Yohana 8:20 - Maləmce Məfele mala Ɓakuli: Kurcau Məbəshe

²⁰ Yesu naki amǝnia yì acau ka mǝnana nda rǝ kanigir a buban mǝnana à kǝ tsǝk boalo kam andǝ agir mǝɓoarne aɓa Ndàmǝgule mala Ɓakuli ka. Sǝ kǝɓwa bwali ɗang, acemǝnana pwari male malaká karǝ ɗang.

Yohana 8:20 ပူးပေါင်းရင်းမြစ်များ

Matiu 26:55

Yesu nê ɓwabunda mǝnana yiua bwale ka ama, “Wu yiu nǝ anggea-byau andǝ agara ace bwalam kǝla mǝ nda mǝyàl-nzongcau? Ko aya pwari ka ǝn nggǝ do aɓa Ndàmǝgule mala Ɓakuli aban kanigir, sǝ wu bwalam ɗang.

Matiu 27:6

Agbani pǝris pwan boale sǝ à na ama, “Nggurcau bangŋa ama ɓoaro ɓǝa tsǝk ulang mǝnia yì boalo ka aɓa ndaboalo mala Ndàmǝgule mala Ɓakuli ɗang, acemǝnana boalo nkila na.”

Markus 12:41

Yesu na aɓa Ndàmǝgule mala Ɓakuli, do nǝ ban mana à kǝ turki boalo kam ngga. Mǝsǝì ueo arǝ ɓwapǝndǝa mǝnana kǝ turki boalo aɓa kwar ak boalo ka. Amǝkume pas turki aboalo kpǝm.

Markus 12:43

Yesu tunǝ alaggana male abani, sǝ nea wia ama, “Ən nggǝ na wun ɓafo, mǝnia yì man-lú mǝtǝr man ngga, nda tur gir mana kuti ban kat aɓa kwar ak boalo ka.

Luka 20:19

Amalǝm Nggurcau mala Musa andǝ agbani Pǝris alta njargula mǝnana à nǝ̀ bwali nǝi tsuk-tsuk ka, acemǝnana à sǝlǝna ama mǝnia yì kanicau ka nda a rǝia. Sǝa ma ɓangciu kǝ pakkia wia arǝ aɓwana.

Luka 21:1

Lang Yesu loasǝ mǝsǝì ka, sǝn amǝ kume à nda rǝ turki aɓoro malea aɓa akwati boalo mǝnana aɓa Ndàmǝgule mala Ɓakuli ka.

Yohana 10:39

Nyar ɗǝm ngga, à ɓariki ama à nǝ̀ bwal Yesu, kara puri ɓabuia.

Yohana 2:4

Pǝlǝa Yesu eari wi ama, “Nnâ, palang sǝ a oasǝam aɓa ce? Bu-pwari mala lǝmndǝrǝu mem malaká karǝ peatu ɗang.”

Yohana 7:14

Lang à warina ɗār aɓa Lamsan, à gauwuni a tsuru ka, Yesu kutio aɓa Ndàmǝgule mala Ɓakuli, pǝlǝa tita kani aɓwana gir.

Yohana 7:30

Lang Yesu bangŋǝna cau man anggo ka, aɓwana-mǝgule mala amǝ Yahudi ɓariki ama à nǝ̀ bwali, sǝ kǝɓwa tsǝk bu a rǝì ɗang, acemǝnana pwari male malaká pak ɗang.

Yohana 7:44

Aɓea aɓwana ka eare malea ka à nǝ̀ bwal Yesu, sǝ kǝɓwa gandǝ tsǝk bu a rǝì ɗang.

Yohana 7:8

Wu kyane. Mim ngga pà mǝ nǝ ká ado ɗang, acemǝnana pwari mem malaká karǝ ɗang.”

Yohana 8:2

Ban fana nǝ tadǝmbari ka, nyare wario a Ndàmǝgule mala Ɓakuli. Sǝ ɓwapǝndǝa yiu rambǝa abani, pǝlǝa do tita kania wia gir.

Yohana 8:59

À nǝ̀ ok mǝno yì cau ka, kara à pwan atali ama à nǝ̀ ɓukki, sǝ Yesu gbar rǝì, pǝlǝa puro nying Ndàmǝgule mala Ɓakuli.