Mǝgam sǝ kǝ ɓangŋa.