Yohana 7:1 - Maləmce Məfele mala Ɓakuli: Kurcau Məbəshe

¹ Anzǝm man ngga, Yesu gya aɓa nzali Galili; eare kutio aɓa bu-nzali Yahudi ɗang, acemǝnana aɓwana-mǝgule mala amǝ Yahudi mǝnana akano ka, à nda ban alte à nǝ̀ wal-lui.

Yohana 7:1 ပူးပေါင်းရင်းမြစ်များ

Matiu 10:23

Ɓǝa pà wun tanni a ɓe la ka, wu ɓangŋa wu kya ɓe. Ən nggǝ na wun mǝsǝcau kaniama wu nǝ̀ mal gya arǝ ala mala amǝ Isǝrayila kat ka, Muna mala Ɓwa nyarǝna yina.

Matiu 21:38

Lang amǝ'rya man nǝ yia sǝn muni ka, à nea rǝia ama, “Mǝliɓala nia kǝ yiu ka. Sǝm nǝ̀ yia wali ace mǝnana ɓǝ̀ ɓaban duk ma'sǝm!”

Markus 11:18

Agbani pǝris andǝ amalǝm Nggurcau mala Musa ok mǝnia yì cau ka. Pǝlǝa à tita alta njar mǝnana à nǝ̀ wal-lui nǝi ka. Sǝ yia ka, ɓangciu kǝ pakkia wia a rǝì, acemǝnana ɓwapǝndǝa kat ka ndali nǝ kanigir male.

Yohana 1:19

Aɓwana-mǝgule mala amǝ Yahudi mǝnana a Urǝshalima ka à túr apǝris andǝ amǝ'lawi ɓǝa kya ɗi Yohana ama, yì ka, nda yana le?

Yohana 4:3

Lang Yesu yi sǝlǝ ama amǝ Farisi ongŋǝna ama amǝ kpate nǝ̀ nggǝ̀ lakki ka, nying nzali Yahudi, nyare o ɗǝm a nzali Galili.

Yohana 4:54

Mǝnia ka nda ɓaria gir'ndǝlǝki mǝnana Yesu pe ka. Pe anzǝm mǝnana nyingŋǝna Yahudi yina a Galili ka.

Yohana 6:1

A ɓe pwari anzǝm man ngga Yesu eauwe a nkaring Garang Galili, mǝnana à tunǝki gbal ama, Garang Tiberiya ka.

Yohana 7:11

Aɓwana-mǝgule mala amǝ Yahudi camarǝ alte aban Lamsan, à kǝ ɗikiban ama, “Ɓwe na ake le?”

Yohana 7:13

Sǝ kǝɓwa puro na cau bwāng amuri ɗang, acemǝnana à kǝ ɓanggi aɓwana-mǝgule mala amǝ Yahudi.

Yohana 7:19

Musa nǝ̀ pa wun Nggurcau re? Sǝ kǝɓwa ata wun kpate ɗang. Ace mana sǝ wu kǝ earce ama wu nǝ̀ wal-luem?

Yohana 7:25

Pǝlǝa aɓea amǝ Urǝshalima na ama, “Nggearǝ ɓwa mǝnia na mbak aɓwana-mǝgule mala amǝ Yahudi alkiyite ama à nǝ̀ wal-lui ka re?

Yohana 7:35

Sǝ aɓwana-mǝgule mala amǝ Yahudi nacau a rǝarǝia ama, “Nggearǝì ka, ake sǝ nǝ̀ ká le, mǝnana pa sǝm nǝ̀ sǝni raka? Ko nǝ̀ ká aban aɓwana ma'sǝm mǝnana à mesǝkea arǝ ala mala amǝ Gǝrik ka, sǝ nǝ̀ ngga kania amǝ Gǝrik agir gbal le?

Yohana 8:37

Ən sǝlǝna ama wu ndaka amǝkau mala Ibǝrayim, sǝa ma wu kǝ earce walam, acemǝnana wu eari cau mem ɓǝ̀ kum ban-do a ɓabum wun ɗang.

Yohana 8:40

Wu kǝ earce ama wu nǝ̀ wal-luem, acemǝnana ǝn bangga wun mǝsǝcau mǝnana ǝn o a kun Ɓakuli ka. Sǝ Ibǝrayim pak kǝgir anggo ɗang.

Amǝ Mishan 10:38

Wu sǝlǝna ɗǝm ama Ɓakuli tsǝk bui amur Yesu Ɓwa Nazarat nǝ Bangŋo Mǝfele, andǝ rǝcandǝa. Kǝ gya aban pakki agir mǝɓoarne, sǝ kǝ twalban rǝkwana mala aɓwana mǝnana à nda aɓata rǝcandǝa mala Shetan ngga, acemǝnana Ɓakuli na ate.