Yohana 8:39 - Maləmce Məfele mala Ɓakuli: Kurcau Məbəshe

³⁹ Sǝ à eare ama, “Ibǝrayim nda kà-sǝm.” Yesu nea wia ama, “Ɓǝ̀ kàngkàng wu ndaka amǝkau mala Ibǝrayim ngga, wu nǝ̀ pak agir mǝnana Ibǝrayim pea ka.

Yohana 8:39 ပူးပေါင်းရင်းမြစ်များ

Matiu 3:9

Sǝ wu kǝa sǝni kǝla ɗenyicau ma'wun mǝnana ama Ibǝrayim ngga kà wun na ka, nǝ̀ amsǝ wun ɗang. Ən nggǝ bangga wun, Ɓakuli nǝ̀ gandǝ loasǝ atali mǝnia à nǝ̀ pǝlǝì Ibǝrayim amǝkau.

Matiu 5:45

Ɓǝ̀ wu pa anggo ka wu nǝ̀ duk amuna mala Tar wun mǝnana a kuli ka. Acemǝnana yì ka, kǝ tsǝk pwari male kǝ ta amur aɓwana amǝɓane andǝ amǝɓoarne, sǝ kǝ nya mbulo amur amǝ pak cauɓoarna andǝ amǝ pak ɓealɓikea.

Yohana 8:33

Pǝlǝa à eari wi ama, “Sǝm ngga, sǝm nda ka amǝkau mala Ibǝrayim, sǝm duk aguro mala kǝɓwa àkǝ̀ pwari ɗang. Lang sǝ a nǝ na sǝm ama à nǝ̀ panzǝ sǝm?”

Yohana 8:37

Ən sǝlǝna ama wu ndaka amǝkau mala Ibǝrayim, sǝa ma wu kǝ earce walam, acemǝnana wu eari cau mem ɓǝ̀ kum ban-do a ɓabum wun ɗang.

Yohana 8:43

Man tsǝa sǝ wu bwalta acau mǝnana ǝn nggǝ na wun ngga ɗang? Nda ace mǝnana wu gandǝ ok cau mem ɗang.

Yohana 8:56

Kà wun Ibǝrayim ngga, pak banɓoarnado ama nǝ̀ sǝn pwari yiu mem, pǝlǝa sǝni sǝ bumi pwasǝo.”

Amǝ Roma 4:12

Sǝ Ibǝrayim ɗǝm ngga, nda tar aɓwana mǝnana à kasǝia wia ɓatea, yia mǝnana kasǝ-ɓatau na à kasǝia wia nǝmurǝì ka ɗang, yia gbal ka à twalkusǝ ulang paɓamuru mala Ibǝrayim, mǝnana ndanǝi sǝ nǝ nzǝmo à yì kasǝi wi ɓate ka.

Amǝ Roma 4:16

Ace mani ka, nǝ́ guli a rǝ Ɓakuli sǝ ɓwa nǝ̀ kum gir mǝnana Ɓakuli pàcau ace ka. Ɓakuli pe anggo ace mǝnana ɓǝa sǝlǝ ama kàngkàng gir mǝnana pàcau ace ka nǝ̀ ɓwamur aɓwana nǝi, yia aɓwana kat mǝnana amuna mala Ibǝrayim na ka. Mǝno yì ɓwamuru ka pa ace amǝ Yahudi mǝnana à kpakiyi ata Nggurcau ka nǝmurǝia ɗang, nda gbal ace aɓwana mǝnana à earnǝ Ɓakuli, à guli a rǝì kǝla mala Ibǝrayim ngga. Ibǝrayim ngga nda tar sǝm kat.

Amǝ Roma 9:7

Sǝ ɗǝm ngga aɓwana na kat mǝnana tea pur nǝ Ibǝrayim ngga, sǝ à ndaka amuna mala Ɓakuli ka ɗang. Ɓakuli ka bangŋǝni Ibǝrayim ama, “Aɓa Ishaku sǝ amǝkeo mǝnana ǝn po cau acea, ka à nǝ̀ puro.”

Amǝ Galati 3:29

Sǝ ado mǝnana wu dumǝna a mala Kǝrǝsti ka, wu nda ka amuna mǝɓafoe mala Ibǝrayim. Wu nda ka amǝliɓala, sǝ pàcau mala Ɓakuli aban Ibǝrayim ngga, dumǝna ma'wun.

Amǝ Galati 3:7

Ɓoaro ɓǝ̀ wu sǝlǝ ama amuna mala Ibǝrayim ngga, à nda ka aɓwana mǝnana à paɓamuria aban Ɓakuli, à earnǝi ka.