Yohana 7:28 - Maləmce Məfele mala Ɓakuli: Kurcau Məbəshe

²⁸ Mǝnana Yesu na ban kanigir aɓa Ndàmǝgule mala Ɓakuli ka, loasǝ gi kpǝm na ama, “Kàngkàng wu surǝam andǝ ban mǝnana ǝn pur kam ngga? Mim ngga ǝn yiu ace cau mala ɓamuram ɗang. Tárram mǝnana tasǝam ngga mǝ'mǝsǝcau na. Wun ngga wu surǝì ɗang.

Yohana 7:28 ပူးပေါင်းရင်းမြစ်များ

Matiu 11:27

Tárram Ɓakuli panam agir kat aɓa buam. Kǝ ɓwa surǝam yì Muni ɗang, she kǝ yì Ɓakuli Tárram; sǝ kǝɓwa surǝ Ɓakuli yì Tárram ɗang, she kǝ mim Muni andǝ aɓwana mana ǝn tarkia mǝ nǝ lǝmndǝ Ɓakuli Tárram abania ka.

Matiu 2:23

Nda à wario à kya do a ɓekǝ la mǝnana à tunǝki ama Nazarat ka. Mǝnia ka nda lumsǝ cau mala amǝ'ɓangna mala Ɓakuli mana ama, “À nǝ̀ tunǝi ama ɓwa Nazarat.”

Matiu 26:55

Yesu nê ɓwabunda mǝnana yiua bwale ka ama, “Wu yiu nǝ anggea-byau andǝ agara ace bwalam kǝla mǝ nda mǝyàl-nzongcau? Ko aya pwari ka ǝn nggǝ do aɓa Ndàmǝgule mala Ɓakuli aban kanigir, sǝ wu bwalam ɗang.

Luka 10:22

“Girbunda kat ka Tárram nyingŋǝnam mia a buam. Kǝɓwa surǝ koyan nda Muna ɗang, she kǝ Ɓakuli Tarrû nǝmurǝì, sǝ kǝɓwa pà kàm surǝ koyan nda Tarrû ɗang, she kǝ Muni, andǝ aɓwana mǝnana Muni tarkia ama nǝ̀ lǝmndǝi abania ɓǝa surǝì ka.”

Luka 2:11

Yalung aɓa nggeala mala Dauda ka, à ɓǝlǝ́na wun Mǝ'amsǝban; yì nda Kǝrǝsti Mǝtalabangŋo.

Luka 2:39

Lang Yisǝfu andǝ Maryamu malǝna gir mǝnana kat Nggurcau mala Mǝtalabangŋo kani ka, à nyare a nzali Galili, a la malea a Nazarat.

Luka 2:4

Yisǝfu ka, lo a Nazarat ɓe la a bu-nzali Galili, aban ká a bu-nzali Yahudi, a la mala Dauda mana à tunǝki ama Betalami ka, acemǝnana yì Yisǝfu ka muna lá na, a tau mala Dauda.

Luka 2:51

Pǝlǝa lo atea à nyare aban o a Nazarat. Kǝ okia wia. Sǝ ngge ka bwal amǝnia yì acau ka a ɓabumi.

Yohana 1:46

Nataniyel na ama, “A Nazarat! Kǝ gir mǝɓoarne nǝ̀ pur a Nazarat gbal?” Filip ne wi ama, “Yiu sǝni.”

Yohana 10:36

ace mana sǝ wu twali ama cau ɓǝsǝki Ɓakuli na ǝn na ka, mǝnana ǝn bang nǝma “Mǝ nda Muna mala Ɓakuli,” yì mim mǝnana Ɓakuli taram sǝ tasǝam a ɓanza ka?

Yohana 12:49

Agir mǝnana kat ǝn nggǝ kania ka, à pà aɓa rǝcandǝa mem ɗang, Tárram mǝnana tasǝam ngga, nǝ̀ pam nzongcau arǝ mana ɓǝn na sǝ lang sǝ mǝ nǝ ne.

Yohana 14:10

A ear mbo ama mǝ nda aɓa Tárram, sǝ Tárram ngga nda a ɓalǝam? Acau mǝnana ǝn nggǝ na wun ngga à pur nǝ banam ɗang, Tárram mǝnana dukiyi a ɓalǝam ngga nǝ̀ pakkiyi turo male nǝ mim.

Yohana 14:31

Mǝ nǝ pak gir mǝnana Tárram banggam ɓǝ̀ ǝn pak ka, ace mǝnana ko yan a ɓanza ka ɓǝ̀ sǝlǝ ama ǝn nggǝ earce Tárram. Wu lo, ɓǝ̀ sǝm o.

Yohana 16:3

À nǝ̀ pakka wun amǝnia yì agir ka acemǝnana à malaká surǝ Tárram ɗang, sǝ à malaká surǝam gbal ɗang.

Yohana 17:25

We Dâ Mǝ'cauɓoarna! Ɓanza surǝo ɗang, sǝ mim ngga ǝn surǝo, sǝ amǝnia yì alaggana mem ngga, à sǝlǝna ama a nǝ turam.

Yohana 17:3

Sǝ mǝnia ka nda njar kum yilǝmu mǝnana pà nǝ̀ mal raka, ɓǝa surǝo, kǝ we Ɓakuli Mǝ'mǝsǝcau nì, andǝ Munio Yesu Kǝrǝsti mǝnana a turi aɓa ɓanza ka.

Yohana 3:2

Nikodimus yiu aban Yesu nǝ dú, sǝ yi ne wi ama, “Malǝm, sǝm sǝlǝna ama a nda mǝkanigir mǝnana Ɓakuli turi ka. Kǝ ɓwa pà kàm nǝ̀ gandǝ pakki agir-ndǝlǝki mǝnana a pakkiyi ka ɗang, yi mǝnana ɓǝ̀ Ɓakuli pa ate raka.”

Yohana 3:33

Sǝ ɓwa mǝnana kat ak cau male ka earǝna ama cau mala Ɓakuli ka mǝsǝcau na.

Yohana 5:32

Sǝa ma ɓeɓwa na kam mǝnana kǝ nakunam ngga, sǝ ǝn sǝlǝna ama acau mǝnana nea a muram ngga mǝsǝcau na.

Yohana 5:43

Ən yiu aɓa lullǝ Tárram, sǝ wun ngga wu em ɗang, sǝ ɓǝ̀ ɓeɓwa yiu aɓa rǝcandǝa male ka wu nǝ̀ earnǝi, wu nǝ̀ é.

Yohana 6:42

À bangŋa ama, Yesu ka nda muna mala Yisǝfu, mǝnana à surǝ tarrí andǝ ngge ka. Sǝ palang, adyan sǝ nǝ̀ na ama, sulǝ nǝ kuli?

Yohana 7:14

Lang à warina ɗār aɓa Lamsan, à gauwuni a tsuru ka, Yesu kutio aɓa Ndàmǝgule mala Ɓakuli, pǝlǝa tita kani aɓwana gir.

Yohana 8:14

Sǝ Yesu nea wia ama: Ko ɓǝ̀ ǝn nakun ɓamuram ngga, cau mem ngga à nǝ̀ earnǝi, acemǝnana ǝn surǝna rǝ ban mǝnana ǝn pur kam ngga, sǝ ǝn surǝna rǝ ban mǝnana mǝ nǝ ká kam ngga. Sǝ wun ngga, wu surǝ ban mǝnana ǝn pur kam, andǝ ban mǝnana mǝ nǝ ká kam ngga ɗang.

Yohana 8:16

Sǝ ɓǝa na ama ǝn nggǝ pak ɓashi ka, ɓashi mem ngga mǝsǝcau na, acemǝnana ǝn pa nǝmurǝam ata ɓashi ɗang, Tárram mǝnana tasǝam ngga nda atam.

Yohana 8:19

Sǝ à ɗi ama, “Tarró na ake?” Pǝlǝa Yesu earia wia ama, “Wu surǝam ɗang, sǝ wu surǝ Tárram ɗang. Ɓǝ̀ wu surǝna rǝam ngga, ɓǝ̀ wu surǝna rǝ Tárram gbal.”

Yohana 8:26

Mǝ ndanǝ acau pas amur wun, mǝnana mǝ nǝ ɓashia wun nǝia ka, sǝ pa mǝ nǝ pe ɗang. Tárram mǝnana tasǝam ngga mǝ'mǝsǝcau na, sǝ ǝn nggǝ ne ɓanza gir mǝnana ǝn o a kuni ka.”

Yohana 8:42

Sǝ Yesu nea wia ama: Ɓǝ̀ tar wun nda Ɓakuli ka, wu nǝ̀ earcem, acemǝnana ǝn pur aban Ɓakuli, sǝ ado ka mǝ ndakani. Ən yipi ɓamuram ɗang, Ɓakuli nǝ̀ turam.

Yohana 9:29

Sǝm sǝlǝna ama, Ɓakuli na cau nǝ Musa, sǝ mala ɓwabura mǝno ka, yale sǝm surǝ ban mǝnana pur kam ngga ɗang!”

Amǝ Mishan 17:23

Lang mǝ ndaban gya aɓa la ma'wun ngga, ǝn sǝn aban peri ma'wun pas. Ən sǝn ɓe gyangŋan mana à gilǝ cau kam a rǝì ama, “Mǝnia ka Nda Ace Pagulo Aban Ɓakuli Mana Sǝm Surǝì Raka.” Ado ka, mǝno yì Ɓakuli wu kpakiyi ate sǝ wu surǝì raka, nda mǝnana mǝ nǝ na wun cau amuri ka.

Amǝ Roma 1:28

Acemǝnana amǝno yì aɓwana ka à ɓinǝ pak turo nǝ sǝlǝe mala Ɓakuli ka, Ɓakuli nyia gbal andǝ aɗenyicau mǝɓane malea, ɗekia ɓǝa pakkia agir mǝnana ɓoaro ɓǝa pea raka.

Amǝ Roma 3:4

Ko bǝti! Sǝ ɓǝ̀ koyan ngga mǝ'nyir na ka, Ɓakuli ka mǝ'mǝsǝcau na. Kǝla mǝnana Malǝmce bang ngga: “À nǝ̀ kumo nǝ mǝsǝcau, aɓa cau mana a na ka, sǝ ɓǝa wulio ka, a nǝ li ɓashi.”

2 Amǝ Korinti 1:18

Kǝla mǝnana Ɓakuli nggaɗikiyi bumi arǝ cau male raka, cau mem aban wun ngga, “E” andǝ “Awo” na a tarǝia ɗang.

2 Amǝ Korinti 4:6

Ɓakuli mǝnana na ama, “Ɓǝ̀ tǎlaban ta aɓa pǝndǝa” ka, tana a ɓabum sǝm ace pà sǝm tǎlaban mala surǝ ɓoarɓwa mala Ɓakuli mǝnana à nǝ̀ sǝni a ɓamǝsǝ Yesu Kǝrǝsti ka.

Titus 1:2

Mǝno yì paɓamuru andǝ sǝlǝe ka, nda mǝnana kǝ pea wia tsǝkɓalǝu ama à nǝ̀ kum yilǝmu mǝnana málá male pà kàm raka, yì yilǝmu mǝnana Ɓakuli mana kǝ na nyir raka, bangŋa a shareta ɓanza ama nǝ̀ pea wia ka.

Amǝ Ibǝru 6:18

Ɓakuli pana pàcau andǝ kángir male yia kǝm. Amǝnia yì agir ɓari ka, à kǝ gandǝ nggaɗia ɗang, acemǝnana Ɓakuli ka, pà nǝ̀ gandǝ na nyir ɗang. Ace mani ka, sǝm mana sǝm ɓangŋǝna aban ká alta auwa abani ka, sǝm kumǝna ɓakɓabum mǝgule ace bwal kàngkàng arǝ tsǝkɓalǝu mǝnana à tsǝka sǝmi a dǝm sǝm ngga.

1 Yohana 5:10

Ɓwa mǝnana kat paɓamuri aban Muna mala Ɓakuli ka, ndanǝ mǝnia yì nakun ngga a ɓabumi. Sǝ ɓwa mǝnana earnǝ mǝnia yì nakun raka, nda ban tunǝi Ɓakuli nyir, acemǝnana ɓwe ka earnǝ nakun mǝnana Ɓakuli ne amur Muni ka ɗang.