Yohana 7:6 - Maləmce Məfele mala Ɓakuli: Kurcau Məbəshe

⁶ Pǝlǝa Yesu nea wia ama, “Pwari mem mǝnana mǝ nǝ pur nǝi a banfana ka, malaká karǝ peatu ɗang, sǝ ma'wun ngga koya pwari ka ma'wun na.

Yohana 7:6 ပူးပေါင်းရင်းမြစ်များ

Matiu 26:18

Pǝlǝa nea wia ama, “Wu kya ɓa nggeala aban ɓeɓwa na kam, wu ne wi ama, ‘Malǝm ama pwari mana Ɓakuli tsǝki wi ka gbashina, nǝ̀ li girlina Lamsan Yalimuru a ɓala mo andǝ alaggana male.’ ”

Yohana 13:1

Ué bǝti à nǝ̀ tita Lamsan Yalimuru, sǝ Yesu sǝlǝna ama bu-pwari male yina mǝnana nǝ̀ nying ɓanza nǝ̀ o aban Tarrí ka. Yì ka, earnace aɓwana male mǝnana à nda a ɓanza man ngga, sǝ ado ka lǝmndǝia wia earcearǝu mǝnana malkiyi raka.

Yohana 17:1

Anzǝm mǝnana Yesu malǝna naki acau mǝnia ka, pǝlǝa loasǝ mǝsǝì a kuli, sǝ pak hiwi ama: Dâ, adyan ngga bu-pwarî yina. Gusǝlǝ Munio ace mǝnana ɓǝ̀ Munio po gulo mo ka.

Yohana 2:4

Pǝlǝa Yesu eari wi ama, “Nnâ, palang sǝ a oasǝam aɓa ce? Bu-pwari mala lǝmndǝrǝu mem malaká karǝ peatu ɗang.”

Yohana 7:30

Lang Yesu bangŋǝna cau man anggo ka, aɓwana-mǝgule mala amǝ Yahudi ɓariki ama à nǝ̀ bwali, sǝ kǝɓwa tsǝk bu a rǝì ɗang, acemǝnana pwari male malaká pak ɗang.

Yohana 7:8

Wu kyane. Mim ngga pà mǝ nǝ ká ado ɗang, acemǝnana pwari mem malaká karǝ ɗang.”

Yohana 8:20

Yesu naki amǝnia yì acau ka mǝnana nda rǝ kanigir a buban mǝnana à kǝ tsǝk boalo kam andǝ agir mǝɓoarne aɓa Ndàmǝgule mala Ɓakuli ka. Sǝ kǝɓwa bwali ɗang, acemǝnana pwari male malaká karǝ ɗang.

Amǝ Mishan 1:7

Pǝlǝa Yesu banggia wia ama, “Kǝ Tárram na nǝmurǝì mǝnana ndanǝ rǝcandǝa mala tsǝk amǝno yì apwari andǝ abaku ka, sǝ à pa ace wun ɓǝ̀ wu surǝia ka ɗang.