Yohana 7:33 - Maləmce Məfele mala Ɓakuli: Kurcau Məbəshe

³³ Yesu nea wia ama, “Mǝ ndakani ado ata wun zuku, sǝ mǝ nǝ nyare mǝ nǝ o aban Tárram mǝnana tasǝam ngga.

Yohana 7:33 ပူးပေါင်းရင်းမြစ်များ

Markus 16:19

Anzǝm mǝnana Mǝtalabangŋo Yesu nania cau ka, kara à twali à um nǝi a kuli, kya do a bu-mǝli mala Ɓakuli.

Yohana 13:1

Ué bǝti à nǝ̀ tita Lamsan Yalimuru, sǝ Yesu sǝlǝna ama bu-pwari male yina mǝnana nǝ̀ nying ɓanza nǝ̀ o aban Tarrí ka. Yì ka, earnace aɓwana male mǝnana à nda a ɓanza man ngga, sǝ ado ka lǝmndǝia wia earcearǝu mǝnana malkiyi raka.

Yohana 13:3

Yesu sǝlǝna ama Ɓakuli Tarrû pani wi rǝcandǝa amur agir kat, sǝ sǝlǝna gbal ama pur nǝban Ɓakuli, sǝ ndo nǝ̀ nyare nǝ̀ o abani ka.

Yohana 13:33

Wun amunem, mǝ nda mǝ nǝ do ata wun zuku. Wu nǝ̀ altam, sǝ kǝla mǝnana ǝn banggi aɓwana-mǝgule mala amǝ Yahudi ka, ban mǝnana ǝn kákiyi kam ngga, pa wu nǝ̀ gandǝ ká kam ɗang.

Yohana 14:12

Mǝ nda ban bangga wun mǝsǝcau, ɓwa mǝnana pà ɓamuri abanam ngga, nǝ̀ pak agir-ndali kǝla amǝnana ǝn pea ka. Yale nǝ̀ pakki agir mǝgulke mǝnana à kuti amǝnana ǝn pea ka, acemǝnana mǝ ndo mǝ nǝ o aban Tárram.

Yohana 14:19

Banì pà nǝ̀ sau ɗang, ɓanza pà nǝ̀ sǝnam ɗǝm ɗang, sǝ wun ngga wu nǝ̀ sǝnam. Sǝ acemǝnana mǝ ndanǝ yilǝmu ka, wun gbal ka wu nǝ̀ dum nǝ yilǝmu.

Yohana 14:28

Wu ɗenyi nǝ cau mǝnana ǝn bangga wun ama, mǝ nǝ o, sǝ mǝ ngga nyar aban wun ɗǝm ngga. Ɓǝ̀ mǝsǝcau wu earǝna cem ngga, ban nǝ̀ ɓoara wun ace o mem aban Tárram, mǝnana kutiam nǝ gulo ka.

Yohana 16:10

Nǝ̀ lǝmndǝìa wia ɓwarkio malea amur gir mana nda pepè a njari ka, acemǝnana mǝ ndo mǝ nǝ nyare mǝ nǝ o aban Tárram, sǝ pà wu nǝ̀ sǝnam ɗǝm.

Yohana 16:28

Ən pur aban Tárram sǝ ǝn yiu a ɓanza, sǝ ado ka, mǝ ndo mǝ nǝ nying ɓanza mǝ nǝ nyar aban Tárram.

Yohana 16:5

Ado ka, mǝ ndo mǝ nǝ nyare aban Tárram mǝnana tasǝam ngga, sǝ kǝɓwa aɓalǝ wun ɗiem ban mǝnana mǝ nǝ ká kam ngga ɗang.

Yohana 17:11

Ado ka mǝ ndo mǝ nǝ nying ɓanza, mǝ nǝ nyare abano, sǝ yia ka à ndakani a ɓanza piu. Dâ Ɓakuli Mǝfele! Yalia, nǝ rǝcandǝa mala lullǝo mǝnana a pam ngga, acemǝnana yia ka ɓǝa duk mwashat kǝla mǝnana sǝm nda mwashat sǝnǝ we ka.

Yohana 17:13

Adyan ngga mǝ ndya ǝn nggǝ ká abano ka. Ən nggǝ banggia wia amǝnia yia cau mǝnana mǝ ndakani piu amǝnia yì ɓanza ka, acemǝnana ɓǝa lumsǝ nǝ bumpwasǝa mem.

Yohana 20:17

Yesu ne wi ama, “Ce a kúr a rǝam ɗang, acemǝnana ǝn malaká nyar aban Tárram a kuli peatu ɗang. Ado ka, kyane aban amǝ'eambǝam, alaggana mem, kya banggia wia ama, Mǝ ndo mǝ nǝ nyare aban Tárram, mǝnana nda Tárria ka, aban Ɓakuli mem, mǝnana nda Ɓakuli malea ka.”

Yohana 9:4

Ado mǝnana pwari nakam ngga, dumǝna púp sǝm nǝ̀ pak turo mala Tárram mǝnana tasǝam ngga. Dù na kǝ yiu ka, mǝnana kǝɓwa pà nǝ̀ pak turo raka.