Yohana 6:63 - Maləmce Məfele mala Ɓakuli: Kurcau Məbəshe

⁶³ Bangŋo mala Ɓakuli na pākiyi yilǝmu ka; ɓariki mala ɓwapǝndǝa pa nǝ̀ pà yilǝmu ɗang. Acau mǝnana ǝn bangga wun ngga a mala bangŋo na andǝ yilǝmu.

Yohana 6:63 ပူးပေါင်းရင်းမြစ်များ

Yohana 5:21

Kǝla mǝnana Ɓakuli Tárram kǝ loasǝ alú sǝ kǝ pea wia yilǝmu ka, anggo sǝ mim Muni ka mǝ nǝ pea aɓwana mǝnana ǝn earce mǝ nǝ pea wia ka yilǝmu.

Yohana 6:68

Shiman Bitǝrus eari wi ama, “Mǝtala sǝm, aban yan sǝ sǝm nǝ̀ ká le? A nda mǝnana nǝ cau mala pà yilǝmu mǝnana pà nǝ̀ mal raka.

Amǝ Mishan 5:20

“Wu kyane, wu kya came a Ndàmǝgule mala Ɓakuli, wu banggi aɓwana kat cau mala mǝnia yì bǝsa yilǝmu ka.”

Amǝ Roma 10:17

Ace mani ka, paɓamuru ka kǝ yiu aɓa ok cau mala Ɓakuli, yì Cau Amsǝban mala Kǝrǝsti mǝnana à hamnǝi ka.

Amǝ Roma 2:25

Kasǝ-ɓatau ka ndanǝ gir mǝɓoarne ate ɓǝ̀ wu kǝ kpata Nggurcau mala Ɓakuli ka. Sǝ ɓǝ̀ wu kǝ pár Nggurcau mala Ɓakuli ka, wu dumǝna kǝla weama à kasǝa wun ɓatau ɗang.

Amǝ Roma 8:2

Acemǝnana, nggurcau mala Bangŋo mǝnana yinǝa sǝm yilǝmu aɓa Kǝrǝsti Yesu ka, panzǝkina sǝm a bu nggurcau mala cauɓikea andǝ lú.

1 Amǝ Korinti 15:45

Malǝmce ka bangŋa ama, “Ɓwa mǝdǝmbe yì Adamu ka, yi pǝlǝ ɓwa mǝyilǝmuì.” Sǝ Adamu mǝ'nzǝmoe, yì Kǝrǝsti ka, Bangŋo na, mǝnana kǝ pa yilǝmu ka.

Amǝ Galati 5:25

Ɓǝ̀ sǝm nda ban do aɓata Bangŋo mala Ɓakuli ka, sǝm nǝ̀ kwaɗi lǝmndǝbu mala Bangŋo aɓa do ma'sǝm kat.

Amǝ Galati 5:6

Ɓǝ̀ ɓwa tsǝngŋǝna paɓamuru male aban Kǝrǝsti Yesu ka, ɓe kǝ girkuma pà kàm aɓa kasǝ-ɓatau, ko ɗwanyi kasǝ-ɓatau ɗang. Gir mǝnana ɓoaro à nǝ̀ na ce ka nda kǝ paɓamuru mǝnana kǝ lǝmndǝrǝi aɓa earcearǝu ka.

Amǝ Galati 6:15

Ko à kasǝa sǝm ɓata sǝm, ko à kasǝa sǝm raka, kǝgir pa a ɓalǝi ɗang. Gir mǝnana kutibanì kat ka nda nggaɗiban mǝnana ama à nda bǝsa ɓwa ka.

1 Amǝ Tasalonika 2:13

Sǝ ɗǝm ngga sǝm nggǝ pakki Ɓakuli yàwá tutu. Acemǝnana, lang sǝm yinǝ́nà wun nǝ́ cau mala Ɓakuli ka, wu twali kǝla cau mala ɓwapǝndǝa na ɗang. Wu oe, sǝ wu é cau mala Ɓakuli na, mǝ'mǝsǝcau nì mǝnana ndaban pak turo a ɓabum wun, wun aɓwana mǝnana kat wu pa ɓamur wun abani ka.

1 Timoti 4:8

Songnǝ nggūrǝu ka ndanǝ ɓoaro, sǝa ma ɓak ɓamuru aɓa do kpata Ɓakuli ka ndanǝ gir mǝɓoarne ate a koya njari ka, acemǝnana nda bwal kum do yilǝmu mǝɓoarne mana adyan andǝ mǝno kǝ yiu ka.

Amǝ Ibǝru 13:9

Ɓǝa kǝa ɓosǝki wun nǝ ambalang abǝri kanigir ɗang. Ndanǝ ɓoaro ɓǝ̀ rǝcandǝa mala ɓabum wun yiu nǝ ban ɓwamuru mala Ɓakuli, ɓǝ̀ kǝa yiu nǝ ban kpata anzongcau mala liki agirlina ɗang; aɓwana mǝnana à kǝ kpata amǝnia yì anzongcau ka, à kǝ kum kǝgir aɓalǝi ɗang.

Amǝ Ibǝru 4:12

Cau mala Ɓakuli ka, ndanǝ yilǝmu, sǝ ndanǝ rǝcandǝa. Cyauwe kuti koya ulang ya nggeabyau mǝnana kuni ɓari ka. Kǝ soaban, kǝ kutia ban gakya mala bangŋe ɓwa andǝ yilǝmi. Kǝ kutio aban kpakǝri mala mú andǝ girɓamu. Kǝ pusǝta mana nda mǝɓoarne andǝ mǝɓane arǝ ɗenyicau andǝ kani mala ɓabum ɓwa.

Jemis 1:18

Aɓa kane male sǝ yi ɓǝl sǝm nǝ cau mǝ'mǝsǝcau nì; tàr sǝm ata dǝmbe aɓalǝ aɓwana mǝnana pusǝia kat ka.

1 Bitǝrus 1:23

Wun ngga, à ɓǝsǝlǝna ɓǝl wun a bǝshe, sǝ mǝnia yì bǝsa ɓǝlban ngga, pur aɓa mǝsǝɓeale mǝnana kǝ kìɗìkì ka ɗang, pur aɓa mǝsǝɓeale mala cau mǝyilǝmuì mala Ɓakuli, yì cau male mana te malkiyi raka.

1 Bitǝrus 3:18

Kǝrǝsti ka, wú ace acauɓikea ma'sǝm kusǝ mwashat ɓǝrɓǝr, mǝ'cauɓoarna ace amǝ'cauɓikea, ace mǝnana ɓǝ̀ yinǝ wun a ɓala aban Ɓakuli ka. Yì ka, wú aɓa nggūrǝu, sǝa ma dum nǝ yilǝmu aɓa bangŋo.

1 Bitǝrus 3:21

Sǝ mǝno yì mùrgula, mǝnana aɓwana tongno-nong-tārú api wi ka, nda kǝla batisǝma mǝnana kǝ amsǝ wun ado ka. Pà ace lak pǝndǝkea mala nggūrǝu wun ɗang, nda ace lǝmndǝ eare ma'wun aban Ɓakuli nǝ ɓabum mǝɓoarnsari. Kǝ amsǝ wun acemǝnana Yesu Kǝrǝsti lo a ɓembe nǝ yilǝmu ka.