Yohana 6:64 - Maləmce Məfele mala Ɓakuli: Kurcau Məbəshe

⁶⁴ Sǝ aɓea aɓwana ata wun ngga à earnǝ cau mem ɗang.” Yesu ka angŋǝna dǝmbǝa surǝna rǝ aɓwana mǝnana à earnǝi raka, andǝ ɓwa mǝnana nǝ̀ ngga me ka.

Yohana 6:64 ပူးပေါင်းရင်းမြစ်များ

Matiu 10:4

Shiman (mǝ'earce came ace la male), sǝ Yahuda Iskariyoti (mǝnana mak Yesu ka).

Yohana 10:26

Sǝ wun ngga wu earnǝ mim ɗang, acemǝnana wu ndaka nzur mem ɗang.

Yohana 18:4

Sǝ Yesu ka angŋa dǝmbǝa sǝlǝna gir mǝnana nǝ̀ kumi ka, pǝlǝa puro cam a ɓadǝmbǝia, sǝ ɗia ama, “Yana ɓwe na wu alkite?”

Yohana 5:42

Sǝ mim ngga ǝn surǝna rǝ wun, ɗǝm ngga ǝn sǝlǝna nǝma wu pànǝ earce Ɓakuli a ɓabum wun ɗang.

Yohana 6:36

Sǝ ado ka ǝn bangga wun ama wu sǝnǝ nam nǝ amǝsǝ wun sǝ kat andǝ amani ka wu earnǝ mim ɗang.

Yohana 6:60

Amǝkpate pas ok man yì cau ka sǝ à na ama, “Man yi kanigir ka kwanǝna, yana nǝ̀ gandǝ é?”

Yohana 6:61

Kǝɓwa ne wi ɗang, sǝ Yesu ka sǝlǝna ama alaggana male na aban nggwani amur man yì kanigir ka, pǝlǝa nea wia ama, “Kanigir man tsǝk wun bum wun kiɗiki le?

Yohana 6:66

Ace cau mǝnana Yesu na ka, twal àkǝ̀ pwari mǝno ka, amǝkpate pas nyari te, à o à ɗeki.

Yohana 8:23

Yesu ear ama, “Tǝta wun ngga a ɓanza mǝnia a nzali ka sǝ pa, sǝ mim ngga ǝn pur nǝ kuli. Wu nda ka mala ɓanza man, sǝ mim ngga mǝ nda mala ɓanza man ɗang.

Yohana 8:55

Wun ngga wu surǝì ɗang, sǝ mim ngga ǝn surǝì. Ɓǝ̀ ǝn na ama ǝn surǝì raka, mǝ nda mǝ'nyir kǝla wun. Sǝ mim ngga ǝn surǝì, sǝ ǝn nggǝ kpata cau male.

Amǝ Mishan 15:18

Mǝnia ka Mǝtalabangŋo nǝ̀ bangŋa, yì ɓwa mana pusǝ amǝnia yì agir a banfana ɗiɗyal ka.”

Amǝ Roma 8:29

Aɓwana mǝnana Ɓakuli angŋa dǝmbǝa twalǝnia ka, nda gbal tària ɓǝa do kǝla Muni, ace mǝnana ɓǝ̀ Muni duk muna-dǝmbǝa aɓalǝ amǝ'eambǝi mǝnana pas ka.

2 Timoti 2:19

Kat andǝ amani ka, mǝsǝcau mala Ɓakuli ka, camǝna kàngkàng kǝla kusǝɓa mǝnana à kwaki sǝ pà nǝ̀ dǝurǝ raka. Amuri ka à nyoulǝ mǝnia yì cau ka ama: “Mǝtalabangŋo surǝna rǝ aɓwana mǝnana à ndaka male ka,” sǝ “Koya ɓwa mǝnana kat kǝ na ama mala Mǝtalabangŋo na ka, dumǝna pup nǝ̀ gapita rǝia andǝ ɓealɓikea.”

Amǝ Ibǝru 4:13

Kǝgir pà kàm ata agir mǝnana à pusǝia ka, mǝnana nǝ̀ sǝmbǝrǝi Ɓakuli ka ɗang. Koya gir ka, nda gbǝrangtang sǝ nong kwas a ɓadǝmbǝi. Sǝ yì nda kǝ ɓwa mǝnana sǝm nǝ̀ ngga bǝlki aturo ma'sǝm a ɓadǝmbǝi ka.