Yohana 7:14 - Maləmce Məfele mala Ɓakuli: Kurcau Məbəshe

¹⁴ Lang à warina ɗār aɓa Lamsan, à gauwuni a tsuru ka, Yesu kutio aɓa Ndàmǝgule mala Ɓakuli, pǝlǝa tita kani aɓwana gir.

Yohana 7:14 ပူးပေါင်းရင်းမြစ်များ

Matiu 21:12

Lang Yesu kutio aɓa Ndàmǝgule mala Ɓakuli ka, pǝr amǝkuro andǝ amǝ makkiagir, ramnggita atebǝl mala amǝ nggaɗi boalo, sukkia, andǝ abuno mala amǝ makkia kutumurǝm.

Matiu 26:55

Yesu nê ɓwabunda mǝnana yiua bwale ka ama, “Wu yiu nǝ anggea-byau andǝ agara ace bwalam kǝla mǝ nda mǝyàl-nzongcau? Ko aya pwari ka ǝn nggǝ do aɓa Ndàmǝgule mala Ɓakuli aban kanigir, sǝ wu bwalam ɗang.

Luka 19:47

Ko aya pwari ka Yesu na aban kanigir aɓa Ndàmǝgule mala Ɓakuli. Agbani Pǝris andǝ amalǝm Nggurcau mala Musa sǝ akapana mǝnana aɓa ɓwapǝndǝa ka, à kǝ alte à nǝ̀ wal-lui.

Yohana 18:20

Yesu banggi wi ama, “Acau mem ngga ǝn nea bwāng a ɓadǝm ɓwapǝndǝa kat. Sǝ ko aya pwari ka mǝ ndaban kanigir arǝ ndakpapi andǝ Ndàmǝgule mala Ɓakuli, ban rambǝa mala amǝ Yahudi. Ən na kǝ cau aɓa sǝmbǝrǝa ɗang.

Yohana 5:14

Anzǝm mani ka Yesu kumi aɓa Ndàmǝgule mala Ɓakuli, sǝ ne wi ama, “Sǝni ado ka à twalǝno ban rǝkwana, nying pakki acauɓikea, ɓǝ̀ ana raka gir mǝɓane mǝnana kuti mǝno ka nǝ̀ kumo.”

Yohana 7:2

Sǝ lang Lamsan Doagumli, mala amǝ Yahudi gbashina ka,

Yohana 7:28

Mǝnana Yesu na ban kanigir aɓa Ndàmǝgule mala Ɓakuli ka, loasǝ gi kpǝm na ama, “Kàngkàng wu surǝam andǝ ban mǝnana ǝn pur kam ngga? Mim ngga ǝn yiu ace cau mala ɓamuram ɗang. Tárram mǝnana tasǝam ngga mǝ'mǝsǝcau na. Wun ngga wu surǝì ɗang.

Yohana 7:37

A masǝlǝata pwari, mǝnana ndà pwari mǝgule mala Lamsan ngga, Yesu lo came sǝ loasǝ gi kpǝm na ama, “Ɓwa mǝnana kat kǝ ok mǝsamur ka ɓǝ̀ yiu abanam ɓǝ̀ yi nu.

Yohana 8:2

Ban fana nǝ tadǝmbari ka, nyare wario a Ndàmǝgule mala Ɓakuli. Sǝ ɓwapǝndǝa yiu rambǝa abani, pǝlǝa do tita kania wia gir.

Yohana 8:20

Yesu naki amǝnia yì acau ka mǝnana nda rǝ kanigir a buban mǝnana à kǝ tsǝk boalo kam andǝ agir mǝɓoarne aɓa Ndàmǝgule mala Ɓakuli ka. Sǝ kǝɓwa bwali ɗang, acemǝnana pwari male malaká karǝ ɗang.