Yohana 8:15 - Maləmce Məfele mala Ɓakuli: Kurcau Məbəshe

¹⁵ Wu kǝ pak ɓashi aɓa nggūrǝu, sǝ mim ngga ǝn nggǝ ɓashi kǝɓwa ɗang.

Yohana 8:15 ပူးပေါင်းရင်းမြစ်များ

Luka 12:14

Yesu pǝlǝi wi ama, “Ɓwabura, yana ciem mǝɓashi ko mǝgaugir anre wun?”

Yohana 12:47

Ɓwa mǝnana kat ok kanigir mem, sǝ kpate raka, mǝ nda mǝ nǝ ɓashi wi ka ɗang. Pa ace ɓashi sǝ ǝn yiu a ɓanza ɗang, ǝn yiu ace amsǝ ɓanza.

Yohana 18:36

Yesu eare ama, “Domurǝm mem ngga mala ɓanza mǝnia na ɗang. Ɓǝ̀ pǝlǝ ama mala ɓanza man na ka, ɓǝ́ amǝkpatam nǝ̀ munǝo acem, à pà nǝ̀ eari aɓwana-mǝgule mala amǝ Yahudi ɓǝà bwalam ɗang. Awo, domurǝm mem ngga mala ɓanza man na ɗang.”

Yohana 3:17

Ɓakuli tasǝ Muni ɓǝ̀ yì ɓashì ɓanza ɗang, tasǝì ɓǝ̀ yì amsǝ ɓanza.

Yohana 7:24

Wu kǝa wu pak ɓashi ace sǝn ɓamǝsǝu ɗang. Wu pak ɓashi amur gir mǝnana mǝsǝcau na ka.”

Yohana 8:11

Pǝlǝa eare ama, “Awo, Ɓwamǝgule, kǝɓwa pà kàm ɗang.” Yesu banggi wi ama, “Nggearǝ mim gbal ka ǝn kasǝo ɓashi-lú ɗang. Kyane, sǝ kǝa pak cauɓikea ɗǝm ɗang.”]

Amǝ Roma 2:1

We ka, a kǝ twali ama a nǝ́ pakki amǝno yì aɓwana ka ɓashi, sǝ a nda kǝla yia nǝ ɓealɓikea, a panǝ kun nacau ɗang! Ɓǝ̀ we ka a na ama yia ka amǝ'ɓealɓikea na ɓǝa pea wia tanni ka, a ndaban pakki ɓamuro ɓashi, acemǝnana we mana a kǝ ɓashi aɓea ɓwana ka, kǝ àkǝ̀ gir nì na gbal a pakkiyi ka.

1 Amǝ Korinti 2:15

Sǝ ɓwa mǝnana kat ndanǝ Bangŋo mala Ɓakuli ka, dumǝna ama nǝ̀ gandǝ gakita mǝɓoarne andǝ mǝɓane mala koya gir, sǝ kǝɓwa pà kàm nǝ̀ ɓashi wi ɗang.

2 Amǝ Korinti 5:16

Ace mani ka, twal adyan aban ká dǝmbǝa ka, sǝm nggǝ sǝn ɓwapǝndǝa ɗǝm nǝ sǝne mala ɓanza aɓa nggurǝu ɗang. Kat andǝ amani ama ɗiɗyal ka, sǝm twal Kǝrǝsti aɓa sǝne mala nggūrǝu ka, adyan ngga, anggo sǝ sǝm twali ɗang.

Jemis 2:4

Ɓǝ̀ wu pa anggo ka, wu lǝmndǝ ma tàrban aɓalǝ wun re? Sǝ ɗǝm ngga ɓǝ̀ wu pa anggo ka, wu pa aban lǝmndǝ ama wu nda ban ɓashi arǝ wun nǝ ɓabum mǝɓike re?