Yohana 7:37 - Maləmce Məfele mala Ɓakuli: Kurcau Məbəshe

³⁷ A masǝlǝata pwari, mǝnana ndà pwari mǝgule mala Lamsan ngga, Yesu lo came sǝ loasǝ gi kpǝm na ama, “Ɓwa mǝnana kat kǝ ok mǝsamur ka ɓǝ̀ yiu abanam ɓǝ̀ yi nu.

Yohana 7:37 ပူးပေါင်းရင်းမြစ်များ

Matiu 11:28

Wu yiu abanam, wun kat mǝnana wu kǝ tanni sǝ twalo dǝmbǝrya wun ngga, mǝ nǝ pà wun usǝlǝo.

Matiu 3:3

Yohana Mǝbatisǝma ka nda ɓwa mǝnana Ishaya mǝɓangna mala Ɓakuli bang ce ama: “Ɓe ɓwa kǝ hama nǝ giu mǝcande a ɓabondo kǝ na ama, ‘Wu gilǝki tanjar mala Mǝtalabangŋo. Wu tamsǝ anjarkusǝu ace pǝrapǝra.’ ”

Matiu 5:6

Aɓwana mǝnana à dum nǝ nzala andǝ mǝsamur mala cauɓoarna a bumia ka, à ndanǝ tsǝkbu mala Ɓakuli, acemǝnana à nǝ̀ kum ɗǝmsǝban.

Yohana 1:23

Yohana earia wia nǝ cau mala Ishaya mǝɓangna mala Ɓakuli ama, “Mǝ nda gìu mǝnana kǝ hama a ɓabondo ka, ama, ‘Wu tsǝk njargula ɓǝ cam kporong ace Mǝtalabangŋo.’ ”

Yohana 14:6

Yesu eari wi ama, “Mǝ nda njargula, Mǝ nda mǝsǝcau, sǝ Mǝ nda yilǝmu; kǝɓwa pà nǝ̀ ká aban Ɓakuli Tarrû ɗang she nǝ banam.

Yohana 4:10

Yesu eari wi ama, “Ɓǝ̀ a surǝna rǝ ɓoro mǝnana Ɓakuli ndanǝi aceo, andǝ ɓwa mǝnana zǝmnggiyio mùr nuna ka, ɓǝ a zǝmni wi mùr mǝnana pākiyi yilǝmu ka, sǝ yì ka, nǝ̀ po.”

Yohana 4:11

Mɓwame na ama, “Ɓwamǝgule, a panǝ gir nun mur ɗang sǝ tūli ka mǝlime na. Ake sǝ a nǝ kum mǝnia yì mur mǝnana kǝ pa yilǝmu ka?

Yohana 4:14

Sǝ ɓwa mana kat nǝ̀ nu mùr mǝnana mǝ nǝ pe wi ka, pà nǝ̀ ok mǝsamur ɗǝm ɗang. Mùr mǝnana mǝ nǝ pe wi ka, nǝ̀ duk mgbeaɗe mùr a bumi mana nǝ̀ nggǝ pe wi yilǝmu mǝnana te pà nǝ̀ mal raka.”

Yohana 5:40

Kat andǝ amani ka, wu ɓinǝ yiu a banam ace kum yilǝmu.

Yohana 6:35

Pǝlǝa Yesu bangŋa ama: “Mǝ nda girlina mala yilǝmu. Ɓwa mǝnana kat yiu abanam ngga pà nǝ̀ ok nzala ɗǝm ɗang, sǝ ɓwa mǝnana kat pàɓamuri abanam ngga pà nǝ̀ ok mǝsamur ɗang ko bǝti.

Yohana 6:37

Ɓwa mǝnana kat Tárram pam ngga nǝ̀ yiu abanam, sǝ ɓwa mǝnana kat yiu abanam ngga pà mǝ nǝ ɓínǝì ɗang.

Yohana 6:55

Acemǝnana nyam nggūrǝam ngga girlina mǝ'mǝsǝcau nì na, sǝ nkilem ngga gir nuna mǝ'mǝsǝcau nì na.

Yohana 7:28

Mǝnana Yesu na ban kanigir aɓa Ndàmǝgule mala Ɓakuli ka, loasǝ gi kpǝm na ama, “Kàngkàng wu surǝam andǝ ban mǝnana ǝn pur kam ngga? Mim ngga ǝn yiu ace cau mala ɓamuram ɗang. Tárram mǝnana tasǝam ngga mǝ'mǝsǝcau na. Wun ngga wu surǝì ɗang.

1 Amǝ Korinti 10:21

A pà nǝ nu kwap mala Mǝtalabangŋo sǝ a nǝ ngga nu kwap mala akukwar ɗǝm ɗang; sǝ a pà nǝ li aɓa kwár mala Mǝtalabangŋo sǝ a nǝ ngga li aɓa kwár mala akukwar gbal ɗang.

1 Amǝ Korinti 10:4

sǝ yia kat ka, à nu mur mǝ'mwashati mǝnana Ɓakuli pea wia ka. À nu mur mǝnana Ɓakuli pusǝia wia aɓa tali ka, sǝ mǝno yì Tali ka, nda Kǝrǝsti mǝnana giggiyi atea ka.

1 Amǝ Korinti 11:25

Anggo gbal, anzǝm mǝnana à shangna bǝredi ka, pǝlǝa twal kwap mala mùr ɓǝlanggun anap, sǝ bangŋa ama, “Mǝnia yì kwap ka nda bǝsa kurcau a nre Ɓakuli andǝ aɓwana male, mǝnana à earǝna nǝi nǝ nkilem ngga. Ko aya pwari wu nda aban nue ka, wu pè ace ɗenyi nǝ mim.”

1 Amǝ Korinti 12:13

Sǝm kat ka, à pakka sǝm batisǝma nǝ Bangŋo mǝ'mwashati ɓǝ̀ sǝm duk nggūrǝu mwashat, amǝ Yahudi andǝ aɓwana mǝnana amǝ Yahudi na raka, aguro sǝ aɓwana mǝnana aguro na raka. Sǝ sǝm kat ka, à tsǝa sǝm nu aɓa Bangŋo mǝ'mwashati.

Amǝ Afisu 5:18

Wu kǝa wal-walo mùr-anap ɗang, acemǝnana nǝ̀ ká nǝ wun a do kiɗìkì. Wu lumsǝ nǝ Bangŋo mala Ɓakuli akuni.

Sǝna 21:6

Ɗǝm ngga nam ama: Ko man kat ka à malǝna pě. Mǝ nda Tite, sǝ mǝ nda Masǝlǝate. Ɓwa mǝnana kat mǝsamur wali ka, mǝ nǝ pe wi mùr ɓǝ̀ nu, aɓa mgbeaɗe mur mala yilǝmu, pà nǝ̀ mbwe kǝgir ɗang.

Sǝna 22:1

Ɗǝm ngga mǝturonjar lǝmndǝam nggeasala mala mùr pa yilǝmu. Mur nî kwar gǝraɗau kǝla kǝrstal. Kǝ ɓun aban bunomurǝm mala Ɓakuli andǝ mala Mǝgam sǝ kǝ ɓangŋa.

Sǝna 22:17

Bangŋo mala Ɓakuli andǝ Manfela, à kǝ na ama, “Yiu!” Ɓwa mǝnana kat ok mǝnia yì cau ka, ɓǝ̀ na ama “Yiu!” Ɓǝ̀ mǝsamur wal kǝɓwa ka, ɓǝ̀ yiu! Ɓwa mǝnana earce ka, ɓǝ̀ yi nu mur yilǝmu ɓà.