Yohana 7:31 - Maləmce Məfele mala Ɓakuli: Kurcau Məbəshe

³¹ Sǝ aɓa mǝno anggo kat ka aɓwana pas aɓalǝ aɓwana mǝnana à ram ngga à pà ɓamuria aban Yesu. À kǝ na ama, “Ɓǝ̀ Kǝrǝsti, yì ɓwa mǝnana Ɓakuli tarrì, yiu ka, nǝ̀ yia pakki agir-ndǝlǝki mǝnana à kuti mana mǝnia yì ɓwa ka pakkia ka le?”

Yohana 7:31 ပူးပေါင်းရင်းမြစ်များ

Matiu 12:23

Ɓwabunda kat ndali sǝ à na ama, “Ɓwa mǝnia ka ko nda Muna mala Dauda, Mǝ'amsǝban mǝnana sǝm kundǝkiyi yiu male ka le?”

Luka 8:13

Amǝnana amur tali ka, à ndaka aɓwana mǝnana à ok cau ka, à é nǝ bumpwasǝa, sǝ cau kum kutio a ɓabumia ɗang. Paɓamuru malea ka banì sau ɗang, pwari karǝkiban yiu ka kara à kpa.

Yohana 11:45

Pas ata aɓwana mǝnana à yiua makki Maryamu kun, sǝ à sǝn gir mǝnia Yesu pe ka, à pà ɓamuria abani.

Yohana 12:11

acemǝnana nda ace loasǝe nǝ yilǝmu a ɓembe sǝ pas aɓalǝ amǝ Yahudi kǝ ginǝkia, sǝ à kǝ pa ɓamuria aban Yesu.

Yohana 12:42

Kat andǝ amani ama pas ata aɓwana-mǝgule mala amǝ Yahudi, pà ɓamuria aban Yesu ka, à bang ce aban aɓwana bwāng ɗang, acemǝnana à kǝ ɓanggi amǝ Farisi ɓǝa kǝa pǝria aɓa ndakpapi ɗang.

Yohana 2:11

Gir'ndǝlǝki mǝnia Yesu pe a Kana, a nzali Galili ka, nda mǝdǝmbe mala agir-ndali male mǝnana lǝmndǝ gulo male ka. Sǝ alaggana male sǝni à pa ɓamuria abani.

Yohana 3:2

Nikodimus yiu aban Yesu nǝ dú, sǝ yi ne wi ama, “Malǝm, sǝm sǝlǝna ama a nda mǝkanigir mǝnana Ɓakuli turi ka. Kǝ ɓwa pà kàm nǝ̀ gandǝ pakki agir-ndǝlǝki mǝnana a pakkiyi ka ɗang, yi mǝnana ɓǝ̀ Ɓakuli pa ate raka.”

Yohana 4:29

“Wu yiu, wu yi sǝn ɓwa mǝnana nam koya gir nani ǝn pa aɓa do mem ngga! Ko ɓwa man nda Kǝrǝsti Mǝ'amsǝban le?”

Yohana 4:39

Amǝ Samariya pas a mǝno yì là ka à pa ɓamuria aban Yesu ata cau mala mɓwama mǝnana banggia wia ama, “Nam koya gir nani ǝn pa aɓa do mem ngga.”

Yohana 6:2

Ɓwabunda mǝlake o ate, acemǝnana à sǝn agir-ndǝlǝki mǝnana twalban rǝkwana ka.

Yohana 7:26

Sǝ ndya came kǝ na cau a banfana ka, sǝ kǝɓwa loasǝ kun a rǝì ɗang. Ko aɓwana-mǝgule ka, à earǝna adyan ama mǝsǝcau yì ka, nda Kǝrǝsti, yì ɓwa mǝnana Ɓakuli tarrì ka le?

Yohana 9:16

Aɓea amǝ Farisi na ama, “Mǝnia yì ɓwa yì Yesu ka, pur nǝ ban Ɓakuli ɗang, acemǝnana gusǝlǝ Sabbat ɗang.” Sǝ aɓea ɓwana ɗiban ama, “Lang sǝ mǝ'cauɓikea nǝ pak a'ulang amǝnia yì agir-ndǝlǝki ka le?” Kara aɗenyicau malea ginggia rǝia ɗàngɗáng.

Amǝ Mishan 8:13

Sǝ Shiman nǝ nggearǝì gbal ka, paɓamuri, pǝlǝa à pakki wi batisǝma. Pǝlǝa yì ka, akrǝi ata Filip, à kǝ gya andǝi a koya ban mǝnana wari kam ngga. Kǝ ndali kǝrkǝr lang sǝn agir-ndǝlǝki andǝ agir-gyambǝliban mǝgulke mǝnana Filip kǝ pea ka.

Jemis 2:26

Kǝla mǝnana dǝɓang'rǝu mǝnana yilǝmu pa a ɓalǝi raka lú na ka, anggo gbal paɓamuru mǝnana kǝ lǝmndǝ rǝì aɓa turo raka lune na.