Yohana 7:39 - Maləmce Məfele mala Ɓakuli: Kurcau Məbəshe

³⁹ Yesu naban na cau amur kǝ Bangŋo mǝnana aɓwana mana à pà ɓamuria abani ka, à nǝ̀ ngga kum ngga. Sǝ a pwari mǝno gbal anggo ka à malaká pà Bangŋo ni ɗang, acemǝnana Yesu malaká loapi ɓembe kutia aɓa gulo male peatu raka.

Yohana 7:39 ပူးပေါင်းရင်းမြစ်များ

Matiu 16:14

Sǝ à pa eare ama, “Aɓea aɓwana kǝ na ama a nda Yohana Mǝbatisǝma; aɓea ka à kǝ na ama, Iliya; sǝ aɓea gbal ka ama Irmya ko mwashat aɓalǝ amǝ'ɓangna mala Ɓakuli.”

Matiu 21:11

Aɓwabunda ear ama, “Mǝnia ka Yesu na, Mǝɓangna mala Ɓakuli mǝnana pur a Nazarat, a bu-nzali Galili ka.”

Luka 24:49

Ado ka, mǝ nǝ tasǝa wun Bangŋo Mǝfele mǝnana Tárram bangŋa ama nǝ̀ pa wun ngga. Sǝa ma wu nǝ̀ kundǝo a Urǝshalima, she ɓǝ̀ rǝcandǝa mǝnana pur nǝ kuli sulǝna amur wun ngga.”

Luka 3:16

Pǝlǝa Yohana earia wia kat ama, “Ən nggǝ pakka wun batisǝma nǝ mur. Sǝ ɓeɓwa nakam kutiam nǝ gulo, nda nǝ̀ yiu ka. Anggur-nkura male ka, ǝn kārǝa mǝ nǝ panzǝia ɗang. Yì ka, nǝ̀ yia pakka wun batisǝma nǝ Bangŋo Mǝfele andǝ bǝsa.

Luka 7:16

Ko yan ngga gir nî karmuri, pǝlǝa à ɓwangsǝ Ɓakuli, à kǝ na ama, “Ɓe mǝɓangna mǝgule pusǝna rǝì aban sǝm. Ɓakuli yina ace amsǝ aɓwana male!”

Yohana 1:21

À ɗi ama, “Sǝ we ka a nda yana? A nda Iliya le?” Yohana earia wia ama, “Awo, mǝ nda yì ɗang.” Sǝ à ɗi ama, “A nda mǝɓangna mala Ɓakuli mǝnana sǝm nggǝ kundǝmuri ka le?” Earia wia ama, “Awo.”

Yohana 1:25

à ɗi Yohana ama, “Sǝ ɓǝ̀ a nda Kǝrǝsti, ko Iliya, ko mǝno yì mǝɓangna mala Ɓakuli raka, palang sǝ a kǝ pakki aɓwana batisǝma?”

Yohana 1:33

Ɓǝ́ pà mǝ nǝ surǝì ɗang, ɓǝ̀ Ɓakuli mǝnana tasǝam ama ɓǝn yi pakki aɓwana batisǝma nǝ múr ka na nam raka. Nam ama, ‘Ɓwa mǝnana a sǝni Bangŋo mem sulǝo yi do amuri ka, nda ɓwa mǝnana nǝ̀ pakki aɓwana batisǝma nǝ Bangŋo Mǝfele ka.’

Yohana 12:16

A dǝmbe ka alaggana mala Yesu bwalta amǝnia yì agir ka ama lumsǝo mala ɓangna na ɗang. Anzǝm mǝnana Ɓakuli loasǝna Yesu nǝ yilǝmu a ɓembe, sǝ Yesu kutina aɓa ɓoarɓwa male ka, nda sǝ ɓalǝia kasǝna arǝ gir mǝnana kumban ngga, sǝ à yì sǝlǝ ama agir mǝnia kat ka, à nda kam à gilǝe amur Kǝrǝsti aɓa Malǝmce.

Yohana 12:23

Yesu nyesǝia wia ama: Ado ka pwarî yina, yì mǝnana Ɓakuli nǝ̀ lǝmndǝ gulo mala Muna mala Ɓwa ka.

Yohana 14:13

Sǝ mǝ nǝ pak gir mǝnana kat wu zǝmbǝa aɓa lullǝam ngga, acemǝnana Muna ka ɓǝ̀ yinì Tarrí nǝ gulo.

Yohana 14:26

Sǝ Mǝ pa wun gbasha, yì Bangŋo Mǝfele, mǝnana Tárram nǝ̀ tasǝi aɓa lullǝam ngga, nǝ̀ yia kania wun agirbunda kat, sǝ nǝ̀ kasǝ ɓalǝ wun arǝ agir mǝnana kat, ǝn bangga wun ngga.

Yohana 16:14

Yì ka, nǝ̀ yinǝam nǝ gulo, acemǝnana nǝ̀ twal cau mana ǝn ne ka sǝ nǝ̀ mǝnggia wun ɓalǝi.

Yohana 16:7

Sǝ aɓa mǝsǝcau ka, o mem ngga nda ace ɓoaro ma'wun. Ɓǝn u raka, Ɓwa mǝnana nǝ̀ kwarkir wun, yì Bangŋo mala Ɓakuli ka, pà nǝ̀ yiu ɗang. Sǝ ɓǝn u ka, mǝ nǝ ngga tasǝi ɓǝ̀ yiu aban wun.

Yohana 17:1

Anzǝm mǝnana Yesu malǝna naki acau mǝnia ka, pǝlǝa loasǝ mǝsǝì a kuli, sǝ pak hiwi ama: Dâ, adyan ngga bu-pwarî yina. Gusǝlǝ Munio ace mǝnana ɓǝ̀ Munio po gulo mo ka.

Yohana 17:5

Sǝ ado ka, Dâ, nyesǝam gulo a ɓadǝmbǝo, gulo mǝnana mǝ ndanǝi sǝnǝ we ɗiɗyal sǝ a yi pusǝ ɓanza ka.

Yohana 20:22

Pǝlǝa pyaupia wia lin'ueo amuria sǝ na ama, “Wu ak Bangŋo Mǝfele.

Yohana 6:14

Lang aɓwana mǝno nǝ sǝn gir'gyambǝliban mǝnana Yesu pe ka, à na ama, “Mǝsǝcau, mǝnia yì ɓwa ka nda mǝɓangna mala Ɓakuli mǝnana sǝm kundǝkiyi yiu male a ɓanza ka!”

Yohana 7:12

Aɓwabunda kǝ na cau nggùr-nggùr amur Yesu. Aɓea ɓwana ama, “Yì ka, ɓwa mǝɓoarne na.” Sǝ aɓea ɓwana gbal ka ama, “Awo, yì ka, mǝswarkiban na.”

Yohana 8:54

Yesu earia wia ama, “Ɓǝ̀ ǝn pe ɓamuram gulo ka, gulê pà a kun kǝgir ɗang. Sǝ Tárram mǝnana wu twali ama nda Ɓakuli ma'wun ngga, nda mǝnana pākiyam gulo ka.

Amǝ Mishan 19:2

sǝ ɗia ama, “Mǝnana wu pǝlǝ amǝ kpata Yesu ka, wu angŋǝna Bangŋo Mǝfele le?” À pe wi eare ama, “Awo, yale sǝm malaká ok ama Bangŋo Mǝfele nakam ɗang.”

Amǝ Mishan 2:17

“Ɓakuli bangŋa ama, a masǝlǝata apwari ka, Mǝ nǝ sulǝ Bangŋo mem amur ɓwapǝndǝa kat. Amuna-burana andǝ amuna- mamǝna ma'wun, à nǝ̀ na gì Ɓakuli. Alaggana ma'wun nǝ̀ sǝn sǝna aɓa bangŋo, sǝ aɓwana-mǝgule nǝ̀ lorǝ alorǝo.

Amǝ Mishan 2:33

Ado ka à loasǝni, à tsǝngŋǝni a buno-gulo a bu-mǝli mala Ɓakuli Tarrí. Sǝ Ɓakuli pani wi Bangŋo Mǝfele, kǝla mǝnana bangŋa ama nǝ̀ pà ka. Gir mǝnana ado wu sǝna sǝ wu ok ka, nda ɓoro male mǝnana yi soapa sǝm amur ngga.

Amǝ Mishan 2:38

Pǝlǝa Bitǝrus earia wia ama, “Koyan aɓalǝ wun ngga, ɓǝ̀ pwanzali ɓǝ̀ vwaki bui arǝ cauɓikea. Ɓǝa pakki wi batisǝma aɓa lullǝ Yesu Kǝrǝsti, ace mǝnana ɓǝ̀ Ɓakuli twala wun ban acauɓikea ma'wun, sǝ wu nǝ̀ kum ɓoro mala Bangŋo Mǝfele.

Amǝ Mishan 2:4

Aɓwana mǝnana kat abanì ka, à lumsǝia nǝ Bangŋo Mǝfele, sǝ à tita na cau nǝ aɓea kún ɗàngɗáng, mǝnana Bangŋo Mǝfele pea wia rǝcandǝa mala ne ka.

Amǝ Mishan 3:13

Ɓakuli mala Ibǝrayim, andǝ Ishaku andǝ Yakupu, Ɓakuli mala aká sǝm, nda pe guro male yì Yesu gulo nǝ mǝnia yì gir ka. Sǝ wun ngga wu nǝ̀ twali sǝ wu pea aɓwana ɓǝa wali. Wu ɓinǝkì a ɓadǝm Bilatus, anzǝm mǝnana yì ka, earǝna ama nǝ̀ panzǝi ɓǝ̀ o ka.

Amǝ Mishan 4:31

Lang à nǝ̀ mal pak hiwi ani ka, kara ban mǝnana à ram nggam ngga dǝurǝkio. Sǝ yia kat ka, à lumsǝ nǝ Bangŋo Mǝfele, sǝ à hamnǝ cau mala Ɓakuli nǝ ɓabumcandǝa.

Amǝ Roma 8:9

Sǝ wun ngga, nggūrǝu mala cauɓikea na ginggi nǝ wun ngga ɗang, Bangŋo na, ɓǝ̀ Bangŋo mala Ɓakuli na dukiyi a ɓabum wun ngga. Ɓwa mǝnana pànǝ Bangŋo mala Kǝrǝsti a ɓabumi raka, ɓwe ka màlà Kǝrǝsti na ɗang.

2 Amǝ Korinti 3:8

Ɓǝ̀ kurcau mǝ'e kum ɓoarɓwa anggo ka, lang sǝ ɓoarɓwa mǝnana à nǝ̀ kumo aɓata kurcau mǝbǝshe ka nǝ̀ pa, ado mǝnana Bangŋo Mǝfele kǝ pa yilǝmu ka?

Amǝ Afisu 4:30

Wu kǝa lul bum Bangŋo Mǝfele mala Ɓakuli ɗang. Wu sǝlǝna ama Bangŋo na kǝ lǝmndǝ ama wu nda ka mala Ɓakuli, sǝ wu nǝ̀ kum auwa a pwari amsǝban ngga.