Yohana 8:25 - Maləmce Məfele mala Ɓakuli: Kurcau Məbəshe

²⁵ Pǝlǝa à ɗi Yesu ama, “A nda yana?” Sǝ Yesu earia wia ama, “Mǝ nda kǝ ɓwa mǝnana ǝn na wun a dǝmbe nǝma mǝ nda ka.

Yohana 8:25 ပူးပေါင်းရင်းမြစ်များ

Luka 22:67

À ne wi ama, “Ɓǝ̀ a nda Kǝrǝsti, Mǝ'amsǝban mǝnana Ɓakuli turi ka, na sǝm.” Yesu earia wia ama, “Ɓǝ̀ ǝn bangga wun ngga, pà wu nǝ̀ earnǝ mim ɗang.

Yohana 1:19

Aɓwana-mǝgule mala amǝ Yahudi mǝnana a Urǝshalima ka à túr apǝris andǝ amǝ'lawi ɓǝa kya ɗi Yohana ama, yì ka, nda yana le?

Yohana 1:22

A masǝlǝate ka à ɗi ama, “Na sǝm cau mǝnana ɓǝ̀ sǝm nyesǝi aɓwana mǝnana à tur sǝm ngga. A kǝ twali ɓamuro ama a nda yana?”

Yohana 10:24

Aɓwana-mǝgule mala amǝ Yahudi yi rambǝa abani, sǝ à ɗi ama, “Lang sǝ a nǝ nying sǝm anggo aɓa pǝndǝa? Ɓǝ̀ a nda Kǝrǝsti ka, Pura sǝm bwāng, bangga sǝm.”

Yohana 19:9

Pǝlǝa nyesǝ Yesu wari nǝi aɓa palta ɗǝm sǝ ɗi ama, “We ka, a pur a ya ban le?” Sǝ Yesu ka duk kuni piu, pǝlǝi wi kǝ cau ɗang.

Yohana 8:12

Yesu nyar ɗǝm banggi aɓwana ama, “Mǝ nda tǎlaban mala ɓanza! Ɓwa mǝnana kat kpatam ngga, pà nǝ̀ gya a pǝndǝa ɗang, nǝ̀ kum tǎlaban mala yilǝmu.”

Yohana 8:24

Nda gir mǝnana tsǝa sǝ ǝn na wun ama wu nǝ̀ wú aɓalǝ acauɓikea ma'wun ngga; ɓǝ̀ wu earnǝ mim ama Mǝ Nda ɓwa mǝnana ǝn na nǝma Mǝ Nda ka raka, wu nǝ̀ wú aɓalǝ acauɓikea ma'wun.”

Yohana 8:26

Mǝ ndanǝ acau pas amur wun, mǝnana mǝ nǝ ɓashia wun nǝia ka, sǝ pa mǝ nǝ pe ɗang. Tárram mǝnana tasǝam ngga mǝ'mǝsǝcau na, sǝ ǝn nggǝ ne ɓanza gir mǝnana ǝn o a kuni ka.”