Yohana 7:4 - Maləmce Məfele mala Ɓakuli: Kurcau Məbəshe

⁴ Kǝɓwa pà kàm mǝnana kǝ earce ɓǝ̀ aɓwana surǝì, sǝ nǝ̀ nggǝ pakki aturo aɓa sǝmbǝrǝa ka ɗang. Sǝ acemǝnana a kǝ pakki amǝnia yì agir ka, puro lǝmndǝ rǝo ɓǝ̀ ɓanza surǝo.”

Yohana 7:4 ပူးပေါင်းရင်းမြစ်များ

Matiu 23:5

Ko man à kǝ pak le ka à kǝ lǝmndǝki ɓǝ̀ aɓwana sǝni. Pak ka amuna-luru malea mala tsǝk amǝ'mbu-malǝmce mala cau mala Ɓakuli ka à kǝ pea ɓǝa tanggî mala acili aɓwana sǝ à nǝ̀ kurkia a kundǝmbǝia andǝ amelbuia. Ankonggur kun adaura malea ka amǝsake na.

Matiu 4:6

sǝ ne wi ama, “Ɓǝ̀ a nda Muna mala Ɓakuli ka ta zurro a nzali! Acemǝnana à gilǝ aɓa Malǝmce mala Ɓakuli ama, “ ‘Ɓakuli nǝ̀ tsǝk amǝturonjar male ɓǝ̀a tsǝkiro. À nǝ̀ eo a ɓabuia, ace mǝnana wu kǝa tul kusǝo arǝ tali raka.’ ”

Matiu 6:16

Ɓǝ̀ a nǝ gilmur ka, ce a kur ɓamǝsǝo kǝla pé mala amǝ'kunɓarina ɗang. Pak ka à kǝ kiɗiki ɓamǝsǝia ace mǝnana ɓǝa lǝmndǝì aɓwana ama à ndarǝ gilmur ka. Ən nggǝ na wun mǝsǝcau à angŋa dǝmbǝa à kumǝna tangnakusǝia.

Matiu 6:5

Ɓǝ̀ wu nǝ̀ pak hiwi ka, wu kǝa pe a pě mala amǝ'kunɓarina ɗang, mǝnana à kǝ earce camnggi aɓalǝ andakpapi andǝ agauwata anjarɓala sǝ à nǝ̀ pak hiwi, ace mǝnana ɓǝ̀ aɓwana sǝnia ka. Ən nggǝ bangga wun mǝsǝcau à angŋǝna dǝmbǝa à kumǝna tangnakusǝia.

Luka 6:45

Ɓwa mǝɓoarne ka, mǝɓoarne mǝnana lumsǝ ɓabumi ka, nda kǝ puro a kuni ka. Sǝ ɓwa mǝɓane ka kǝ pusǝ mǝɓane mǝnana lumsǝ ɓabumi ka. Gir mǝnana lumsǝ ɓabum ɓwa ka, nda kǝ pur a kuni ka.

Yohana 18:20

Yesu banggi wi ama, “Acau mem ngga ǝn nea bwāng a ɓadǝm ɓwapǝndǝa kat. Sǝ ko aya pwari ka mǝ ndaban kanigir arǝ ndakpapi andǝ Ndàmǝgule mala Ɓakuli, ban rambǝa mala amǝ Yahudi. Ən na kǝ cau aɓa sǝmbǝrǝa ɗang.

Yohana 7:3

amǝ'eam Yesu ne wi ama, “Kyane a bu-nzali Yahudi, ace mǝnana ɓǝ̀ alaggana mo ɓǝa kya sǝn agir-ndali mǝnana a kǝ pea ka.

Yohana 7:5

Nggearǝ amǝ'eam Yesu nǝ ɓamuria ka, à earnǝi à paɓamuria abani ɗang.